Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟିକା ବଣ୍ଟନ ପାଇଁ ୨୧ ଜଣିଆ ପରିଚାଳନା କମିଟି ଗଠନ, ସ୍ଵାସ୍ଥ୍ୟ ବିଭାଗର ନିର୍ଦ୍ଦେଶକ ହେଲେ ଅଧ୍ୟକ୍ଷ
  • ||
  • ୯୦ ପ୍ରତିଶତ ନଷ୍ଟ ହୋଇ ସାରିଥିଲା କରୋନା ସଂକ୍ରମିତ ବ୍ୟକ୍ତିଙ୍କ ଫୁସ୍‌ଫୁସ୍, ଇକମୋ ପଦ୍ଧତିରେ ସୁସ୍ଥ କଲେ ସମ୍ ଡାକ୍ତର
  • ||
  • ଦ୍ଵିତୀୟ ଲହର ସଂକ୍ରମଣର ଆଶଙ୍କା ନାହିଁ, ସୁସ୍ଥ ହୋଇ ଘରକୁ ଫେରିଲେ ୬୦୫ ଆକ୍ରାନ୍ତ
  • ||
  • ଡିସେମ୍ବର ୮ରେ କୃଷକଙ୍କ ଭାରତ ବନ୍ଦ ଡାକରା, ରାଜ୍ୟ କଂଗ୍ରେସର ସମର୍ଥନ ଘୋଷଣା
  • ||
  • ପଞ୍ଚମ ପର୍ଯ୍ୟାୟ କୃଷକ-ସରକାରଙ୍କ ଆଲୋଚନା ବିଫଳ, ଡିସେମ୍ବର ୯’ରେ ପୁଣି ବୈଠକ
  • ||
  • ସାଲେପୁର : ଷଣ୍ଢକୁ ଧକ୍କା ଦେବା ପରେ ହୁତୁ ହୁତୁ ହୋଇ ଜଳିଲା କାର୍, ଅଳ୍ପକେ ବର୍ତ୍ତିଲେ ୪ ଜଣ
  • ||
  • ଭୁବନେଶ୍ବର : ‘ପରୀ’ ହତ୍ୟାକାରୀକୁ ଧରାଇଦେଲେ ମିଳିବ ଲକ୍ଷେ ଟଙ୍କା
  • ||
  • ନୟାଗଡ : ଘର ବାଡିପଟୁ ମିଳିଲା ବୃଦ୍ଧଙ୍କ ମୃତଦେହ, ମୁଣ୍ଡ ଏବଂ ମୁହଁରେ ରହିଛି କ୍ଷତଚିହ୍ନ, ହତ୍ୟା ସନ୍ଦେହ
  • ||
  • ଯାଜପୁର : ଭୟାବହ ଅଗ୍ନିକାଣ୍ଡ, ୧୨ ବଖରା ଘର ସହ ଜଳିଗଲା ଲକ୍ଷାଧିକ ଟଙ୍କାର ସୁନା ଗହଣା
  • ||
  • ଢେଙ୍କାନାଳ : ବାଇକ୍‌କୁ ଧକ୍କା ଦେଲା କାର୍, ଆରୋହୀ ପିଟିହେଲେ ଟ୍ରକ୍‌ରେ, ଚାଲିଗଲା ଜୀବନ
  • ||

ଖରିଫ ଧାନ କିଣା ଦୁର୍ନୀତି ପ୍ରସଙ୍ଗ : ଜିଲ୍ଲା ବିଜେପି ସଭାପତିଙ୍କ ସଂପୃକ୍ତି ଅଭିଯୋଗ ଆଣିଲା ନବନିର୍ମାଣ କୃଷକ ସଙ୍ଗଠନ

30/08/2020 at 12:33 PM

କେନ୍ଦୁଝର ୩୦।୮: ଖରିଫ ଧାନ କିଣା ଦୁର୍ନୀତିରେ ଜିଲ୍ଲା ବିଜେପି ସଭାପତି ଅଂଶୁମାନ ସବୁଜ ମହାନ୍ତ ବର୍ମା ସମ୍ପୃକ୍ତ ବୋଲି ଚାଷୀ ସଙ୍ଗଠନ ଅଭିଯୋଗ ଆଣିଛି । ବିଜେପି ସଭାପତିଙ୍କ ଚାଷଜମିରେ ଉତ୍ପାଦିତ ଧାନଠାରୁ ଅଧିକ ଧାନ ସରକାରୀ ମଣ୍ଡିରେ ସେ ବିକିଥିବା ଅଭିଯୋଗ ହୋଇଛି । ସେହିପରି ତାଙ୍କ ଭାଇ ଜିଲ୍ଲା ପରିଷଦ ସଦସ୍ୟ ଶିବାଜୀ ମଧ୍ୟ ଅଧିକ ଧାନ ବିକିଥିବା ନବନିର୍ମାଣ କୃଷକ ସଙ୍ଗଠନ ପକ୍ଷରୁ ଅଭିଯୋଗ କରାଯାଇଛି ।

ଅଭିଯୋଗ ଅନୁସାରେ ସାହାରପଡା ସମବାୟ ସମିତିର ଧାନମଣ୍ଡିରେ ଚଳିତ ଖରିଫ ଧାନକିଣାରେ ୩ କୋଟିରୁ ଅଧିକ ଟଙ୍କାର ହେରଫେର ହୋଇଛି । କିନ୍ତୁ ଫେବ୍ରୁଆରୀ ମାସରୁ ଧାନ ବିକିଥିବା ପ୍ରକୃତ ୬୮ ଜଣ ଚାଷୀ ପ୍ରାପ୍ୟ ପାଇନାହାନ୍ତି । ମାତ୍ର ବିଜେପି ସଭାପତି ମାର୍ଚ୍ଚ ୨୪ ତାରିଖରେ ୧୨୦ କୁଇଣ୍ଟାଲ ଧାନ ବିକି ଏହାର ମୂଲ୍ୟ ପାଇଥିବା ରିପୋର୍ଟ ମିଳିଛି । ସମବାୟ ବିଭାଗର ଧାନକିଣା ଦାୟିତ୍ବରେ ଥିବା ସାହାରପଡା ଲ୍ୟାମ୍ପ୍ସ ପରିଚାଳନା ନିର୍ଦ୍ଦେଶକ ଖଗେଶ୍ବର ମହାନ୍ତ ଓ ସହକାରୀ ଚିତ୍ତରଞ୍ଜନ ନାଏକ ସହିତ ଜିଲ୍ଲାସ୍ତରୀୟ ଅଧିକାରୀ ଓ ଯୋଗାଣ ବିଭାଗର ବରିଷ୍ଠ ଅଧିକାରୀମାନେ ଧାନକିଣା ଅନିୟମିତତାରେ ଜଡିତ ରହିଥିବାରୁ ଏଭଳି ଚଞ୍ଚକତା ସମ୍ଭବ ହୋଇପାରିଛି ବୋଲି ଅଭିଯୋଗ କରାଯାଇଛି ।

ଘଟଣାକୁ ଚପାଇ ଦେବାକୁ ଯାଇ ସମବାୟ ବିଭାଗ ଏହି ୨ ଜଣ କର୍ମଚାରୀଙ୍କୁ ନିଲମ୍ବନ କରିବା ସହିତ ଥାନାରେ ମଧ୍ୟ ଏତଲା ଦେଇଛି । ପୁଲିସ ଅଭିଯୁକ୍ତ ଦ୍ବୟକୁ ଥାନାରେ ଅଟକ ରଖିଛି । ଅନ୍ୟପକ୍ଷରେ ୬୮ ଜଣ ଚାଷୀ ପାଉଣା ନପାଇଲେ ଆସନ୍ତା ୮ ତାରିଖରୁ ଆମରଣ ଅନଶନ କରିବେ ବୋଲି ଚେତାବନୀ ମଧ୍ୟ ଦେଇଛନ୍ତି ।

   Related Posts