Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟଣା : ଛିଡିଲାନି ଭାଗବଣ୍ଟା, ଦୁଇ ପିସ୍ ମାଂସ ପାଇଁ ଆତ୍ମହତ୍ୟା କଲେ ଭଉଣୀ
  • ||
  • କଟକ : ରେଭେନ୍ସା ବିଶ୍ବବିଦ୍ୟାଳୟର ନୂତନ କୁଳପତି ହେଲେ ପ୍ରଫେସର ସଞ୍ଜୟ ନାୟକ
  • ||
  • ଭୁବନେଶ୍ବର : ନାବାଳିକା ଗଣଦୁଷ୍କର୍ମ ମାମଲା, ଅପ୍ରେଲ ୫ରେ ଚୂଡାନ୍ତ ଶୁଣାଣି
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ଆଉ ୧୫୪ କୋଭିଡ୍ ସଂକ୍ରମିତ, ୩୩୪୦୨୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ମେ’ ରେ ହେବ କଂଗ୍ରେସର ଅଧ୍ୟକ୍ଷ ପଦ ପାଇଁ ନିର୍ବାଚନ, ସିଡବ୍ଲ୍ୟୁସି ବୈଠକ ପରେ ବଡ ଘୋଷଣା କଲା ଦଳ
  • ||
  • ହୁ ହୁ ହୋଇ ବଢୁଛି ତୈଳଦର, ମୁମ୍ବାଇରେ ୯୧ ଟଙ୍କା ଉପରେ ପେଟ୍ରୋଲ ଦାମ୍
  • ||
  • ରାଉରକେଲା : ନିଆଁ ପୁଇଁବା ହେଲା କାଳ, ଦଳିଦେଲା ଦନ୍ତା, ଚାଲିଗଲା ଜୀବନ
  • ||
  • ଝଲସିବ ଅର୍କ କ୍ଷେତ୍ର : ନୂଆ ରୂପ ପାଇବ କୋଣାର୍କ ସୂର୍ଯ୍ୟ ମନ୍ଦିର, ପର୍ଯ୍ୟଟକଙ୍କୁ ମିଳିବ ବିଶ୍ୱସ୍ତରୀୟ ସୁବିଧା
  • ||
  • ଆଜି ବସୁଛି କଂଗ୍ରେସର ସିଡବ୍ଲ୍ୟୁସି ବୈଠକ, ଅଧ୍ୟକ୍ଷ ନିର୍ବାଚନ ନେଇ ହେବ ଆଲୋଚନା !
  • ||
  • ଏଥର ନିଜ ସ୍କୁଲରେ ଛାତ୍ରଛାତ୍ରୀ ଦେବେ ମାଟ୍ରିକ ପରୀକ୍ଷା, ୨ ଘଣ୍ଟାରେ ଲେଖିବାକୁ ପଡିବ ଉତ୍ତର
  • ||

ପୁଣି କ୍ଷେପଣାସ୍ତ୍ର ପରୀକ୍ଷା କଲା ଉତ୍ତର କୋରିଆ, ଗୋଟିଏ ସପ୍ତାହରେ ଦ୍ୱିତୀୟ ଘଟଣା

9/03/2020 at 3:43 PM

ସିଓଲ: ଉତ୍ତର କୋରିଆ ୩ଟି କ୍ଷେପଣାସ୍ତ୍ର ପରୀକ୍ଷା କରିଛି। ସିଓଲ ମିଲେଟ୍ରି ସୋମବାର ଏହି ସୂଚନା ଦେଇଛି। ନିକଟରେ ଏକ ସ୍ୱଳ୍ପ ଦୂରଗାମୀ ବାଲିଷ୍ଟିକ୍ କ୍ଷେପଣାସ୍ତ୍ରର ପରୀକ୍ଷଣ କରିଥିଲା। ଏହାର ସପ୍ତାହଟେ ପୁରଣ ନ ହେଉଣୁ ପୁଣି ଏହି ପରୀକ୍ଷା କରିଥିବା ଜଣାପଡିଛି। ଦକ୍ଷିଣ ହାମୋଗୟଙ୍ଗର ସାଣ୍ଡୋକ୍‌ ଉପକୂଳରୁ ପୂର୍ବ ଦିଗକୁ ଏହି କ୍ଷପଣାସ୍ତ୍ରଗୁଡିକୁ ଛଡାଯାଇଥିବା ଦକ୍ଷିଣ କୋରିଆ ସେନାମୁଖ୍ୟ କହିଛନ୍ତି। ତେବେ ଉତ୍ତରକୋରିଆର ପରବର୍ତ୍ତି କାର୍ଯ୍ୟକ୍ରମ ଉପରେ ସେନା ନଜର ରଖିଥିବା ସେ କହିଛନ୍ତି।   ଉତ୍ତରକୋରିଆ ସରକାରୀ ଟେଲିଭିଜନ  ରାଷ୍ଟ୍ରପତି କିମ୍ ଜୋନ ଉନ୍‌ଙ୍କ ଉପସ୍ଥିତିରେ ଅନୁଷ୍ଠିତ ଏହା ଏକ ସାମରିକ ଅଭ୍ୟାସ ବୋଲି କହିଛି। 

କରୋନା ସଂକ୍ରମଣ  ସମଗ୍ର ଅନ୍ତରୀପକୁ ଆତଙ୍କିତ କରିଛି। ଉପୁଜିଥିବା ପରିସ୍ଥିତିରେ ଉନ ଦକ୍ଷିଣ କୋରିଆ ରାଷ୍ଟ୍ରମୁଖ୍ୟ ମୁନ୍-ଜାଏ-ଇନଙ୍କୁ ପତ୍ର ଲେଖିବାର ଦ୍ୱିତୀୟ ଦିନ ଏହି କ୍ଷେପଣାସ୍ତ୍ର ପରୀକ୍ଷଣ କରିଥିବା ଜଣାପଡିଛି। ଉନ ତାଙ୍କ ପତ୍ରରେ ଉପୁଜିଥିବା ପରିସ୍ଥିତିର ଖୁବ୍ ଶୀଘ୍ର ପରିବର୍ତ୍ତନ ଲାଗି ଆଶାବ୍ୟକ୍ତ କରିଥିଲେ। ଉତ୍ତରକୋରିଆ ଗତବର୍ଷ ଅନେକ ଅସ୍ତ୍ରଶସ୍ତ୍ରପରୀକ୍ଷଣ କରିଥିଲା। ଏଥିରେ ରକେଟ୍ ପ୍ରଣାଳୀର ପରୀକ୍ଷଣ ବି ହୋଇଥିଲା।  ଆଣବିକ ପରୀକ୍ଷଣ ଲାଗି ଉତ୍ତରକୋରିଆ ଉପରେ ଅନ୍ତର୍ଜାତୀୟ ମୋରିଟାରିୟମ ଲାଗୁ ରହିଛି। ତେବେ ଉତ୍ତରକୋରିଆ ଅଧିକ ସମୟ ଏହି କଟକଣା ମାନିବାକୁ ବାଧ୍ୟ ନୁହେଁ ବୋଲି ରାଷ୍ଟ୍ରପତି ଦଳୀୟ କାର୍ଯ୍ୟକ୍ରମ ଶେଷରେ କହିଥିବାର ଜଣାପଡିଛି। ସେହି ଅନୁସାରେ ସେନା ମଝିରେ ମଝିରେ ଏପରି ପରୀକ୍ଷଣ କରୁଥିବାର ଅନୁମାନ କରାଯାଉଛି।

ଆମେରିକା ସହିତ ଉତ୍ତରକୋରିଆର ଆଣବିକ ଆଲୋଚନାରେ ଏବେବି ଯଥା ପୂର୍ବଂ ତଥା ପରଂ ପରିସ୍ଥିତିରେ ରହିଛି। ଏଣୁ ଉତ୍ତରକୋରିଆ ଉପରେ ଲାଗୁ କଟକଣା କୋହଳ କରିବା ଲାଗି ପ୍ୟୋଙ୍ଗୟାଙ୍ଗ ପକ୍ଷରୁ ନିବେଦନ କରାଯାଇଛି। ଆମେରିକା ରାଷ୍ଟ୍ରପତି ଓ ଉନଙ୍କ ମଧ୍ୟରେ ହାନୋଇ ସାକ୍ଷାତ ଆଲୋଚନାକୁ ୧ ବର୍ଷ ପୂରଣ ହୋଇଛି। ଏହି ଆଲୋଚନା ପରେ ମଧ୍ୟ ଆମେରିକା ଜାତୀୟ ସୁରକ୍ଷା ପରିଷଦ ଉତ୍ତରକୋରିଆ ଉପରେ କଟକଣା ଲଗାଉଥିବା ବେଳେ ଉନ ମଧ୍ୟ ତାଙ୍କ କାର୍ଯ୍ୟକ୍ରମ ଜାରି ରଖିଛନ୍ତି।    

   Related Posts