Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୟୁପି ନିର୍ବାଚନ ପୂର୍ବରୁ କଂଗ୍ରେସକୁ ଝଟକା : ଇସ୍ତଫା ଦେଲେ ଆରପିଏନ୍ ସିଂହ, ବିଜେପିରେ ହେବେ ସାମିଲ୍
  • ||
  • ଫୁଟବଲ ମ୍ୟାଚ୍ ଦେଖିବା ପାଇଁ ଦଳାଚକଟା : ୬ ମୃତ, ୫୦ରୁ ଅଧିକ ଗୁରୁତର
  • ||
  • ବଲାଙ୍ଗୀର : ଭିଜିଲାନ୍ସ ଜାଲରେ ଆଗଲପୁର ବ୍ଲକ୍ ସେକ୍ସନ୍ ଅଫିସର୍, ଏକକାଳୀନ ୩ଟି ସ୍ଥାନରେ ଚଢାଉ
  • ||
  • ନିର୍ବାଚନ ପ୍ରଚାର ବେଳେ ଉତ୍ତେଜନା : କୋଭିଡ୍ କଟକଣା ଭାଙ୍ଗି କରୁଥିଲେ ସଭା, ୨ ଗୋଷ୍ଠୀ ମୁହାଁମୁହିଁ
  • ||
  • ରାଜ୍ୟରେ ଆଉ ୭ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୩୨କୁ ବୃଦ୍ଧି
  • ||
  • ରାଜ୍ୟରେ ଖସିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୮୯୧ କୋଭିଡ୍ ପଜିଟିଭ୍, ୧୨୧୭୮୪୨ରେ ପହଞ୍ଚିଲା ସଂଖ୍ୟା
  • ||
  • ମଙ୍ଗଳବାରଠୁ ଓଡିଶା ଓପନ୍ ବ୍ୟାଡମିଣ୍ଟନ୍, ଭାଗନେବେ ୧୭ ଦେଶର ୩୫୦ ପ୍ରତିଯୋଗୀ
  • ||
  • ସମାଧାନ ପାଇଁ ଯାଇଥିଲେ ମହିଳା ଏସଆଇ, ୨ ଘଣ୍ଟା ଅଟକ ରଖିଲେ ଗ୍ରାମବାସୀ
  • ||
  • ଇନ୍ଦୋରରେ ଓମିକ୍ରନ୍ ଭାରିଆଣ୍ଟର ନୂଆ ଷ୍ଟ୍ରେନ୍, ୬ ଶିଶୁଙ୍କ ସମେତ ୧୨ ରୋଗୀ ସଂକ୍ରମିତ
  • ||
  • କରଞ୍ଜିଆ ରେଞ୍ଜରେ ଗୋଠଛଡା ଦନ୍ତା ଆତଙ୍କ : ଭାଙ୍ଗିଲା ଘର, ନଷ୍ଟ କଲା ଫସଲ
  • ||

ରହସ୍ୟମୟୀ ମନ୍ଦିର: ଭଗବାନ ଶିବ ଅଭିଶାପ ଦେଇ ଏକ କୋଟି ଦେବଦେବୀଙ୍କୁ କରିଦେଇଥିଲେ ପଥର

28/11/2021 at 6:24 PM

ଅଗରତାଲା ୨୮/୧୧ : ଭାରତରେ କୋଟି କୋଟି ମନ୍ଦିର ଅଛି। ଅନେକ ରହସ୍ୟମୟୀ ମନ୍ଦିର ମଧ୍ୟ ଅଛି ଯାହା ଆଜି ବି ରହସ୍ୟ ଘେରରେ ରହିଛି। ଆପଣ କେବେ ଏମିତି ମନ୍ଦିର ସମ୍ପର୍କରେ ଶୁଣିଛନ୍ତି ଯେଉଁଠି ୯୯ ଲକ୍ଷ ୯୯ ହଜାର ୯୯୯ ମୂର୍ତ୍ତି ଅଛି। ଭାରତରେ ଏମିତି ଏକ ମନ୍ଦିର ଅଛି।

ଏହି ମନ୍ଦିର ତ୍ରିପୁରା ରାଜଧାନୀ ଅଗରତାଲା ନିକଟରେ ଅଛି। ଏହି ମନ୍ଦିର ନାମ ଉନାକୋଟି। ମନ୍ଦିରର ରହସ୍ୟ ଆଜି ଜଣେ କୌଣସି ବୈଜ୍ଞାନିକ ମଧ୍ୟ ଜାଣିପାରିଲେନି ଯେ ମନ୍ଦିରରେ କୋଟିଏରୁ ଗୋଟିଏ ମୂର୍ତ୍ତି କମ କାହିଁକି ଅଛି। ମନ୍ଦିରର ରହସ୍ୟମୟୀ ସଂଖ୍ୟା ଯୋଗୁଁ ଏହାର ନାଁ ଉନାକୋଟି। ଏହାର ଅର୍ଥ ଗୋଟିଏ କୋଟିରୁ ଗୋଟିଏ କମ।

ଏହି ମନ୍ଦିର ବହୁତ ଖାସ। ଉନାକୋଟି ମନ୍ଦିର ଅଗରତାଲାରୁ ପ୍ରାୟ ୧୪୫ କିଲୋମିଟର ଦୂରରେ ଅବସ୍ଥିତ। ମନ୍ଦିରରେ ମୂର୍ତ୍ତି ସବୁ କିଏ ତିଆରି କରିଛି ଓ କାହିଁକି ତିଆରି କରିଛି ତାହା ବି ରହସ୍ୟ। ମୂର୍ତ୍ତି କେବେ ତିଆରି ହୋଇଥିଲା ତାହା ମଧ୍ୟ ଆଜି ଯାଏଁ ଜଣାପଡିନାହିଁ।

ମନ୍ଦିର ସମ୍ବନ୍ଧରେ ଅନେକ ପୌରାଣିକ କଥା ମଧ୍ୟ ରହିଛି। ପଥର କାଟି ମୂର୍ତ୍ତି ତିଆରି କରାଯାଇଛି। ପୌରାଣିକ କଥା ଅନୁସାରେ, ଥରେ ଭଗବାନ ଶିବଙ୍କ ସମେତ ଏକ କୋଟି ଦେବଦେବୀ ତାଙ୍କ ସହ କୁଆଡେ ଯାଉଥିଲେ। ଏଠାରେ ରାତି ହୋଇଯିବାରୁ ସମସ୍ତେ ଉନାକୋଟି ବିଶ୍ରାମ କଲେ। ଭଗବାନ ଶିବ ସମସ୍ତ ଦେବଦେବୀଙ୍କୁ କହିଥିଲେ ଯେ ସୂର୍ଯ୍ୟୋଦୟ ପୂର୍ବରୁ ଏହି ସ୍ଥାନ ଛାଡିବାକୁ ପଡିବ। କିନ୍ତୁ ସୂର୍ଯ୍ୟୋଦୟ ପୂର୍ବରୁ କେବଳ ଶିବ ହିଁ ଉଠିଲେ ଓ ବାକି ସମସ୍ତେ ଶୋଇଥିଲେ। ଏହା ଦେଖି ଶିବ କ୍ରୋଧିତ ହୋଇଗଲେ ଓ ଅଭିଶାପ ଦେଇ ସମସ୍ତଙ୍କୁ ପଥର କରିଦେଲେ।

ମନ୍ଦିର ସମ୍ପର୍କରେ ଆଉ ଏକ ପୌରାଣିକ କଥା ରହିଛି। କାଳୁ ନାମକ ଏକ ଶିଳ୍ପୀ ଭଗବାନ ଶିବ ଓ ମାତା ପାର୍ବତୀଙ୍କ ସହ କୈଳାସ ପର୍ବତ ଯିବାକୁ ଚାହୁଁଥିଲା। ଶିଳ୍ପୀର ଜିଦ ଯୋଗୁଁ ଶିବ ତାଙ୍କୁ ଗୋଟିଏ ରାତିରେ ଏକ କୋଟି ମୂର୍ତ୍ତି ତିଆରି କରିବାକୁ କହିଥିଲେ। ଶିଳ୍ପୀ ରାତି ସାରା ମୂର୍ତ୍ତି ତିଆରି କଲେ କିନ୍ତୁ ସକାଳୁ ଗଣିଲା ବେଳେ ଗୋଟିଏ ମୂର୍ତ୍ତି କମ ଥିଲା। ସେଥିପାଇଁ ଶିବ ଶିଳ୍ପୀଙ୍କୁ ନିଜ ସହ ନେଇନଥିଲେ।

ଉନାକୋଟି ମନ୍ଦିର ଏକ ପାହାଡିଆ ଅଞ୍ଚଳରେ ଅଛି। ଏହାର ଚାରିପଟେ ଘଞ୍ଚ ଜଙ୍ଗଲ ଅଛି। ଏହି ସ୍ଥାନ ସବୁବେଳେ ପାଣି କାଦୁଅ ହୋଇଥାଏ। ଯାହାଫଳରେ ଏଠାରେ କେହି ରୁହନ୍ତି ନାହିଁ। ଜଙ୍ଗଲ ଭିତରେ ଏତେ ମୂର୍ତ୍ତି କିଭଳି ନିର୍ମାଣ ହୋଇଛି ତାହା ଆଜି ଯାଏଁ ଜଣାପଡିନାହିଁ।

   Related Posts