ନୂଆଦିଲ୍ଲୀ ୧୬।୫: କରୋନା ସଙ୍କଟ ସମୟରେ ଆତଙ୍କବାଦ ବିରୋଧରେ ଚାଲିଥିବା ଲଢେଇରେ ଭାରତକୁ ସଫଳତା ମିଳିଛି । ମିଆଁମାର ଶୁକ୍ରବାର ଦିନ ୨୨ ଜଣ ଆତଙ୍କବାଦୀଙ୍କୁ ଭାରତକୁ ହସ୍ତାନ୍ତର କରିଛି। ଉତ୍ତର-ପୂର୍ବ ଅଞ୍ଚଳରେ ଆତଙ୍କବାଦ ଦ୍ବାରା ଭାରତ ବଶୀ ପ୍ରଭାବିତ ହୋଇଛି ।
ସରକାରୀ ସୂତ୍ରରୁ ଏକ ଗଣମାଧ୍ୟମକୁ ସୂଚନା ମିଳିଛି ଯେ, ଏହି ଅପରେସନକୁ ବାହ୍ୟ ଗୁଇନ୍ଦା ସଂସ୍ଥା ଏବଂ ମିଆଁମାର ସରକାରଙ୍କ ଦ୍ବାରା କରାଯାଇଛି ।
ସୂତ୍ରରୁ ପ୍ରକାଶ ଯେ, ଆତଙ୍କବାଦୀଙ୍କୁ ଏକ ସ୍ବତନ୍ତ୍ର ବିମାନ ଦ୍ବାରା ଭାରତ ଅଣାଯାଇଥିଲା । ଆତଙ୍କବାଦୀ ଗୋଷ୍ଠୀ ପ୍ରଥମେ ମଣିପୁରର ରାଜଧାନୀ ଇମ୍ଫାଲରେ ସ୍ଥାନୀୟ କର୍ତ୍ତୃପକ୍ଷଙ୍କୁ ହସ୍ତାନ୍ତର କରାଯାଇଥିଲା ଏବଂ ପରେ ଆସାମର ଗୁଆହାଟିକୁ ଅଣାଯାଇଥିଲା ।
ଏହା ବିଶ୍ବାସ କରାଯାଏ ଯେ, ମିଆଁମାରରେ ସକ୍ରିୟ ଥିବା ଏହି ଆତଙ୍କବାଦୀଙ୍କୁ ଭାରତକୁ ହସ୍ତାନ୍ତର କରିବା ଉତ୍ତର-ପୂର୍ବ ରାଜ୍ୟରେ ଆତଙ୍କବାଦୀ କାର୍ଯ୍ୟକଳାପରେ ଅଙ୍କୁଶ ଲଗାଇବାରେ ସହାୟକ ।
ସୂତ୍ରରୁ ପ୍ରକାଶ ଯେ, ଜାତୀୟ ସୁରକ୍ଷା ପରାମର୍ଶଦାତା (ଏନଏସଏ) ଅଜିତ ଡୋଭାଲ ବାହ୍ୟ ଗୁଇନ୍ଦା ସଂସ୍ଥା ଏବଂ ମିଆଁମାର ଅଧିକାରୀଙ୍କ ମଧ୍ୟରେ ସମନ୍ବୟରେ ପ୍ରମୁଖ ଭୂମିକା ଗ୍ରହଣ କରିଛନ୍ତି।