Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକଣା କଡାକଡି କଲା ହଙ୍ଗକଙ୍ଗ, ବାହାର ଦେଶର ନାଗରିକଙ୍କ ପ୍ରବେଶ ଉପରେ ରୋକ୍
  • ||
  • ଟଳିଗଲା ମୃତ୍ୟୁ, ଅଳ୍ପକେ ମରଣ ମୁହଁରୁ ବର୍ତ୍ତିଲେ କଲେଜ ଛାତ୍ରୀ ଓ ସ୍କୁଟି ଚାଳକ : ସିସିଟିଭିରେ ଛାତିଥରା ଦୃଶ୍ୟ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୧୧କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୨୮ କରୋନା ସଂକ୍ରମିତ, ୧୦୪୯୧୦୮ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୬ ହଜାରରୁ ଅଧିକ କରୋନା ପଜିଟିଭ୍, ୧୯୦ ମୃତ
  • ||
  • ହଠାତ ହେଲା ବରଫ ଝଡ, ପବ୍‌ରେ ଫସିଗଲେ ୬୧ ଗ୍ରାହକ : ୩ ଦିନ ପରେ ଉଦ୍ଧାର
  • ||
  • ମା’ ସୁରେଶ୍ୱରୀ ମନ୍ଦିରରୁ ଚୋରି, ନେଇଗଲେ ଦେବୀଙ୍କ ରୁପା ମୁକୁଟ
  • ||
  • ବୁଧବାରଠୁ କମ୍ପିବ ବିଧାନସଭା, ଅଧିବେଶନ ପୂର୍ବରୁ ରଣନୀତି ପ୍ରସ୍ତୁତ କରିବେ ଶାସକ ଓ ବିରୋଧି
  • ||
  • ଆସୁଛି ବାତ୍ୟା ‘ଜଓ୍ୱାଦ’, ୪ ତାରିଖରେ କରିବ ଲ୍ୟାଣ୍ଡଫଲ
  • ||
  • ଜଗତସିଂହପୁରରେ ‘ସାଗର କବଚ ଓଡି-୨୧’, ସମରାଭ୍ୟାସରେ ସାମିଲ ଭାରତୀୟ ତଟରକ୍ଷୀ ବାହିନୀ ଓ ମେରାଇନ୍ ପୋଲିସ
  • ||

କେନ୍ଦ୍ର ଗୃହ ମନ୍ତ୍ରୀ ଶାହାଙ୍କୁ ମିଜୋରାମ ମୁଖ୍ୟମନ୍ତ୍ରୀଙ୍କ ଚିଠି: ମୋ ମନ୍ତ୍ରୀମାନେ ହିନ୍ଦୀ ଜାଣନ୍ତି ନାହିଁ, ଆଉ କିଛି ଇଂରାଜୀ ବୁଝନ୍ତି ନାହିଁ, ତେଣୁ…

8/11/2021 at 9:25 PM

ନୂଆଦିଲ୍ଲୀ ୦୮।୧୧: କେନ୍ଦ୍ର ଗୃହ ମନ୍ତ୍ରୀ ଅମିତ୍ ଶାହାଙ୍କୁ ମିଜୋରାମ ମୁଖ୍ୟମନ୍ତ୍ରୀ ପୁ ଜୋରାମଥାଙ୍ଗାଙ୍କ ଚିଠି। ମୁଖ୍ୟମନ୍ତ୍ରୀ ଲେଖିଛନ୍ତି ଯେ, କେନ୍ଦ୍ର ସରକାର ରେଣୁ ଶର୍ମାଙ୍କୁ ରାଜ୍ୟର ମୁଖ୍ୟ ସଚିବ ନିଯୁକ୍ତ କରିବା ଆଦେଶକୁ ସଂଶୋଧନ କରନ୍ତୁ। ତାଙ୍କ ବଦଳରେ ଅତିରିକ୍ତ ମୁଖ୍ୟ ସଚିବ ଜେସି ରାମଥଙ୍ଗାଙ୍କୁ ନୂତନ ମୁଖ୍ୟ ସଚିବ ଭାବେ ନିଯୁକ୍ତ କରନ୍ତୁ।

ଗୁଜରାଟ କ୍ୟାଡରର ମୁଖ୍ୟ ସଚିବ ଲାଲନୁନମାଭିଆ ଚୁଆଉଗୋଙ୍କ ଅବସର ପରେ ମୁଁ ନିଜର ବର୍ତ୍ତମାନ ଅତିରିକ୍ତ ମୁଖ୍ୟ ସଚିବ ଜେସି ରାମନଥାଙ୍ଗା(ମଣିପୁର କ୍ୟାଡର)ଙ୍କୁ ପରବର୍ତ୍ତୀ ମୁଖ୍ୟ ସଚିବ କରିବାକୁ ଅନୁରୋଧ କରୁଛି। ହେଲେ ଗୃହ ମନ୍ତ୍ରଣାଳୟ ରେଣୁ ଶର୍ମାଙ୍କୁ ନୂତନ ମୁଖ୍ୟ ସଚିବ ଭାବେ ନିଯୁକ୍ତ ଦେଇଛି।

ମିଜୋରାମର ମୁଖ୍ୟମନ୍ତ୍ରୀଙ୍କ ପରାମର୍ଶଦାତା ପୁସି ଲାଲରାମଜୌଭା କହିଛନ୍ତି ଯେ, ଅକ୍ଟୋବର ୨୯ରେ କେନ୍ଦ୍ର ଗୃହ ମନ୍ତ୍ରଣାଳୟକୁ ମୁଖ୍ୟ ସଚିବ ନିଯୁକ୍ତ ସଂପର୍କରେ ଚିଠି ଲେଖା ହୋଇଥିଲା। ହେଲେ ୧୯୮୮ ବ୍ୟାଚ୍‌ର ଏଜିଏମୟୁଟି କ୍ୟାଡର ଆଇଏଏସ ଅଧିକାରୀ ରେଣୁ ଶର୍ମାଙ୍କୁ କେନ୍ଦ୍ର ସରକାର ନଭେମ୍ବର ୧ରୁ ରାଜ୍ୟର ପରବର୍ତ୍ତୀ ମୁଖ୍ୟ ସଚିବ ଭାବେ ନିଯୁକ୍ତ କରିଥିଲା। ଠିକ୍ ସେହି ଦିନ ମିଜୋରାମ ସରକାର ଜେସି ରାମଥଙ୍ଗାଙ୍କୁ ପରବର୍ତ୍ତୀ ଆଦେଶ ପର୍ଯ୍ୟନ୍ତ ମୁଖ୍ୟ ସଚିବ ଭାବେ କାର୍ଯ୍ୟଭାର ସମ୍ଭାଳିବାକୁ ଆଦେଶ ଦେଇଥିଲେ।

ଚିଠିରେ ମୁଖ୍ୟମନ୍ତ୍ରୀ କହିଥିଲେ ଯେ, ରାଜ୍ୟର କୌଣସି ବି କ୍ୟାବିନେଟ୍ ମନ୍ତ୍ରୀ ହିନ୍ଦୀ ବୁଝି ପାରୁ ନାହାନ୍ତି ଏବଂ କିଛି ତ ଇଂରାଜୀ ମଧ୍ୟ ଜାଣି ପାରୁନାହାନ୍ତି। ମିଜୋ ଲୋକ ମୋଟାମୋଟି ହିନ୍ଦୀ ବୁଝି ପାରନ୍ତି ନାହିଁ। ଆଉ ମୋର କ୍ୟାବିନେଟ୍‌ ମନ୍ତ୍ରୀଙ୍କ ମଧ୍ୟରୁ କେହି ହେଲେ ହିନ୍ଦୀ ବୁଝି ପାରନ୍ତି ନାହିଁ। ସେମାନଙ୍କ ମଧ୍ୟରୁ କିଛି ଜଣଙ୍କୁ ଇଂରାଜୀ ଭାଷାର ସମସ୍ୟା ରହିଛି। ତେଣୁ ଆମକୁ ଏମିତି ଜଣେ ମୁଖ୍ୟ ସଚିବ ଦରକାର ଯିଏ ସ୍ଥାନୀୟ ମିଜୋ ଭାଷା ଜାଣିଥିବେ। ନହେଲେ ରାଜ୍ୟ ପ୍ରଶାସନରେ ଯୋଗାଯୋଗରେ ସମସ୍ୟା ହେବ।  

ଚିଠିରେ ମୁଖ୍ୟମନ୍ତ୍ରୀ ଜୋରାମଥାଙ୍ଗା କହିଛନ୍ତି, ଏହି କାରଣରୁ ଭାରତ ସରକାର କେବେ ବି ମିଜୋ ଭାଷା ଜାଣିନଥିବା ଆଇଏଏସ ଅଧିକାରୀଙ୍କୁ ମିଜୋରାମରେ ମୁଖ୍ୟ ସଚିବ ଭାବେ ନିଯୁକ୍ତ କରନ୍ତି ନାହିଁ। ସେ ୟୁପିଏ ସରକାର ହେଉ କି କେନ୍ଦ୍ରର ଏନଡିଏ ସରକାର ହେଉ। ମିଜୋରାମ ରାଜ୍ୟ ଯେବେଠୁ ଗଠନ ହୋଇଛି ଏହି ପ୍ରଥା ଚାଲି ଆସିଛି। ଏହା ଏକ ସାଧାରଣ କଥା ଯେ, ସ୍ଥାନୀୟ ଭାଷା ଜାଣିନଥିବା ଆଇଏଏସ ଅଧିକାରୀଙ୍କୁ ରାଜ୍ୟର ମୁଖ୍ୟ ସଚିବ ଭାବେ ନିଯୁକ୍ତ କରାଯାଏ ନାହିଁ।  

   Related Posts