Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ଆସିଲା ଅନଲକ୍ ୬.୦ ଗାଇଡ଼ଲାଇନ୍‌
  • ||
  • ଭୁବନେଶ୍ୱର : ରାଜ୍ୟରେ ଆଉ ୧୨ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ଭୁବନେଶ୍ୱର : ରାଜ୍ୟରେ ୧୪୭୦ କରୋନା ସଂକ୍ରମିତ ଚିହ୍ନଟ
  • ||
  • ଭୁବନେଶ୍ୱର : ୧୬ତାରିଖରେ ଖୋଲିବ ସ୍କୁଲ, ନବମରୁ ଦ୍ୱାଦଶ ଶ୍ରେଣୀ ଯାଏଁ ପିଲା ପଢିବାକୁ ଆସିବେ
  • ||
  • ଝରକା ତାଡ଼ି ବ୍ୟାଙ୍କରୁ ଲୁଟ୍ ! ପୋଲିସର ତଦନ୍ତ ଜାରି
  • ||
  • ଭୟଙ୍କର ଭୂକମ୍ପରେ ଥରିଲା ତୁର୍କୀ ଓ ଗ୍ରୀସ : ମୃତ୍ୟୁ ସଂଖ୍ୟା ୧୭କୁ ବୃଦ୍ଧି, ୭ ଶହରୁ ଅଧିକ ଆହତ
  • ||
  • ସାଲେପୁର : ଟ୍ରକକୁ ଧକ୍କାଦେଲା ଆଉ ଏକ ଟ୍ରକ, ଜଣେ ମୃତ
  • ||

ମେଡ୍ ଇନ୍ ଚାଇନା ଭାଇରସ୍‌କୁ ଚିହ୍ନିବ ମେଡ୍‌ ଇନ୍ ଇଣ୍ଡିଆ କିଟ୍‌ : ବିକ୍ରି ପାଇଁ ମାଇଁ ଲ୍ୟାବ୍ କିଟ୍ ପ୍ରସ୍ତୁତ

28/03/2020 at 9:18 PM

ନୂଆଦିଲ୍ଲୀ ୨୮।୩: କରୋନା ଆକ୍ରାନ୍ତଙ୍କ ସଂଖ୍ୟା ବଢ଼ିବା ନେଇ ସମସ୍ତେ ଚିନ୍ତାରେ ଥିବାବେଳେ, ଗୋଟେ ଭଲ ଖବର ଆଗକୁ ଆସିଛି। ସଂକ୍ରମିତ ଲୋକଙ୍କ ଯାଞ୍ଚ ପାଇଁ ଭାରତରେ କିଟ୍‌ ପ୍ରସ୍ତୁତ ହୋଇଯାଇଛି। ପୁନେରେ ଥିବା ମାଇଲାବ ଡ଼ିସକୋଭରୀ ସଲ୍ୟୁସନ ନାମକ ଏଇ କମ୍ପାନୀକୁ କିଟ୍‌ ର ଉତ୍ପାଦନ ପାଇଁ ଅନୁମତି ମଧ୍ୟ ମିଳିସାରିଛି।

କରୋନା ଭାଇରସ ପରୀକ୍ଷାରେ ବିଳମ୍ବ ହେବା ନେଇ, ଭାରତକୁ ସମାଲୋଚିତ ହେବାକୁ ପଡୁଥିବାବେଳେ, ଏବେ ଭାରତରେ କରୋନା ପରୀକ୍ଷଣ ପାଇଁ କିଟ୍‌ ପ୍ରସ୍ତୁତ ହୋଇସାରିଛି। ସବୁଠୁ କମ୍‌ ସମୟ ଛଅ ସପ୍ତାହ ଭିତରେ ତିଆରି ହୋଇଥିବା ଏଇ କିଟ୍‌ ଯୋଗେ ଏବେ ଦିନକୁ ୧୦୦ ପରୀକ୍ଷା କରାଯାଉଛି, ଆଗକୁ ଦିନକୁ ଏକ ହଜାର ପରୀକ୍ଷା କରାଯିବାର ଲକ୍ଷ୍ୟ ରଖାଯାଇଛି। ଆଗରୁ ଏଭଳି ପରୀକ୍ଷା ପାଇଁ ୭ଘଣ୍ଟା ସମୟ ଲାଗୁଥିବାବେଳେ, ଏବେ ଏଇ ପରୀକ୍ଷା ଅଢ଼େଇଘଣ୍ଟାରେ ହେବ।। ଏବଂ ଗୋଟିଏ କିଟ୍‌ରେ ଏକ ଲକ୍ଷ ପର୍ଯନ୍ତ ପରୀକ୍ଷା କରାଯାଇ ପାରିବ। ଏବଂ କମ୍‌ ଟଙ୍କା ମଧ୍ୟ ଖର୍ଚ ହେବ। କରୋନା ଭଳି ମେଡ଼ ଇନ ଚାଇନା ଭାଇରସକୁ ଚିହ୍ନଟ କରିବ, ଏ କିଟ୍‌, ମେଡ୍‌ ଇନ ଇଣ୍ଡିଆ।

ପୁଣେଠାରେ ଥିବା ମାଇଁଲାବ ଡିସକୋଭେରୀ ସଲ୍ୟୁସନ କମ୍ପାନୀ ଏହି କରୋନା କିଟ୍‌ ପ୍ରସ୍ତୁତ କରିଛି। ଆଉ ଏଇ ସଫଳତା ପଛରେ ଯାହାଙ୍କର ମୁଖ୍ୟ ଭୂମିକା ରହିଛି, ସେ ହେଉଛନ୍ତି ଭିରୋଲୋଜିଷ୍ଟ ମୀନାଲ ଡଖାଭେ ଭୋସଲେ। ଯିଏ କି ଗର୍ଭବତୀ ଅବସ୍ଥାରେ ଥାଇ ମଧ୍ୟ ଏମିତି ଏକ ସଫଳତା ହାସଲ କରିଛନ୍ତି। ତାଙ୍କ ସହିତ ତାଙ୍କର ୧୦ଜଣିଆ ଟିମ୍‌ ମଧ୍ୟ ରହିଥିଲା। ପୂର୍ବରୁ ଏହି ଲ୍ୟାବ ଏଚଆଇଭି, ହେପାଟାଇଟିସ ବି ଏବଂ ସି ଓ ଅନ୍ୟାନ୍ୟ ରୋଗ ପରୀକ୍ଷା ପାଇଁ କିଟ୍ ତିଆରି କରିଥିଲା।ଏବେ ଇଣ୍ଡିଆନ୍ କାଉନସିଲ୍ ଫର୍ ମେଡିକାଲ ରିସର୍ଚ୍ଚ (ଆଇସିଏମଆର) ଏହି କିଟ୍‌ର ଉତ୍ପାଦନ ଏବଂ ବ୍ୟବହାର ପାଇଁ ଅନୁମତି ଦେଇଛି।

   Related Posts