Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୩ କୋଭିଡ୍ ପଜିଟିଭ୍
  • ||
  • ବୋହୂକୁ ପଥରରେ ଛେଚି ଦେଲା ଶାଶୂ, ପାରିବାରିକ କଳହରୁ ଜଘନ୍ୟ ହତ୍ୟାକାଣ୍ଡ…
  • ||
  • ପ୍ରବଳ ବର୍ଷା ପରେ ଭୂସ୍ଖଳନ: ୧୮ ମୃତ ଓ ଅନେକ ନିଖୋଜ, ମୁଖ୍ୟମନ୍ତ୍ରୀ ଲୋଡିଲେ ସେନା ସହାୟତା
  • ||
  • ଆଜିଠୁ ଓଜେଇଇ କାଉନସେଲିଂ, ପଞ୍ଜୀକରଣ ଓ ଚଏସ ଲକିଂ କରିପାରିବେ ଛାତ୍ରଛାତ୍ରୀ
  • ||
  • ଆଫଗାନିସ୍ତାନ ପ୍ରସଙ୍ଗରେ ନଭେମ୍ୱରରେ ବସିବ ବୈଠକ : ପାକିସ୍ତାନକୁ ନିମନ୍ତ୍ରଣ କଲା ଭାରତ
  • ||
  • ପଞ୍ଚାୟତ ନିର୍ବାଚନ ପାଇଁ ୩ ଦଳ ପ୍ରସ୍ତୁତ, ସଂରକ୍ଷଣ ତାଲିକା ପ୍ରକାଶ ପରେ ଗଦାଗଦା ଅଭିଯୋଗ
  • ||
  • ମନୀଷ ଅନୁରାଗ ମୃତ୍ୟୁ ମାମଲା : ରବିବାର ୩ ଅଭିଯୁକ୍ତଙ୍କ ରିମାଣ୍ଡ ଆବେଦନର ଶୁଣାଣି
  • ||

କରୋନାର ଦ୍ୱିତୀୟ ଲହରରେ ରୋଷେଇଘର ବଜେଟ୍ ଗଡବଡ: ମହଙ୍ଗା ହେଲା ସୋରିଷ ତେଲ, ଡାଲି, କ୍ଷୀର ପାଉଡର୍

14/04/2021 at 3:04 PM

ନୂଆଦିଲ୍ଲୀ ୧୪/୦୪ : କରୋନା ଭାଇରସର ଦ୍ୱିତୀୟ ଲହର ଜନଜୀବନକୁ ବହୁ ମାତ୍ରାରେ ପ୍ରଭାବିତ କରିଛି। ଦେଶରେ କରୋନା ସଂକ୍ରମିତଙ୍କ ସଂଖ୍ୟା ଲଗାତାର ବୃଦ୍ଧି ପାଇବାରେ ଲାଗିଛି। ଅପରପକ୍ଷରେ ଅନେକ ଆବଶ୍ୟକୀୟ ସାମଗ୍ରୀ ଉପରେ ଏହାର ପ୍ରଭାବ ପଡିଛି। ତେଲ, ଡାଲି, କ୍ଷୀର ଆଦି ସାମଗ୍ରୀର ଦାମ୍ ବୃଦ୍ଧି ପାଇଛି। ଲୋକଙ୍କ ରୋଷେଇଘର ବଜେଟ୍ ବିଗିଡି ଯାଇଛି। ସୋରିଷ ତେଲ ଦାମ୍ ଯାହା ସପ୍ତାହେ ପୂର୍ବରୁ ଲିଟର୍ ପିଛା ୧୪୦ ଟଙ୍କା ଥିଲା ତାହା ବର୍ତ୍ତମାନ ୨୦୦ ଟଙ୍କା ହେଲାଣି।

ମଙ୍ଗଳବାର ଦିନ ରିଫାଇନ ତେଲ ଦାମ ୫ ଟଙ୍କା ବଢି ୧୦ କିଲୋକୁ ୧୩୪୦ ଟଙ୍କା ହୋଇଛି। ବିଶ୍ଳେଷକ କହିଛନ୍ତି ଆଗାମୀ ଦିନରେ ଖାଇବା ତେଲ ଦାମ୍ ଆହୁରି ବଢିପାରେ। ଗତ ବର୍ଷ ଠାରୁ ଏବେ ସୁଦ୍ଧା ରୋଷେଇ ତେଲ ଦାମ ୨୫ ପ୍ରତିଶତ ମହଙ୍ଗା ହୋଇଛି। ଏପ୍ରିଲ ୧୨ ତାରିଖ ସରକାରୀ ରେକର୍ଡ ଅନୁଯାୟୀ, ପାମ୍ ତେଲ ଛାଡି ସମସ୍ତ ଖାଇବା ତେଲ ଦାମ୍ ବୃଦ୍ଧି ପାଇଛି। ବାଦାମ ତେଲ ଦାମ୍ ମଧ୍ୟ ଏପ୍ରିଲରେ ବୃଦ୍ଧି ପାଇଛି।

ଖାଦ୍ୟ ଏବଂ ଉପଭୋକ୍ତା ମନ୍ତ୍ରାଳୟ ଦେଇଥିବା ସୂଚନା ଅନୁଯାୟୀ, ସୋରିଷ ତେଲ ଦାମ୍ ଗତ ୩ ମାସରେ ବୃଦ୍ଧି ପାଇଛି। ଜାନୁଆରୀ ୩୧ ତାରିଖ ଯାଏଁ ସୋରିଷ ତେଲ ରିଟେଲରେ ୧୮୬ ଟଙ୍କା ଥିଲା। ଫେବୃଆରୀ ୨୮ ରେ ୧୮୮ ଟଙ୍କା ଓ ମାର୍ଚ୍ଚ ୩୧କୁ ଲିଟର ପ୍ରତି ୨୦୦ ଟଙ୍କା ହୋଇଥିଲା। ସୋୟାବିନ୍ ତେଲ ଜାନୁଆରୀରେ ୧୪୨ ଟଙ୍କା, ଫେବୃଆରୀରେ ୧୭୭ ଓ ମାର୍ଚ୍ଚରେ ୧୬୦ ଟଙ୍କା ଥିଲା।

ଡାଲି ଦର ମଧ୍ୟ ବୃଦ୍ଧି ୧୩.୨୫ ପ୍ରତିଶତ ପାଇଛି। ଗତ ମାସ ତୁଳନାରେ ମାର୍ଚ୍ଚରେ ମୁଗ ଓ ମଶୁରି ଡାଲି ଦାମ୍ ବୃଦ୍ଧି ପାଇଛି। ବିରି ଡାଲି ଦାମ୍ ନିୟନ୍ତ୍ରଣ କରାଯାଇଥିଲା କିନ୍ତୁ ହରଡ ଡାଲି ଦାମ୍ ବଢିଥିଲା। ଡାଲି ଦର କିଲୋ ପ୍ରତି ହାରାହାରି ୧୦ ଟଙ୍କା ବଢିଛି।

ଶିଶୁଙ୍କ କ୍ଷୀର ପାଉଡର୍ ଦାମ୍ ମଧ୍ୟ ୨୦ ଟଙ୍କା ବୃଦ୍ଧି ପାଇଛି। ୩୨୦ ଟଙ୍କା ଡବା ୩୪୦ ଟଙ୍କା ହୋଇଛି। ଦେଶର ବିଭିନ୍ନ ସ୍ଥାନରେ ନାଇଟ୍ କର୍ଫ୍ୟୁ ଯୋଗୁଁ ପାଖାପାଖି ୪୬ କୋଟି ଟଙ୍କାର ବ୍ୟବସାୟରେ କ୍ଷତି ହୋଇଛି।

   Related Posts