Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||
  • ବ୍ରିସବେନ୍ ଟେଷ୍ଟ୍ : ପ୍ରଥମ ଦିନରେ ଲାବୁସେନଙ୍କ ଶତକ, କଙ୍ଗାରୁ ଟିମ୍ ୨୭୪/୫
  • ||
  • ଭୁବନେଶ୍ବର: ଗୁରୁତର-ଗର୍ଭବତୀ-ହସ୍ପିଟାଲରେ ଆଡମିଟ୍‌ ବ୍ୟକ୍ତିଙ୍କୁ ଦିଆଯିବ ନାହିଁ ଟିକା, ପରିବାର କଲ୍ୟାଣ ନିର୍ଦ୍ଦେଶକ ଡାକ୍ତର ବିଜୟ ପାଣିଗ୍ରାହୀ
  • ||
  • ଶ୍ରମିକମାନଙ୍କ ସହ ମିଶି ମାଟି ଖୋଳିଲେ ଜିଲ୍ଲା ପ୍ରକଳ୍ପ ନିର୍ଦ୍ଦେଶକ
  • ||
  • ଭୁବନେଶ୍ବର : ରାଜ୍ୟରେ ଆଉ ଦୁଇ ଜଣ କରୋନା ସଂକ୍ରମିତ ପ୍ରାଣ ହରାଇଲେ, ୧୮୯୮ ଛୁଇଁଲା ମୃତକଙ୍କ ସଂଖ୍ୟା
  • ||
  • ଚିଲିକାରେ ଆରମ୍ଭ ହୋଇଛି ଫ୍ଲୋରା ଫୋନା ସର୍ଭେ
  • ||
  • ଯାଜପୁର ଶିଶୁ ନିଖୋଜ ଘଟଣା: ନିଖୋଜ ପିହୁ ପରିବାରକୁ ଭେଟିଲେ ଏସ୍‌ପି ରାହୁଲ ପି.ଆର
  • ||
  • ନକଲି ସାମଗ୍ରୀର ପେଣ୍ଠସ୍ଥଳୀ ପାଲଟିଛି କଟକ, ପୁଣି ଅପମିଶ୍ରିତ ଗୁଣ୍ଡି ଜବତ
  • ||
  • ଗଞ୍ଜାମ: ଅଜଣା ଜନ୍ତୁ ଆତଙ୍କ, ଭୟଭୀତ ଅବସ୍ଥାରେ ସ୍ଥାନୀୟ ଲୋକେ
  • ||

ପୋତିବା ବଦଳରେ ପୋଡାଗଲା କରୋନା ପୀଡିତ ମୁସଲମାନଙ୍କ ଶବ, ବିବାଦ ହେଲା ତୀବ୍ର

4/04/2020 at 2:40 PM

କଲମ୍ବୋ ୪।୪: ଶ୍ରୀଲଙ୍କାରେ କରୋନା ଭାଇରସ୍ ସଂକ୍ରମିତ ଦୁଇ ମୁସଲମାନଙ୍କ ମୃତଦେହକୁ ଜବରଦସ୍ତି ଦାହ ସଂସ୍କାର କରିବା ପରେ ସଂଖ୍ୟାଲଘୁ ସମ୍ପ୍ରଦାୟରେ ଭୟ ବଢିଯାଇଛି । ଏହି ଭୟଙ୍କର ମହାମାରୀ ସମୟରେ ବରିଷ୍ଠ ଅଧିକାରୀମାନଙ୍କ ବିରୋଧରେ ଇସଲାମରେ ନିର୍ଦ୍ଦିଷ୍ଟ ସମାଧି ରୀତି ଉଲ୍ଲଂଘନ କରିଥିବା ଅଭିଯୋଗ ହୋଇଛି ।

ସୂଚନାଯୋଗ୍ୟ ଯେ, କଲମ୍ବୋରେ ୭୩ ବର୍ଷ ବୟସ୍କ ବିଶରୁଫ ହାଫି ମହମ୍ମଦଙ୍କର କରୋନା ଭାଇରସ୍ ଯୋଗୁଁ ମୃତ୍ୟୁ ହୋଇଥିଲା । ଏ ହେଉଛନ୍ତି ସେହି ଦ୍ବିତୀୟ ବ୍ୟକ୍ତି ଯାହାଙ୍କର ଇସଲାମ୍ ଧର୍ମ ଅନୁସାରେ ଅନ୍ତିମସଂସ୍କାର କରାଯାଇନାହିଁ । ତାଙ୍କ ମୃତଦେହ ପୋତି ଦିଆଯିବା ପରିବର୍ତ୍ତେ ପୋଡି ଦିଆଯାଇଥିଲା ।

ଅଲ-ଜଜିରା ରିପୋର୍ଟ ଅନୁଯାୟୀ ମୃତକଙ୍କ ୪୬ ବର୍ଷ ବୟସ୍କ ପୁଅ ଫାୟାଜ ଜୁନୁସ କହିଛନ୍ତି ଯେ, ତାଙ୍କ ପିତା କିଡନୀ ରୋଗରେ ପୀଡିତ ଥିଲେ । ଦୁଇ ସପ୍ତାହ ପୂର୍ବରୁ କରୋନା ସେ ଭାଇରସ୍ ରେ ପଜିଟିଭ୍ ଚିହ୍ନଟ ହୋଇଥିଲେ । ଅପ୍ରେଲ ୨ ତାରିଖରେ ତାଙ୍କର ମୃତ୍ୟୁ ହୋଇଥିଲେ ।

ଫାୟାଜ କହିଛନ୍ତି, ‘ମୋ ବାପାଙ୍କ ମୃତଦେହ ପୋଲିସ ଫୋର୍ସ ତତ୍ତ୍ବାବଧାନରେ ଏକ ଗାଡିରେ ନିଆଯାଇଥିଲା ଏବଂ ଦାହ କରାଯାଇଥିଲା । ଶବାଗାର ବାହାରେ ତାଙ୍କ ଆତ୍ମାର ଶାନ୍ତି ପାଇଁ ଆମେ ପ୍ରାର୍ଥନା କରିଥିଲୁ, କିନ୍ତୁ ମୁସଲମାନମାନେ ସାଧାରଣତଃ ଏହା କରନ୍ତିନାହିଁ ।’

ଅଲ-ଜଜିରାଙ୍କ ଉଦ୍ଦେଶ୍ୟରେ ଫାୟାଜ କହିଛନ୍ତି ଯେ, ଶ୍ରୀଲଙ୍କା ସରକାର ମୁସଲମାନମାନଙ୍କୁ ଇସଲାମିକ୍ ସମାଧି ରୀତିନୀତିରେ ନିଜ ପ୍ରିୟଜନଙ୍କୁ କବର ଦେବା ପାଇଁ ବ୍ୟବସ୍ଥା କରିବା ଉଚିତ୍ । ସେ କହିଛନ୍ତି, ‘ଯଦି ସମାଧି ବ୍ୟତୀତ ଅନ୍ୟ ଏକ ବିକଳ୍ପ ଅଛି, ତେବେ ସରକାର ସଂଶୋଧନ କରିବା ଉଚିତ୍ । ଶବଦାହ ଏକମାତ୍ର ବିକଳ୍ପ ନୁହେଁ । ଆମେ ଆମର ପ୍ରିୟ ଲୋକଙ୍କୁ ଇସଲାମିକ୍ ପ୍ରକ୍ରିୟାରେ ଶବ ସଂସ୍କାର କରିବାକୁ ଚାହୁଁଛୁ ।’

ଶ୍ରୀଲଙ୍କାର ସ୍ବାସ୍ଥ୍ୟ ମନ୍ତ୍ରଣାଳୟ କରୋନା ଭାଇରସରେ ମୃତ ବ୍ୟକ୍ତିଙ୍କ ଶେଷ ରୀତିନୀତି ପାଇଁ ମଙ୍ଗଳବାର ଦିନ ଏକ ନିର୍ଦ୍ଦେଶାବଳୀ ଜାରି କରିଥିଲେ ।ସେଥିରେ କୁହାଯାଇଥିଲା ଯେ କରୋନା ଭାଇରସରେ ମୃତ୍ୟୁ ହୋଇଥିବା ସମସ୍ତ ଲୋକଙ୍କ ମୃତଦେହକୁ ପୋଡି ଦିଆଯିବା ଆବଶ୍ୟକ । ଶବକୁ ଦାହରେ କରିବା ପୂର୍ବରୁ କିମ୍ବା କଫିନ୍‌ରେ ରଖିବା ପୂର୍ବରୁ ଗାଧୋଇବା ଉପରେ ମଧ୍ୟ ନିଷେଧାଦେଶ ରହିଥିଲା ।
ତେବେ ସରକାରଙ୍କ ଏହି ନିଷ୍ପତ୍ତିକୁ ଅନେକ ମୁସଲମାନ ସାମାଜିକ କର୍ମୀ ଏବଂ ନେତା ବିରୋଧ କରୁଛନ୍ତି । ସେମାନେ WHO ଉଦ୍ଦେଶ୍ୟରେ କହିଛନ୍ତି ଯେ ସଂକ୍ରମିତ ଲୋକଙ୍କ ମୃତଦେହକୁ ପୋଡା କିମ୍ବା ପୋତା ଯାଇପାରେ ।

ସୂଚନାଯୋଗ୍ୟ ଯେ, ଶ୍ରୀଲଙ୍କାରେ ଏପର୍ଯ୍ୟନ୍ତ ମୋଟ୍ ୧୫୯ ଲୋକ କରୋନା ଭାଇରସ୍ ଦ୍ବାରା ସଂକ୍ରମିତ ହୋଇଛନ୍ତି । ସେମାନଙ୍କ ମଧ୍ୟରୁ ୫ ଜଣଙ୍କ ମୃତ୍ୟୁ ଘଟିଛି । ସେମାନଙ୍କ ମଧ୍ୟରୁ ୨ ଜଣ ମୁସଲମାନ ସମ୍ପ୍ରଦାୟର ଥିଲେ ।

   Related Posts