Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୮୯୯ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଆରମ୍ଭ ହେଲା କୋଭିଡ୍ ଟିକାକରଣ, ୧୬୧ କେନ୍ଦ୍ରରେ ଚାଲିଛି ଟିକାଦାନ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୭୮ କୋଭିଡ୍ ସଂକ୍ରମିତ, ୩୩୩୧୨୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ ଖସୁଛି କରୋନା ଗ୍ରାଫ୍, ଗତ ୨୪ଘଣ୍ଟାରେ ୧୫୧୫୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଘାଟିରେ ଦୁର୍ଘଟଣା : ଟ୍ରକକୁ ସାମ୍ନା ପଟୁ ପିଟିଲା ବାଇକ୍‌, ଚାଲିଗଲା ଶଳା-ଭିଣୋଇଙ୍କ ଜୀବନ
  • ||
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||

ଭୋଟ ଗଣତି ଦିନ ମୁସଲମାନ ପରିବାରରେ ଜନ୍ମ ହେଲା ପୁଅ : ପୁଅ ନାଁ ରଖିଲେ ନରେନ୍ଦ୍ର ମୋଦି

26/05/2019 at 2:42 PM

ଲକ୍ଷ୍ନୌ ୨୬/୫ : ମେ ୨୩ ତାରିଖ ଲୋକସଭା ନିର୍ବାଚନ ମତଗଣନା ଦିନ ଉତ୍ତର ପ୍ରଦେଶ ଗୋଣ୍ଡା ଜିଲ୍ଲାରେ ଏକ ମୁସଲମାନ ପରିବାରରେ ପୁଅ ଜନ୍ମ ହୋଇଥିଲା । ଶିଶୁକୁ ଜନ୍ମ ଦେଇଥିବା ମହିଳା ପୁଅ ନାଁ ନରେନ୍ଦ୍ର ଦାମୋଦର ଦାସ ମୋଦି ରଖିଛନ୍ତି । ତେବେ ମୁସଲମାନ ପୁଅର ନାଁ ନରେନ୍ଦ୍ର ମୋଦି ରଖିବା ପଛରେ ଏକ ଅଲଗା ପ୍ରକାର କାହାଣୀ ରହିଛି । ମହିଳାଙ୍କ ସ୍ୱାମୀ ଦୁବାଇରେ ରୁହନ୍ତି । ପୁଅ ଜନ୍ମ ହେବା ଖବର ଦେବା ପାଇଁ ମହିଳା ତାଙ୍କ ସ୍ୱାମୀଙ୍କୁ ଫୋନ କରିଥିଲେ । ମହିଳାଙ୍କ ସ୍ୱାମୀ ସେତେବେଳେ ପଚାରିଥିଲେ ନରେନ୍ଦ୍ର ମୋଦି ଆସିଛନ୍ତି କି ? ଏହାପରେ ମହିଳା ପୁଅର ନାଁ ନରେନ୍ଦ୍ର ଦାମୋଦର ଦାସ ମୋଦି ହିଁ ରଖିଦେଲେ ।

ଶିଶୁର ମା ମେହନାଜ କହିଛନ୍ତି ଯେ, ଶିଶୁର ନାଁ ନରେନ୍ଦ୍ର ମୋଦି ରଖିବା ପାଇଁ ସେ ସ୍ୱାମୀ ଓ ପରିବାର ଲୋକଙ୍କ ପାଖରେ ଜିଦ୍ କରିଥିଲେ । ଜିଦ୍ କରିବାରୁ ପରିବାର ଲୋକ ମଧ୍ୟ ରାଜି ହୋଇଯାଇଥିଲେ । ଶିଶୁର ଜନ୍ମ ସାର୍ଟିଫିକେଟ ତିଆରି କରାଯାଇ ଜିଲ୍ଲା ଅଧିକାରୀଙ୍କ କାର୍ଯ୍ୟାଳୟରେ ମଧ୍ୟ ଦିଆସରିଛି । ମେହନାଜ ପ୍ରଧାନମନ୍ତ୍ରୀ ମୋଦିଙ୍କ କାର୍ଯ୍ୟ ପାଇଁ ବହୁତ ପ୍ରଭାବିତ । ମୋଦିଙ୍କ ବିଜୟ ସହ ସେହି ଦିନ ପୁଅ ଜନ୍ମ ହୋଇଥିବାରୁ ତାଙ୍କ ଖୁସି ଦୁଇ ଗୁଣ ହୋଇଯାଇଛି ବୋଲି ସେ କହିଛନ୍ତି ।

ଉତ୍ତର ପ୍ରଦେଶ ଗୋଣ୍ଡା ଜିଲ୍ଲାର ବାଜିରଗଞ୍ଜର ମେହରର ଗାଁରେ ରହୁଥିବା ଈଦରିସ କହିଛନ୍ତି ଯେ, ତାଙ୍କ ପୁଅ ଦୁବାଇରେ କାମ କରେ । ମେ ୨୩ ତାରିଖରେ ସମସ୍ତଙ୍କ ନଜର ନିର୍ବାଚନ ଫଳାଫଳ ଉପରେ ଥିବାବେଳେ ସେଦିନ ତାଙ୍କ ବୋହୁ ପୁତ୍ର ଜନ୍ମ ଦେଇଥିଲେ । ପରିବାରର ମୁଖ୍ୟ ହିସାବରେ ଈଦରିସ କହିଛନ୍ତି ଯେ, ନରେନ୍ଦ୍ର ମୋଦି ପୁଣିଥରେ ପ୍ରଧାନମନ୍ତ୍ରୀ ହେବା ନେଇ ସେମାନେ ବହୁତ ଖୁସି । ପୁଣି ନାତିର ନାଁ ନରେନ୍ଦ୍ର ମୋଦି ରଖି ସେମାନେ ଆହୁରି ଖୁସି | 

   Related Posts