ଆନନ୍ଦପୁର ୧୦।୦୬: ଗଛରୁ ନାବାଳକର ଝୁଲନ୍ତା ମୃତଦେହ ଉଦ୍ଧାର ।  କେନ୍ଦୁଝର ଜିଲ୍ଲା ଆନନ୍ଦପୁର ଥାନା ଖଡିପାଳ ଗାଁ ଫୁଲବାହାଳି ସାହି ନିକଟ ଏକ ଆମ୍ବ ତୋଟାରୁ ମୃତଦେହ ଉଦ୍ଧାର ହୋଇଛି । ମୃତକ ଜଣଙ୍କ  ମୟୁରଭଞ୍ଜ ଜିଲ୍ଲା ଠାକୁରମୁଣ୍ଡା ଥାନା ଜଳିପଦା ଗାଁର ବାବୁଲା ନାୟକଙ୍କ ପୁଅ ଜିତେନ୍ଦ୍ର ବୋଲି ଜଣାପଡିଛି । ସେ ୯ମ ଶ୍ରେଣୀ ପାଠ ପଢୁଥିଲେ ।

 ସୂଚନାଯୋଗ୍ୟ ଯେ,  ଜିତେନ୍ଦ୍ର ଗତ କିଛିବର୍ଷ ହେବ ଖଡିପାଳ ଠାରେ ନିଜ ଭଉଣୀ ଘରେ ରହି  ସ୍ଥାନୀୟ ସ୍କୁଲରେ ପାଠ ପଢୁଥିଲେ । ଗତକାଲି ରାତିରେ  ଘରେ ଖାଇ ସାରି ଶୋଇଥିଲେ । କିନ୍ତୁ  ଆଜି ସକାଳୁ ତାଙ୍କ ମୃତଦେହ ଗାଁ ନିକଟରେ ଥିବା ଆମ୍ବତୋଟାରୁ ମିଳିଛି । ଆମ୍ବତୋଟାର ଏକ ଗଛରେ ଝୁଲୁଥିବା ଅବସ୍ଥାରେ ସ୍ଥାନୀୟଲୋକେ ଦେଖି ପରିବାରକୁ ଖବର ଦେଇଥିଲେ ।  ନିଜ ପିନ୍ଧା ଗଞ୍ଜିକୁ ବେକରେ ରଶି କରି ଜିତେନ୍ଦ୍ର ଆତ୍ମହତ୍ୟା କରିଛନ୍ତି  । ତେବେ ବର୍ତ୍ତମାନ ସୁଦ୍ଧା ଆତ୍ମହତ୍ୟାର କୈଣସି ସଠିକ୍ କାରଣ ଜଣାପଡି ନାହିଁ ।  ଖବରପାଇ ପୋଲିସ୍ ଘଟଣା ସ୍ଥଳରେ ପହଞ୍ଚି ମୃତ ଦେହ ଜବଦ କରିବା ସହ ତଦନ୍ତ ଜାରି ରଖିଛି ।