Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କରୋନାରେ ଅଧିକ ପ୍ରଭାବିତ ୧୦୦ ଜିଲ୍ଲାର କଲେକ୍ଟରଙ୍କ ସହ କଥା ହେବେ ପ୍ରଧାନମନ୍ତ୍ରୀ
  • ||
  • ଶ୍ରୀମନ୍ଦିର ବନ୍ଦ, ସେବାୟତ ପରିବାରଙ୍କୁ ୧୦ ହଜାର ଟଙ୍କା ଲେଖାଏଁ ସହାୟତା ପ୍ରଦାନ କଲା ଶ୍ରୀ ମନ୍ଦିର ପ୍ରଶାସନ
  • ||
  • କୋଭିସିଲ୍ଡର ଦୁଇ ଡୋଜ୍ ମଧ୍ୟରେ ବ୍ୟବଧାନ ରହିବ ୧୨ ରୁ ୧୬ ସପ୍ତାହ, ପ୍ରସ୍ତାବକୁ ସ୍ଵୀକାର କଲେ କେନ୍ଦ୍ର ସରକାର
  • ||
  • କରୋନା ଲଢେଇରେ ମିଳିଲା ତୃତୀୟ ଅସ୍ତ୍ର ! ଆଗାମୀ ସପ୍ତାହରେ ବଜାରରେ ମିଳିବ ସ୍ପୁଟନିକ୍-ଭି, ଜୁଲାଇରେ ଦେଶରେ ଆରମ୍ଭ ହେବ ଉତ୍ପାଦନ
  • ||
  • ପାଟନା : ମେ’ ୨୫ ଯାଏଁ ରାଜ୍ୟରେ ବଢିଲା ଲକ୍‌ଡାଉନ୍, ବିହାର ମୁଖ୍ୟମନ୍ତ୍ରୀ କଲେ ଘୋଷଣା
  • ||
  • ମୁମ୍ବାଇ : ଟିଭି ଅଭିନେତା ରାଜୀବ ପାଲ୍ କରୋନା ସଂକ୍ରମିତ, ହସ୍ପିଟାଲରେ ଭର୍ତ୍ତି
  • ||
  • ନୂଆଦିଲ୍ଲୀ : ବାଜା, ବାଣ, ବରଯାତ୍ରୀ ବିନା ବାହାଘର, ବାଇକ୍‌ରେ କନ୍ୟାକୁ ସାଙ୍ଗରେ ନେଇ ଘରକୁ ଫେରିଲେ ବର
  • ||
  • ଭଦ୍ରକ : ଷଣ୍ଢ ବୋଝେଇ ପିକଅପ୍ ଭ୍ୟାନ୍ ଅଟକ ରଖିଲେ ଗ୍ରାମବାସୀ, ଗୋଟିଏ ଷଣ୍ଢ ମୃତ, ୨ଟି ଉଦ୍ଧାର
  • ||
  • ୧୦ ହଜାର ଉପରେ କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୧୦୬୪୯ ପଜିଟିଭ୍
  • ||
  • ମାଡି ଆସୁଛି ବାତ୍ୟା ‘ତଉକ୍ତେ’, ଓଡିଶା ଉପରେ କଣ ରହିବ ପ୍ରଭାବ
  • ||

ମହିଳାଙ୍କୁ ବିଭତ୍ସ ହତ୍ୟା ! ଟ୍ରେନ ଲାଟ୍ରିନରେ ଗଣ୍ଡି,ରେଳବାଇ ଫାଟକରେ ମୁଣ୍ଡ : ନା ମାନେ ନା

21/06/2018 at 9:31 AM

ବୀଭତ୍ସ ହତ୍ୟା । ଅତି ନୃଶଂସ ଭାବେ ମହିଳାଙ୍କୁ ହତ୍ୟା । ଟ୍ରେନ୍ ଲାଟ୍ରିନରେ ଗଣ୍ଡି, ଟ୍ରାକରେ ପଡ଼ିଛି ମୁଣ୍ଡ । ପୁରୀ-ଗୁଣପୁର ଟ୍ରେନ୍ ପୁରୀ ଷ୍ଟେସନରେ ଲାଗିବା ମାତ୍ରେ ଦେଖିବାକୁ ମିଳିଲା ଏଭଳି ବର୍ବର ହତ୍ୟାକାଣ୍ଡ । ଟ୍ରେନ୍ ଲାଟ୍ରିନରେ ପଡ଼ିଥିଲା ମୁଣ୍ଡବିହୀନ ଶବ । ଆଉ ଡେଲାଙ୍ଗ ଷ୍ଟେସନ୍ ପାଖ ବେରବୋଇ ଫାଟକ ପାଖରେ ପଡ଼ିଥିଲା ମୁଣ୍ଡ । ପୁଣି ମୁହଁରେ ରହିଛି ୫-୬ଟି କଟା ଦାଗ ।
ଗୁଣୁପୁରରୁ ଟ୍ରେନ୍ ଆସିଥିଲା ପୁରୀ । ରାତି ୧୨ଟା ୧୦ରେ ଖୋର୍ଦ୍ଧା ରୋଡ୍ ଷ୍ଟେସନରେ ପହଞ୍ଚିଥିଲା । ସେଠାରୁ ୪ଟା ୫୦ରେ ପୁରୀ ଅଭିମୁଖେ ଛାଡ଼ିଥିଲା । ମାଳତୀ ପାଟପୁରରେ ଅଧ ଘଣଅଟାଏ ରହିବା ପରେ ସକାଳ ୬ଟା ୧୫ରେ ପହଞ୍ଚିଥିଲା ପୁରୀ ଷ୍ଟେସନରେ । ଆଉ ଟ୍ରେନ୍ ଲାଗୁ ଲାଗୁ କିଛି ଯାତ୍ରୀଙ୍କ ନଜରରେ ପଡ଼ିଥିଲା ମହିଳାଙ୍କ ମୁଣ୍ଡ ବିହୀନ ଶବ । ସଙ୍ଗେ ସଙ୍ଗେ ଆରପିଏଫ୍, ଜିଆରପି ଏବଂ ପୁରୀ ଜିଲ୍ଲାର ଅନ୍ୟ ବରିଷ୍ଠ ପୋଲିସ ଅଧିକାରୀମାନେ ଆସି ଘଟଣାସ୍ଥଳରେ ପହଞ୍ଚିଥିଲେ । ସାଇଣ୍ଟିଫିକ୍ ଟିମ୍ ଘଟଣାସ୍ଥଳରୁ କିଛି ନମୁନା ସଂଗ୍ରହ କରିଛି । ବେସିନରେ ପଡ଼ିଥିବା ରକ୍ତଲଗା ଛୁରୀକୁ ମଧ୍ୟ ଉଦ୍ଧାର କରାଯାଇଛି ।
ମହିଳାଙ୍କ ପରିଚୟ ମିଳିପାରି ନାହିଁ । ତେବେ ତାଙ୍କ ହାତରେ ତେଲୁଗୁରେ ଚିତା କୁଟାଯାଇ କିଛି ଲେଖାଅଛି । ଇନକ୍ୱେଷ୍ଟ ପରେ ସବୁ ଆଙ୍ଗଲକୁ ଏକ୍ସପ୍ଲୋର୍ କରି ପୋଲିସ୍ ତଦନ୍ତ ଚଳାଇଛି । ଡେଲାଙ୍ଗ ବେରବୋଇ ଫାଟକ ନିକଟରେ ପଡ଼ିଥିବା ମୁଣ୍ଡଟି ଏହି ମହିଳାଙ୍କର ବୋଲି ଅନୁମାନ କରାଯାଉଛି ।
କିଏ, କାହିଁକି ଏବଂ କେଉଁ ପରିସ୍ଥିତିରେ ମହିଳାଙ୍କୁ ହତ୍ୟା କଲା ତାହା ସନ୍ଦେହଘେରରେ । ତଦନ୍ତ ପରେ ତାହା ସ୍ପଷ୍ଟ ହେବ । ତେବେ ପାରିପାର୍ଶ୍ବିକ ସ୍ଥିତି କହୁଛି, ମହିଳାଙ୍କୁ ଟ୍ରେନ୍ ଲାଟ୍ରିନ ଭିତରେ ହିଁ ଗଳାକାଟି ହତ୍ୟା କରାଯାଇଛି । ହତ୍ୟା ପରେ ଦୁର୍ବୃତ୍ତ ମୁଣ୍ଡଟିକୁ ବେରବୋଇ ଫାଟକ ପାଖରେ ଫିଙ୍ଗି ଦେଇଥିବା ଅନୁମାନ କରାଯାଉଛି । ସେପଟେ ହତ୍ୟା ପୂର୍ବରୁ ମହିଳାଙ୍କୁ ଦୁଷ୍କର୍ମ କରାଯାଇଥିବା ଏଡ଼ାଯାଇ ପାରୁନି । ହତ୍ୟାକାଣ୍ଡରେ ଏକାଧିକ ଲୋକଙ୍କ ସଂପୃକ୍ତି ରହିଛି ନିଶ୍ଚୟ ।

   Related Posts