Wednesday, June 26, 2019

News7

Prameya News7, News7 Odia, Odisha Latest News, Odisha Current Headlines, Odisha News Online

ଦିଅର ସହ ମିଶି ନିଜ ସ୍ଵାମୀକୁ ହତ୍ୟାକଲେ ମହିଳା, ଅନୈତିକ ସଂପର୍କ ରଖିବା ହେଲା କାଳ

ଗୋରଖପୁର ୧୧/୧- ଉତ୍ତରପ୍ରଦେଶର ଗୋରଖପୁରରେ ଘଟିଛି ଅଭାବନୀ୍ୟ ଘଟଣା । ଅନୈତିକ ସଂପର୍କ ରଖିବାକୁ ଅସୁବିଧା ହେଲାବୋଲି ଦିଅର ସହ ମିଶି ନିଜ ସ୍ଵାମୀକୁ ମାରିଦେଲେ ମହିଳା ।

ଏହିଭଳି ଘଟଣା ଖଜନୀର ସହାସି ଅଂଚଳରେ ଘଟିଥିବା ଜଣାଯାଇଛି । ସହାସୀ ନିବାସୀ ହରିଶ୍ଚନ୍ଦ୍ର ସ୍ତ୍ରୀ ଫୁଲେସରା ସହ ରହୁଥିଲା । ସ୍ଵାମୀ-ସ୍ତ୍ରୀ ଭିତରେ ଜମା ପଡ଼ୁନଥିଲା । ସ୍ତ୍ରୀର ପରକୀୟା ପ୍ରେମ ପାଇଁ ଉଭୟଙ୍କ ଭିତରେ ପାଟିତୁଣ୍ଡ ଲାଗୁଥିଲା । ଫୁଲେସରା ନିଜ ଦିଅର ସହ ଶାରୀରିକ ସଂପର୍କ ରଖିବା କଥା ସ୍ଵାମୀ ହରିଶ୍ଚନ୍ଦ୍ର ଜାଣିଥିଲା । ଏହି ଅନୈତିକ ସଂପର୍କକୁ ହରିଶ୍ଚନ୍ଦ୍ର ବିରୋଧ କରୁଥିଲେ ବି ଫୁଲେସରା ମିଳାମିଶା କମ୍ କରିନଥିଲା ।

 ଦିଅର ଚନ୍ଦ୍ରଶେଖର ଓ ଫୁଲେସରା କେହିକାହାକୁ ଛାଡ଼ିପାରୁ ନ ଥିଲେ । ଚନ୍ଦ୍ରଶେଖର ଫୁଲେସରାକୁ ନିଜର କରିବାକୁ ଯୋଜନା ତିଆରିକଲେ । ହରିଶ୍ଚନ୍ଦ୍ରକୁ ସବୁଦିନ ପାଇଁ ରାସ୍ତାରୁ ହଟାଇବା ପାଇଁ ଫୁଲେସରା ବି ଆଗରୁ କହିଥିଲା ।

ବୁଧବାର ରାତିରେ ହରିଶ୍ଚନ୍ଦ୍ର ଶୋଇଥିବା ସମୟରେ ଦିଅର ସହ ମିଶି ଫୁଲେସରା ତଣ୍ଟି ଚିପି ହତ୍ୟା କରିଥିଲେ । ପଡ଼ୋଶୀଙ୍କୁ ଅଚାନକ କିଛି ଅଜଣା ରୋଗରେ ମରିଯାଇଥିବା କଥା କହିଥିଲେ  । ଶବ ବ୍ୟବଚ୍ଛେଦ  ରିପୋର୍ଟରେ ଗଳାଚିପି ହତ୍ୟାକରାଯିବା କଥା ଜଣାପଡ଼ିବା ପରେ ପୋଲିସର ସନ୍ଦେଲ ସ୍ତ୍ରୀ ଫୁଲେସରା ଉପରେ ଆସିଥିଲା । ଥାନାକୁ ନେଇ ପଚରାପଚରି କଲାପରେ ସବୁ ସତ ମିଳିଯାଇଥଲା । ପୋଲିସ ହତ୍ୟା ଅଭିଯୋଗରେ ଦିଅର ଚନ୍ଦ୍ରଶେଖର ଓ ବାଉଜ ଫୁଲେସରାଜୁ ଗିରଫ କରି କୋର୍ଟ ଚାଲାଣ କରିଚି ।

450 Views

   ସମ୍ବନ୍ଧିତ ଖବର