ଟାଙ୍ଗୀ ୬|୯: ପରକୀୟା ପ୍ରୀତି କୁ ନେଇ ଯୁବକକୁ ହତ୍ୟା ଅଭିଯୋଗ ହୋଇଛି । ଘଟଣାଟି ଘଟିଛି ଟାଙ୍ଗୀ ଥାନା ଅଧିନସ୍ଥ ରାଜେନ୍ଦ୍ରପୁର [କାଳୁପଡା] ଗ୍ରାମରେ । ମୃତ ଯୁବକ ହେଲେ ନିକଟସ୍ଥ ବାଲିନାସି [କାଳୁପଡା] ଗ୍ରାମର ବିଶ୍ଵରଞ୍ଜନ ସେଠୀ । ଗତକାଲି ଠାରୁ ବିଶ୍ଵରଞ୍ଜନ ନିଖୋଜ ଥିଲା , ଆଜି ଏକ ପରିତ୍ୟକ୍ତ ପୋଖରୀ ମଧ୍ୟରୁ ବିଶ୍ଵରଞ୍ଜନଙ୍କ ଶବ ମିଳିଛି । ଏ ସମ୍ପର୍କରେ ପୋଲିସ ୩ ଜଣଙ୍କୁ ଅଟକ ରଖି ତଦନ୍ତ କରୁଛି । ଖୋର୍ଦ୍ଧା ଜିଲ୍ଲା ଟାଙ୍ଗୀ ଥାନା ଅଧିନସ୍ଥ ରାଜେନ୍ଦ୍ରପୁରର ଦାସ ସାହୁଙ୍କ ପତ୍ନୀଙ୍କ ସହିତ ବାଲିନାସିର ବିଶ୍ଵରଞ୍ଜନ ସେଠୀ ମଧ୍ୟରେ କିଛି ଦିନ ହେଲା ପ୍ରେମ ସମ୍ପର୍କ ଗଢି ଉଠିଥିଲା । ବିଶ୍ଵରଞ୍ଜନ ଜଣେ ବିବାହିତ ଯୁବକ । ଏହି ପ୍ରେମ ବ୍ୟାପାରକୁ ନେଇ ଦୁଇ ପରିବାର ମଧ୍ୟରେ ବହୁବାର ଝଗଡା ମଧ୍ୟ ହୋଇଛି । ଗତକାଲି ବିଶ୍ଵରଞ୍ଜନ ତାର ପ୍ରେମିକା ଦାସ ସାହୁ ଙ୍କ ପତ୍ନୀଙ୍କ ନିକଟକୁ ଆସିଥିବା ଜାଣିବାପରେ  ଦାସ ସାହୁ ଏବଂ ତାଙ୍କର ସମ୍ପର୍କୀୟମାନେ ସଙ୍ଘବଦ୍ଧ ହୋଇ ବିଶ୍ବରଂଜନ ଉପରେ ଆକ୍ରମଣ କରିଥିଲେ । ତାପରଛୁ ବିଶ୍ଵରଞ୍ଜନ ନିଖୋଜ ହୋଇଯାଇଥିଲା  । ପୋଲିସ ଓ ଦମକଳ ବାହୀନ ପ୍ରେମିକାର ଘର ନିକଟରେ ଥିବା ଏକ ପୋଖରୀରୁ ଆଜ ବିଶ୍ଵରଞ୍ଜନଙ୍କ ମୃତ ଦେହ ଉଦ୍ଧାର କରିବା ପରେ ପୋଲିସ ତଦନ୍ତ ଜୋରଦାର କରିଛି । ଦାସ ସାହୁ ତାଙ୍କ ପତ୍ନୀ ,ଏବଂ ପରିବାର ମିଳିମିଶି ବିଶ୍ଵରଞ୍ଜନକୁ ହତ୍ୟା କରି ପୋଖରୀରେ ଫିଙ୍ଗି ଦେଇଥିଲେ ବୋଲି ବିଶ୍ବରଂଜନଙ୍କ ପରିବାର ପକ୍ଷରୁ ଅଭିଯୋଗ ହୋଇଛି।