Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୪ କ୍ବିଣ୍ଟାଲ ୬୦ କେଜି ଚନ୍ଦନ କାଠ ଜବତ: ଆନୁମାନିକ ମୂଲ୍ୟ ୭୦ ଲକ୍ଷ ଟଙ୍କାରୁ ଅଧିକ
  • ||
  • ଜଳେଶ୍ବର: ବିଶାଖା ଏଗ୍ରୋ ସୋରୁମ୍ ଆଗରେ ଚାଷୀମାନଙ୍କ ପକ୍ଷରୁ ଆମରଣ ଅନଶନ
  • ||
  • ଅପରାହ୍ନରେ ସ୍ଥଳଭାଗ ଛୁଇଁବ ‘ବୁରେଭି’ : କେରଳ-ତାମିଲନାଡୁର କିଛି ଜିଲ୍ଲାରେ ଛୁଟି ଘୋଷଣା, ବିମାନବନ୍ଦର ବନ୍ଦ
  • ||
  • ଜଗତପୁର : ଧାନ କଟାଳୀଙ୍କୁ ଶୁଣ୍ଢରେ କଚାଡି ମାରିଲା ହାତୀ
  • ||
  • ବାଲେଶ୍ବର ଓ ମୟୁରଭଞ୍ଜରେ ମୃଦୁ ଭୂକମ୍ପ ଝଟ୍‌କା ଅନୁଭୂତ
  • ||
  • ଆଜି ପ୍ରଥମ ଟି୨୦ : ଅଷ୍ଟ୍ରେଲିଆକୁ କଡା ଟକ୍କର ଦେବ ଭାରତ, ଓ୍ୱାର୍ଣ୍ଣରଙ୍କ ଅନୁପସ୍ଥିତିର ଫାଇଦା ନେବ ବିରାଟ ବାହିନୀ
  • ||
  • ଜି.ଉଦୟଗିରି : ନାବାଳିକା ଝିଅକୁ ଦୁଷ୍କର୍ମ ଅଭିଯୋଗ, ଅଭିଯୁକ୍ତକୁ ଗିରଫ କଲା ପୋଲିସ
  • ||
  • ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର: ପ୍ରାଥମିକ ତଦନ୍ତରୁ ହତ୍ୟା ସନ୍ଦେହ
  • ||
  • ପୋଲିସ୍‌ ଏବଂ ଜୁଆ ଆଡ୍ଡା ମାଲିକଙ୍କ କଥାବାର୍ତ୍ତାର ଅଡିଓ କଲ ଭାଇରାଲ
  • ||
  • ହାଇଦ୍ରାବାଦ ମ୍ୟୁନିସିପାଲ କର୍ପୋରେସନ ନିର୍ବାଚନ : ଏବେସୁଦ୍ଧା ଆଗରେ ବିଜେପି, ପଛରେ ଟିଆରଏସ ଓ ଏଆଇଏମଆଇଏମ
  • ||

ସିଧାସଳଖ ପୌର ଅଧ୍ୟକ୍ଷ ନିର୍ବାଚନକୁ କ୍ୟବିନେଟ୍ ମୋହରମାରିବା ପରେ ଏବେ ରାଜନୈତିକ ବୟାନବାଜି

8/09/2018 at 7:32 PM

ଭୁବନେଶ୍ବର ୮|୯: ଏଣିକି ସିଧାସଳଖ ଲୋକଙ୍କ ଭୋଟ ଦ୍ବାରା ନିର୍ବାଚିତ ହେବେ ପୌରାଧ୍ୟକ୍ଷ । ମହାନଗର ନିଗମର ମେୟର, ପୌରାଧ୍ୟକ୍ଷ ଓ ଏନଏସି ଅଧ୍ୟକ୍ଷ ପରୋକ୍ଷ ଭାବେ ନିର୍ବାଚନ ଲଢ଼ି କ୍ଷମତା ଉପଭୋଗ କରିପାରିବେ ନାହିଁ । ରାଜ୍ୟ ସରକାର ଏ ବ୍ୟବସ୍ଥାକୁ ଏବେ ହଟାଇବାକୁ ଯାଉଛନ୍ତି । ଏସବୁ ପଦ ପାଇଁ ଏଣିକି ପ୍ରତ୍ୟକ୍ଷଭାବେ ନିର୍ବାଚନ ଲଢ଼ିବାକୁ ପଡ଼ିବ । ରାଜ୍ୟ କ୍ୟାବିନେଟ୍ର ଏଭଳି ଗୁରୁତ୍ବପୂର୍ଣ୍ଣ ନିଷ୍ପତିକୁ ନେଇ ରାଜନୈତିକ ବୟାନବାଜି ବି ତେଜ୍ ହୋଇଛି ।
ଲୋକେ ଯାହାକୁ ଭୋଟ ଦେଇ ଜିତାଇବେ, ସେ ହିଁ ହେବେ ଅଧ୍ୟକ୍ଷ, ଉପାଧ୍ୟକ୍ଷ ବା ମେୟର । କର୍ପୋରେଟର କିମ୍ବା କାଉନସିଲରଙ୍କୁ ନିଜ ସପକ୍ଷରେ ପଟାଇ ଆଉ କେହି ଏଭଳି କ୍ଷମତା ଉପଭୋଗ କରିପାରିବେ ନାହିଁ । ନିଜର ପରଫର୍ମାନ୍ସ୍, ଆଉ ଲୋକାଭୀମୁଖୀ କାର୍ଯ୍ୟକ୍ରମ ହିଁ ଅଧ୍ୟକ୍ଷ, ଉପାଧ୍ୟକ୍ଷ, ମେୟର ଭଳି ପଦବୀ ପାଇଁ ନେତାଙ୍କ ଭାଗ୍ୟ ସ୍ଥିର କରିବ । ଏଣିକି କର୍ପୋରେଟର ଆଉ କାଉନସିଲରଙ୍କ ଭଳି ମହାନଗର ନିଗମର ମେୟର, ପୌରାଧ୍ୟକ୍ଷ ଏବଂ ଏନଏସି ଅଧ୍ୟକ୍ଷଙ୍କୁ ମଧ୍ୟ ପ୍ରତ୍ୟକ୍ଷ ନିର୍ବାଚନ ଲଢ଼ିବାକୁ ପଡ଼ିବ । ସେହିଭଳି ଉପାଧ୍ୟକ୍ଷ ଏବଂ ଡେପ୍ୟୁଟି ମେୟର ମଧ୍ୟ ଲୋକଙ୍କ ଭୋଟ ଦ୍ବାରା ନିର୍ବାଚିତ ହେବେ । ହେଲେ ରାଜ୍ୟ କ୍ୟାବିନେଟ୍ର ଏଭଳି ଗୁରୁତ୍ବପୂର୍ଣ୍ଣ ନିଷ୍ପତିକୁ ନେଇ ବିରୋଧୀ କହିଛନ୍ତି ଏହା ଦିଲ୍ଲୀରୁ ଦୌଲତାବାଦ ଭଳି ଘଟଣା। ସରକାରଙ୍କ ଆଭିମୁଖ୍ୟ ସ୍ପଷ୍ଟ ନାହିଁ ।ତେଣୁ ସରକାର େହାକୁ କାର୍ଯ୍ୟକାରୀ କରିବାରେ କେତେ ସଫଳ ହେବା ସେ ନେଇ ସନ୍ଦେହ ରହିଛି ।
ପୂର୍ବରୁ ବିଜୁ ପଟ୍ଟନାୟକଙ୍କ ସରକାର ଅମଳରେ ପଞ୍ଚାୟତ ଓ ପୌରାଧ୍ୟକ୍ଷ ପଦବୀ ପାଇଁ ସିଧାସଳଖ ନିର୍ବାଚନ ବ୍ୟବସ୍ଥା କରାଯାଇଥିଲା । ମାତ୍ର ପରବର୍ତ୍ତୀ ସରକାର ସମୟରେ ଏଥିରେ ପରିବର୍ତନ କରାଯାଇଥିଲା । ଆଉ ଏବେ ନବୀନ ନିଜ ଚତୁର୍ଥ ପାଳିରେ ବିଜୁବାବୁଙ୍କ ଅମଳର ସେଇ ପୁରୁଣା ନୀତିକୁ ପୁଣି ଥରେ କାର୍ଯ୍ୟକାରୀ କରିବାକୁ ଚାହିଁଛନ୍ତି । ଏହା ଦ୍ବାରା ଅଧ୍ୟକ୍ଷ ନିର୍ବାଚନକୁ ନେଇ ଯେଉଁ ଘୋଡ଼ା ବେପାର ହେଉଥିଲା ତାକୁ ରୋକାଯାଇପାରିବ । ମେୟର ଓ ଅଧ୍ୟକ୍ଷ ଭଳି ଗୁରୁତ୍ବପୂର୍ଣ୍ଣ ପଦବୀ ଚୟନରେ ସ୍ବଚ୍ଛତା ଆସିବ । ଲୋକଙ୍କ ନଜରରେ ଏହି ପଦବୀ ପାଇଁ ଯିଏ ଯୋଗ୍ୟ, ସେହି ହିଁ କ୍ଷମତାକୁ ଆସିବ । ଆଗକୁ ମହାନଗର ନିଗମ, ପୌର ଓ ଏନଏସି ନିର୍ବାଚନ ହେବାକୁ ଥିବା ବେଳେ ସରକାରଙ୍କ ଏଭଳି ନିଷ୍ପତ୍ତିକୁ ଅତ୍ୟନ୍ତ ଗୁରୁତ୍ବପୂର୍ଣ୍ଣ ଓ ପ୍ରଭାବୀ ବୋଲି କୁହାଯାଉଛି ।

   Related Posts