ori homes
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପରୀକ୍ଷାରେ ଫେଲ୍ ହେବା ଡରରେ ପୁଅ ସହ ଆତ୍ମହତ୍ୟା କଲେ ମହିଳା

22/11/2018 at 3:03 PM

ମୁମ୍ବାଇ ୨୨|୧୧:   ମହାରାଷ୍ଟ୍ରର ଚନ୍ଦ୍ରପୁରରେ ୨୮ବର୍ଷୀୟ ଜଣେ ମହିଳା ନିଜର ୫ବର୍ଷର ପୁଅ ସହ ହ୍ରଦକୁ ଡେଇଁ ଆତ୍ମହତ୍ୟା କରିଛନ୍ତି । ମହିଳା ଜଣକ ଶିଶୁଟିକୁ ଓଢଣୀ ସାହାଯ୍ୟରେ ନିଜ ଦେହରେ ବାନ୍ଧି ହ୍ରଦକୁ ଡେଇଁଥିଲେ । ମହିଳା ଜଣଙ୍କ ହେଉଛନ୍ତି ରୁପାଲି ଗୁଜେବାର । ସେ ନଭେମ୍ବର ୧୯ତାରିଖରେ ଆତ୍ମହତ୍ୟା କରିଥିଲେ । ପ୍ରାଥମିକ ତଦନ୍ତରୁ ଜଣାପଡିଛି ଯେ, ମହିଳା ଜଣଙ୍କ ପରୀକ୍ଷାରେ ଫେଲ୍ ହେବା ଡରରେ ଆତ୍ମହତ୍ୟା କରିଛନ୍ତି । ସେ ବି.କମ୍ ପରୀକ୍ଷାରେ ପାସ୍ ନକଲେ ତାଙ୍କୁ ଭଲ ଚାକିରୀ ମିଳିବ ନାହିଁ ବୋଲି ସେ ଭାବୁଥିଲେ ।

ଘଟଣା ସଂପର୍କରେ ସେତେବେଳେ ଜଣାପଡିଥିଲା ଯେତେବେଳେ ରୁପାଲି ଏବଂ ତାଙ୍କ ପୁଅର ମୃତଦେହ ସମଲା ହ୍ରଦରେ ଭାସୁଥିବାର ଦେଖିବାକୁ ମିଳିଥିଲା । ପୋଲିସର ସୂଚନା ଅନୁସାରେ ରୁପାଲି ବି.କମ୍ ଦ୍ବିତୀୟ ବର୍ଷର ପରୀକ୍ଷାରେ ପାସ୍ କରିପାରିନଥିଲେ । ଫଳରେ ସେ ଦ୍ବିତୀୟ ଥର ଏହି ପରୀକ୍ଷା ଦେଇଥିଲେ ।

ରୁପାଲିଙ୍କ ସ୍ବାମୀ ଆଶିଷ ଏକ କମ୍ପାନୀରେ ସେଲ୍ସମ୍ୟାନ୍ ଭାବେ କାମ କରନ୍ତି । କାମରୁ ଫେରିବା ପରେ ଆଶିଷଙ୍କୁ ତାଙ୍କ ସ୍ତ୍ରୀ ଏବଂ ପୁଅ ଘରେ ମିଳିନଥିଲେ । ସେ ବହୁ ଖୋଜାଖୋଜି କରି ନପାଇବାରୁ ଥାନାରେ ଏତଲା ଦେଇଥିଲେ ।

ଛାନ୍ ଭିନ୍ ବେଳେ ପୋଲିସକୁ ରୁପାଲିଙ୍କ ବ୍ୟାଗ୍ ରୁ ଏକ ସୁଇସାଇଡ୍ ନୋଟ୍ ମିଳିଛି । ସୁଇସାଇଡ୍ ନୋଟ୍ ରୁପାଲି ନିଜେ ଲେଖିଛନ୍ତି କି ନାହିଁ ପୋଲିସ ସେନେଇ ତଦନ୍ତ କରୁଛି । ପୋଲିସର ସୂଚନା ଅନୁସାରେ ସୁଇସାଇଡ୍ ନୋଟ୍ ରେ ଲେଖା ହୋଇଛି ଯେ, ପରୀକ୍ଷାରେ ଫଲ ହୋଇଯିବା ଡରରେ ସେ ଆତ୍ମହତ୍ୟା କରିଛନ୍ତି । ଫେଲ୍ ହେଲେ ଭଲ ଚାକିରୀ ମିଳିବ ନାହିଁ । ପୋଷ୍ଟମର୍ଟମ ପରେ ମୃତଦେହକୁ ପରିବାରଲୋକଙ୍କୁ ହସ୍ତାନ୍ତର କରାଯାଇଛି । ଘଟଣାର ତଦନ୍ତ ଜାରି ରହିଛି ।

   Related Posts