Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୋଖରୀରୁ ମିଳିଲା ନିଖୋଜ ଶିଶୁକନ୍ୟାର ମୃତଦେହ, ହତ୍ୟା ସନ୍ଦେହ
  • ||
  • ଶିକାରୀ ଗିରଫ, ୬ ମୃତ ବିଦେଶୀ ପକ୍ଷୀ ଜବତ
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୭କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୯୧ କରୋନା ସଂକ୍ରମିତ, ୧୦୪୮୬୮୩ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୬୨୧ ମୃତ
  • ||
  • ମଝି ସମୁଦ୍ରରେ ଦୁର୍ଘଟଣା, ଧକ୍କା ହେଲା ୨ ଜାହାଜ
  • ||
  • ବାତ୍ୟାର ରୂପ ନେବ ଲଘୁଚାପ ! ଅନୁମାନ ଲଗାଇଲାଣି ଆଇଏମଡି, ରାଜ୍ୟରେ ପ୍ରବଳ ବର୍ଷା ସମ୍ଭାବନା
  • ||
  • ବାଘ ଗଣନା ବେଳେ ମିଳିଲା ମୃତଦେହ, ହତ୍ୟା ନା ଆତ୍ମହତ୍ୟା !
  • ||
  • ଶୀତ ଅଧିବେଶନ ପୂର୍ବରୁ ରବିବାର ସର୍ବଦଳୀୟ ବୈଠକ, ବିରୋଧିଙ୍କ ସହ କଥା ହେବେ ପ୍ରଧାନମନ୍ତ୍ରୀ
  • ||

ବାପୁଙ୍କୁ ଶ୍ରଦ୍ଧାଞ୍ଜଳି: ନାଗପୁର-ମୁମ୍ବାଇ କରିଡରରେ ନିର୍ମାଣ ହେବ ଅରଟ ଆକୃତିର ପୋଲ

10/10/2020 at 9:11 PM

ମୁମ୍ବାଇ ୧୦/୧୦: ଜାତୀର ପିତା ମହାତ୍ମା ଗାନ୍ଧୀଙ୍କୁ ନିଆରା ଢ଼ଙ୍ଗରେ ଶ୍ରଦ୍ଧାଞ୍ଜଳି ଜଣାଇବେ ମହାରାଷ୍ଟ୍ର ସରକାର। ଅରଟ ଆକୃତିର ପୋଲ୍‌ ନିର୍ମାଣ କରି ବାପୁଙ୍କୁ ସମ୍ମାନ ଜଣାଇବ ମାୟାନଗରୀ ମୁମ୍ବାଇ। ମୁମ୍ବାଇ-ନାଗପୁର ୭୦୧ କିଲୋମିଟର ଦୀର୍ଘ ସମୃଦ୍ଧି କରିଡର ଉପରେ ଅରଟ ଆକୃତିର ବ୍ରିଜ୍ ନିର୍ମାଣ କରି ମହାତ୍ମା ଗାନ୍ଧୀଙ୍କୁ ଶ୍ରଦ୍ଧାଞ୍ଜଳି ଦେବାକୁ ଯୋଜନା ପ୍ରସ୍ତୁତ କରିଛନ୍ତି ଉଦ୍ଧବ ସରକାର।

ଅରଟ ମହାତ୍ମା ଗାନ୍ଧୀଙ୍କ ପ୍ରତୀକ ବୋଲି ଜଣାଯାଏ । ଏପରିକି ସ୍ବଦେଶୀ ପ୍ରତୀକ ବି ଅରଟ। ୩୧୫ ମିଟର ଲମ୍ବା ଏହି ବ୍ରିଜ୍‌ ଓ୍ବାର୍ଦ୍ଧା ଜିଲ୍ଲାର ପ୍ରବେଶ ପଥରେ ନିର୍ମାଣ କରାଯିବ। ଯେଉଁ ରାସ୍ତା ସେବାଗ୍ରାମ ଆଶ୍ରମକୁ ଯାଇଛି। ଯେଉଁଠାରୁ ମହାତ୍ମା ଗାନ୍ଧୀ ୧୨ ବର୍ଷ ଧରି ଦେଶର ନେତୃତ୍ବ ନେଇଥିଲେ। ସେଠାରୁ ମହାତ୍ମା ଗାନ୍ଧୀ ଅରଟରେ ସୂତାକାଟି ପୋଷାକ ତିଆରି କରିବା ସହ ବିଦେଶୀ ଦ୍ରବ୍ୟ ବର୍ଜନ ପାଇଁ ଦେଶବାସୀଙ୍କୁ ପ୍ରୋତ୍ସାହିତ କରିଥିଲେ।

ବ୍ରିଜ୍‌ ଏମିତି ଡିଜାଇନ୍ ହେବ ଯେ, ସେଥିରେ ୩ଟି ବଡ଼ ଚକ ଆକୃତି ହେବ। ଯେଉଁଥିରେ ଦୁଇଟି ଚକ ୪୦ ମିଟର ପରିଧିରେ ହେବାକୁ ଥିବା ବେଳେ ଗୋଟିଏର ପରିଧି ରହିବ ୧୬ ମିଟର। ଓ୍ବାର୍ଦ୍ଧା ନଦୀ ଉପରେ ୬ ଳେନ୍ ବିଶିଷ୍ଟ ରାସ୍ତା ନିର୍ମାଣ ହେବାକୁ ଥିବା ବେଳେ ବ୍ରିଜ୍‌ରେ ଦୁଇଟି ଲେନ୍‌ ରହିବ ବୋଲି ଜଣାପଡ଼ିଛି। ବ୍ରିଜ୍ର ଡିଜାଇନ୍ ଫ୍ୟାକ୍ଟ ଇଣ୍ଡିଆ ପ୍ରାଇଭେଟ୍‌ ଲିମିଟେଡ୍‌ ଦ୍ବାରା କରାଯାଇଛି। ଏହାର ନିର୍ଦେଶକଙ୍କ ମତରେ ଭାରତ ସୁପରପାଓ୍ବାର ଆଡ଼କୁ ଅଗ୍ରସର ହେଉଥିବା ଲକ୍ଷ୍ୟକୁ ଏହା ମାଧ୍ୟମରେ ପ୍ରତିଫଳିତ କରାଯିବ। ‘ମେକ୍‌ ଇନ୍ ଇଣ୍ଡିଆ’ ଚିନ୍ତାଧାରା ସାଙ୍ଗକୁ ଏହା ଓ୍ବାର୍ଦ୍ଧାର ପରିଚୟ ମଧ୍ୟ ବହନ କରିବ ବୋଲି ସେ କହିଛନ୍ତି।

ପୋଲର ଡିଜାଇନ୍ କାର୍ଯ୍ୟ ସରିଥିବା ବେଳେ ଖୁବଶୀଘ୍ର ନିର୍ମାଣ କାର୍ଯ୍ୟ ଆରମ୍ଭ ହେବ। ୭୦୧ କି.ମିର ଏହି କରିଡରର ନିର୍ମାଣ କାର୍ଯ୍ୟ ୧ ମେ ୨୦୨୨ରୁ ଆରମ୍ଭ ହୋଇପାରେ ବୋଲି ଜଣାପଡ଼ିଛି। ଏହି ଏକ୍ସପ୍ରେସ୍‌ଓ୍ବେ ମୁମ୍ବାଇ-ପୁନେ ସହ ୧୦ ଜିଲ୍ଳା ଓ ୩୯୨ ଗାଁକୁ ଯୋଡ଼ୁଥିବା ଜଣେ ବରିଷ୍ଠ ଅଧିକାରୀ କହିଛନ୍ତି।

   Related Posts