Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସୋର : ଡକାୟତ ଗ୍ୟାଙ୍ଗ୍ ଓ ଗ୍ରାମବାସୀଙ୍କ ମଧ୍ୟରେ ଖଣ୍ଡ ଯୁଦ୍ଧ : ୪ ଗୁରୁତର, ଜଣେ ଗିରଫ
  • ||
  • ନୂଆଦିଲ୍ଲୀ : ଭାରତରେ କମୁଛି ସଂକ୍ରମଣ, ଗତ ୨୪ଘଣ୍ଟାରେ ୪୧୮୧୦ କରୋନା ଆକ୍ରାନ୍ତ ଚିହ୍ନଟ
  • ||
  • ଉଦଳା : ଜମିବାଡି ବିବାଦକୁ କେନ୍ଦ୍ରକରି ଡବଲ ମର୍ଡର ! ସଂମ୍ପର୍କୀୟ ଭାଇ ଓ ପୁତୁରାକୁ ହତ୍ୟା କଲା ଭାଇ
  • ||
  • ଭୁବନେଶ୍ୱର : ବିଜେଡିରୁ ବହିଷ୍କୃତ ହେଲେ ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ
  • ||
  • ମାଲକାନଗିରି : କମ୍ବିଂ ଅପରେସନ ସାରି ଫେରୁଥିବା ବେଳେ ଲ୍ୟାଣ୍ଡମାଇନ ବିସ୍ଫୋରଣ : ଆସିଷ୍ଟାଣ୍ଡ କମାଣ୍ଡାଣ୍ଟ୍ ସହିଦ, ୯ଯବାନ ଆହତ
  • ||

୧୨ ଘଣ୍ଟା ହେଲା ଜଳୁଛି ମୁମ୍ବାଇ ମଲ୍, ନିଆଁ ଲିଭାଇବାରେ ଲାଗିଛି ୫୦ ଦମକଳ, ପାଖ ବିଲଡିଂରୁ ୩୫ ଶହ ଲୋକଙ୍କୁ ସ୍ଥାନାନ୍ତର

23/10/2020 at 4:10 PM

ମୁମ୍ବାଇ ୨୩/୧୦: ମୁମ୍ବାଇର ସିଟି ସେଣ୍ଟର ମଲ୍‌ରେ ଭୟାବହ ଅଗ୍ନିକାଣ୍ଡ ଘଟିଛି। ନିଆଁକୁ ଆୟତ୍ତ କରିବା ପାଇଁ ମୁମ୍ବାଇ ଦମକାଳ ବାହିନୀ ଗତ ୧୨ ଘଣ୍ଟାରୁ ଲାଗିଛନ୍ତି । ତେବେ ମଲ ନିକଟରେ ଥିବା ଏକ କୋଠାରୁ  ୩ ହଜାର ୫୦୦ ଲୋକଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଛି। ମୁମ୍ବାଇ ସେଣ୍ଟ୍ରାଲ ଇଲାକାରେ ଥିବା ସିଟି ସେଣ୍ଟର ମଲରେ ଗୁରୁବାର ରାତି ୮ଟା ୫୦ ମିନିଟରେ ନିଆଁ ଲାଗିଥିଲା। ଏହା ସହ ମଲରେ ଥିବା ୩୦୦ ଲୋକଙ୍କୁ ମଧ୍ୟ ସୁରକ୍ଷିତ ଭାବେ ବାହାରକୁ ଅଣାଯାଇଛି।

ଦମକଳର ୨୪ ଇଞ୍ଜିନ ଓ ୧୬ଟି ବଡ଼ ଟ୍ୟାଙ୍କର ସମେତ ସମୁଦାୟ ୫୦ ଗାଡି ନିଆଁକୁ କାବୁ କରିବାରେ ଲାଗିଥିଲେ। ଏହା ବାଦ୍ ୨୫୦ରୁ ଅଧିକ ଓ ଦମକଳକର୍ମୀ ମୁତୟନ ହୋଇଥିଲେ। ନିଆଁ ଲିଭାଇବା ସମୟରେ ଦୁଇ ଜଣ ଦମକଳ କର୍ମଚାରୀ ଆହତ ହୋଇଛନ୍ତି। ସେମାନଙ୍କୁ ମଧ୍ୟ ହସପିଟାଲରେ ଭର୍ତି କରାଯାଇଛି। ନିଆଁ ମଲର ଦ୍ବିତୀୟ ମହଲାରେ ଥିବା ଏକ ମୋବାଇଲ ଦୋକାନରେ ଲାଗିଥିଲା। ଏ ମଲରେ ଅଧିକାଂଶ ମୋବାଇଲ ଦୋକାନ ରହିଛି।

ମଲ୍‌ରେ ନିଆଁ ଲାଗିବାମାତ୍ରେ ସେଠାରୁ ୩୦୦ ଲୋକଙ୍କୁ ବାହାରକୁ ଅଣାଯାଇ ଥିବା ଜଣେ ପୋଲିସ ଅଧିକାରୀ କହିଛନ୍ତି। ତେବେ ନିଆଁ ରାତି ୧୦ଟା ୪୫ ମିନିଟରେ ତୃତୀୟ ମହଲାକୁ ବ୍ୟାପିଯାଇ ପୁଣି ତୃତୀୟ ମହଲାରେ ପହଞ୍ଚିଥିଲା। ଏବେ ସୁଦ୍ଧା ନିଆଁ ଲାଗିବାର ପ୍ରକୃତ କାରଣ ଜଣାପଡ଼ି ନାହିଁ। ତେବେ ଏହି ଘଟଣା ପୂର୍ବରୁ ମୁମ୍ବାଇ କୁର୍ଲାରେ ଥିବା ଏକ କପଡ଼ା ଫ୍ୟାକ୍ଟ୍ରିରେ ନିଆଁ ଲାଗିଥିଲା। ନିଆଁ ଲିଭାଇବାକୁ ଦୁଇ ଘଣ୍ଟା ସମୟ ଲାଗିଥିଲା।

   Related Posts