Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାରାଷ୍ଟ୍ର : ଭାରସାମ୍ୟ ହରାଇ ୩୦ ଫୁଟ ଖାଇକୁ ଖସିଲା ବସ୍, ୫ ଜଣଙ୍କ ମୃତ୍ୟୁ, ୩୫ ଆହତ
  • ||
  • କାର୍ଯ୍ୟରେ ଅବହେଳା ପାଇଁ ନିଲମ୍ବିତ ହେଲେ ଗୁଣୁପୁର ତହସିଲଦାର
  • ||
  • ଚେନ୍ନାଇ ସୁପରକିଙ୍ଗ୍ସକୁ ବଡ ଝଟକା, ଆହତ କାରଣରୁ ଆଇପିଏଲ୍‌ର ବାକି ମ୍ୟାଚ୍‌ରୁ ବାଦ୍ ପଡିଲେ ଡ୍ଵେନ ବ୍ରାଭୋ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୯୩୧ କରୋନା ସଂକ୍ରମିତ ଚିହ୍ନଟ
  • ||
  • ୧୨କୋଟି ଟଙ୍କାର ଜିଏସ୍‌ଟି ଠକେଇ ଅଭିଯୋଗ, ବିଭାଗ ପକ୍ଷରୁ ଛାନ୍‌ଭିନ୍‌ ଆରମ୍ଭ
  • ||
  • ବିଜାପୁରରେ ଏନ୍‌କାଉଣ୍ଟର : ଜଣେ ନକ୍ସଲ ନିହତ, ୨ ଯବାନ ଆହତ
  • ||
  • ମାଓବାଦୀଙ୍କ ବର୍ବର କାଣ୍ଡ , ପୋଲିସ ଇନଫର୍ମର ସନ୍ଦେହରେ ଘରୁ ଡାକି ନେଇ ହତ୍ୟା
  • ||

ଚଳନ୍ତା ଟ୍ରେନରେ ଚଢିବାବେଳେ ଖସିଗଲା ଯୁବକଙ୍କ ଗୋଡ; ସାଙ୍ଗର ଉପସ୍ଥିତି ବୁଦ୍ଧି ଯୋଗୁଁ ବଂଚିଗଲା ଜୀବନ

27/12/2018 at 12:47 PM

ମୁମ୍ବାଇ ୨୭/୧୨ : ଚଳନ୍ତା ଟ୍ରେନରେ ଚଢିବା ପାଇଁ ଉଦ୍ୟମ କରୁଥିବାବେଳେ ଖସିଗଲେ ଯୁବକ | ଯୁବକ ଖସିଯାଇ ଟ୍ରେନ ଏବଂ ପ୍ଲାଟଫର୍ମ ଫାଙ୍କରେ ଫସି ରହିଗଲେ | ତେବେ ଯୁବକଙ୍କ କିଛି ହୋଇନଥିବା ଜଣାପଡିଛି | ସେ ସମ୍ପୂର୍ଣ ଠିକ ଅଛନ୍ତି | ଟ୍ରେନ ଏବଂ ପ୍ଲାଟଫର୍ମ ଫାଙ୍କରେ ପଡିଯିବା ପରେ ଯୁବକଙ୍କ ସାଙ୍ଗ ତାଙ୍କ ହାତ ଧରି ରଖିଥିଲେ | ଯାହାଫଳରେ ଯୁବକ ଏକ ବଡ ଦୁର୍ଘଟଣାରୁ ବର୍ତ୍ତୀ ଯାଇଥିଲେ | ଏହି ଭିଡିଓ ଏବେ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି |

ଘଟଣା ଘଟିଛି ମୁମ୍ବାଇ ଅନ୍ତର୍ଗତ ଖପୋଲି ଷ୍ଟେସନରେ | ସୋମବାର ଦିନ ଖପୋଲି ଷ୍ଟେସନରେ ଅମିତ ନାମକ ଜଣେ ଯୁବକ ନିଜର ୫ଜଣ ସାଙ୍ଗଙ୍କ ସହ ଚଳନ୍ତା ଲୋକାଲ ଟ୍ରେନରେ ଚଢ଼ୁଥିଲେ | ଚଢ଼ୁଥିବାବେଳେ ହଠାତ ଅମିତଙ୍କ ଗୋଡ ଖସିଯାଇଥିଲା ଏବଂ ସେ ଟ୍ରେନ ଏବଂ ପ୍ଲାଟଫର୍ମ ଫାଙ୍କରେ ପଡିଯାଇଥିଲେ | ସେ ପଡିଯିବା କ୍ଷଣି ତାଙ୍କର ଜଣେ ସାଙ୍ଗ ତାଙ୍କ ହାତକୁ ଭିଡି ଧରିଥିଲେ | ଅମିତଙ୍କ ହାତ ତାଙ୍କ ସାଙ୍ଗ ଭିଡି ଧରିବା ସହ ନିଜ ଆଡକୁ ଟାଣି ଧରିଥିଲେ ଯାହାଫଳରେ ଟ୍ରେନ ଅମିତଙ୍କୁ ଛୁଇଁ ଚାଲିଯାଇଥିଲା ପଛେ କିନ୍ତୁ ଅମିତଙ୍କର କୌଣସି କ୍ଷତି ହୋଇନଥିଲେ | ପ୍ରାୟ ୪୪ ସେକେଣ୍ଡ ପରେ ଟ୍ରେନ ଚାଲିଯାଇଥିଲା ଏବଂ ଅମିତ ସକୁଶଳ ବଞ୍ଚିଯାଇଥିଲେ |

ତେବେ ଅମିତଙ୍କୁ ତାଙ୍କ ସାଙ୍ଗ ବଞ୍ଚାଇଥିବା ଏହି ଭିଡିଓ ଏବେ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି| ଏହାକୁ ଲୋକେ ଚମତ୍କାର ବୋଲି କହୁଛନ୍ତି| ଭିଡିଓ ଦେଖି ସମସ୍ତେ ଅମିତଙ୍କ ସାଙ୍ଗଙ୍କୁ ବହୁତ ପ୍ରଶଂସା କରୁଛନ୍ତି| କାରଣ ତାଙ୍କର ଉପସ୍ଥିତି ବୁଦ୍ଧି ଯୋଗୁଁ ଅମିତ ବଂଚିଯାଇଥିଲେ|   

   Related Posts