ଝାରସୁଗୁଡା ୧୬।୧୧: ବେସାହାରାଙ୍କ ସାହାରା ପାଲଟିଛି ମାନବ ସେବା ସଂଘ ‘ମୁକ୍ତିପଥ’ । ମାନବ ସେବା ସଂଘ ପକ୍ଷରୁ ଅଜଣା ନବଜାତ ଶିଶୁର ଅନ୍ତିମ ସଂସ୍କାର କରାଯାଇଛି । ଏହାକୁ ମିଶାଇ ଏହି ସଂସ୍ଥା ଦ୍ବାରା ଏପର୍ଯ୍ୟନ୍ତ ମୋଟ୍ ୫୨ଜଣଙ୍କର ଅନ୍ତ୍ୟେଷ୍ଟି କ୍ରିୟା କରାଯାଇଛି।
ସୂଚନାଯୋଗ୍ୟ ଯେ, କୋଲାବିରା ପୋଲିସ ଦ୍ବାରା ରଘୁନାଥପାଲୀ ଗାଁର ଏକ କୂଅରୁ ଶିଶୁର ମୃତଦେହକୁ ଉଦ୍ଧାର କରାଯାଇଥିଲା । କେହି ଅଜଣା ବ୍ୟକ୍ତି ଏହି ଶିଶୁକୁ କୂଅରେ ଫିଙ୍ଗି ଦେଇ ଚାଲିଯାଇଥିବା ସନ୍ଦେହ କରାଯାଉଛି ।କୋଲାବିରା ପୋଲିସ ୟୁଡି କେସ୍ ନମ୍ବର ୧୯/୨୦୨୦ ମାମଲା ରୁଜୁ କରି ତା.୧୧/୧୧/୨୦୨୦ରେ ମରଶରୀରକୁ ପୋଷ୍ଟମର୍ଟମ କରିବାକୁ ପଠାଇ ଦେଇଥିଲେ। ପରେ ମୃତଦେହକୁ ମାନବ ସେବା ସଂଘ ‘ମୁକ୍ତିପଥ’କୁ ହସ୍ତାନ୍ତର କରାଯାଇଥିଲା।
ମାନବ ସେବା ସଂଘ ସ୍ଥାନୀୟ ବୁରୋମାଲ ସ୍ଥିତ ମୁକ୍ତିଧାମ ଶ୍ମଶାନରେ ଏହି ମୃତ ଶିଶୁର ଅନ୍ତିମ ସଂସ୍କାରକରାଯାଇଛି । ଏପର୍ଯ୍ୟନ୍ତ ସଂଘ ତରଫରୁ ୫୨ଜଣଙ୍କର ଅନ୍ତିମ ସଂସ୍କାର କରାଯାଇସରିଛି। ଅନ୍ତିମ ସଂସ୍କାର ସମୟରେ କୋଲାବିରା ଥାନାର ଏଏସଆଇ ବାମଦେବ ପରିଡ଼ା, ସଂଘର କାର୍ଯ୍ୟକର୍ତ୍ତା ସୋଫିଆ ମିଞ୍ଜ, ସାର୍ତ୍ତୁକୋ ବେହେରା, ସରୋଜ ସିଂହ, ମୁନୁ ସିଂହ, ବାସିଲ ବାରି ଉପସ୍ଥିତ ଥିଲେ।