Saturday, April 20, 2019

News7

Prameya News7, News7 Odia, Odisha Latest News, Odisha Current Headlines, Odisha News Online

ଜେଲ ଯିବାରୁ ବଞ୍ଚିତ ହେଲେ ଅନିଲ ଅମ୍ବାନୀ : ଏରିକସନ କମ୍ପାନୀର ବାକି ସୁଝିବାରେ ସାହାଯ୍ୟ କଲେ ବଡ ଭାଇ ମୁକେଶ ଅମ୍ବାନୀ

ଦିଲ୍ଲୀ ୧୯/୩ : ରିଲାଏନ୍ସ କମ୍ପାନୀର ଚେୟାରମ୍ୟାନ ସୁପ୍ରିମକୋର୍ଟ ସମୟସୀମା ପୁରା ହେବା ଗୋଟିଏ ଦିନ ପୂର୍ବରୁ ଏରିକସନର ବାକି ଋଣ ସୁଝି ଜେଲ ଯିବାରୁ ବଂଚିତ ହୋଇଛନ୍ତି | ସୋମବାର ଦିନ ଆରକମ ଟେଲିକମ ଉପକରଣ ନିର୍ମାତା ସ୍ଵିଡ଼ିସ କମ୍ପାନୀ ଏରିକସନକୁ ୪୫୮.୭୭ କୋଟି ଟଙ୍କାର ବାକି ସୁଝି ଦେଇଛନ୍ତି | ଏଥିରେ ଜୋରିମାନା ଏବଂ ଋଣର ସୁଧ ମଧ୍ୟ ସାମିଲ ଅଛି | ଫେବୃଆରୀ ୧୯ ତାରିଖରେ ସୁପ୍ରିମକୋର୍ଟ ଏହି ମାମଲାରେ ଶୁଣାଣିରେ ଅନିଲ ଅମ୍ବାନୀଙ୍କୁ ୪ ସପ୍ତାହ ମଧ୍ୟରେ ବାକି ଟଙ୍କା ଶୁଝିବା ପାଇଁ ନିର୍ଦେଶ ଦେଇଥିଲେ | ବାକି ନଶୁଝିଲେ ଅନିଲ ଅମ୍ବାନୀଙ୍କୁ ଜେଲ ଯିବାକୁ ପଡିବ ବୋଲି କୋର୍ଟ କହିଥିଲେ | ଏରିକସନ ମାମଲାରେ ଅଦାଲତଙ୍କ ଅବମାନନା କରିଥିବା ଯୋଗୁଁ ଦୋଷୀ ସାବ୍ୟସ୍ତ କରାଯାଇଥିଲା |


ଆରକମ ଚେୟାରମ୍ୟାନ ଅନିଲ ଅମ୍ବାନୀଙ୍କୁ ସାହାଯ୍ୟ କରିଥିଲେ ବଡ ଭାଇ ମୁକେଶ ଅମ୍ବାନୀ | ନିଜର ସଙ୍କଟ ସମୟରେ ସାହାଯ୍ୟ କରିଥିବାରୁ ଅନିଲ ଅମ୍ବାନୀ ବଡ ଭାଇ ମୁକେଶ ଅମ୍ବାନୀ ଏବଂ ଭାଉଜ ନିତା ଅମ୍ବାନୀଙ୍କୁ ଧନ୍ୟବାଦ ଜଣାଇଛନ୍ତି | ସଙ୍କଟ ସମୟରେ ଛିଡା ହୋଇ ବଡ ଭାଇ ପାରିବାରିକ ମୂଲ୍ୟର ମହତ୍ୱ ଦର୍ଶାଇଛନ୍ତି ବୋଲି କହିଛନ୍ତି ଅନିଲ ଅମ୍ବାନୀ |


ଏରିକସନର ପ୍ରବକ୍ତା କହିଛନ୍ତି ଯେ, ତାଙ୍କ କମ୍ପାନୀର ବାକି ଟଙ୍କା, ୪୫୮.୭୭ କୋଟି ଟଙ୍କା ଆରକମ ତରଫରୁ କରାଯାଇଛି | ଆରକମ ଉପରେ ସମୁଦାୟ ୫୭୧ କୋଟି ଟଙ୍କା ବାକି ଥିଲା | ଯେଉଁଥିରୁ ୫୦୦ କୋଟି ଟଙ୍କା ୱାନଟାଇମ ସେଟେଲମେଣ୍ଟ ଏବଂ ୨୧ କୋଟି ଟଙ୍କା ସୁଧ ରହିଥିଲା | ଆରକମ ଏହା ପୂର୍ବରୁ ୧୧୮ କୋଟି ଟଙ୍କା ସୁଝି ଦେଇଥିଲା |

332 Views

   ସମ୍ବନ୍ଧିତ ଖବର