ସୁବର୍ଣ୍ଣପୁର ୨୮।୮: ସୁବର୍ଣ୍ଣପୁର ଜିଲ୍ଲା ସଦର ଥାନା ଅନ୍ତର୍ଗତ ଶରଧାପାଲି ଉମା ଢାବାରେ ହୋଇଥିବା ହତ୍ୟାକାଣ୍ଡର ଅଭିଯୁକ୍ତକୁ ପୋଲିସ ଗିରଫ କରିବାରେ ସଫଳ ହୋଇଛି । ଗିରଫ ପରେ ଅଭିଯୁକ୍ତକୁ କୋର୍ଟ ଚାଲାଣ କରିଛି ପୋଲିସ ।
ଗତ ୨୨ ତାରିଖ ମଧ୍ୟାହ୍ନରେ ବ୍ରଜଭୂମି ରାଇସ ମିଲର ଯଦୁମଣୀ ଭୋଇଙ୍କୁ ହତ୍ୟା କରିଥିଲା ଅଭିଯୁକ୍ତ ସୁଶାନ୍ତ ଗୁରୁ । ହତ୍ୟାକାଣ୍ଡ ପରେ ସେ ଫେରାର ହୋଇଯାଇଥିଲା । ମାତ୍ର ଜିଲ୍ଲା ସଦର ଥାନା ବିଭିନ୍ନ ଜାଗା ଚଢାଉ କଲା ପରେ ତାକୁ ଗିରଫ କରିବାରେ ସକ୍ଷମ ହୋଇଥିଲା । ତେବେ ବ୍ୟକ୍ତିଗତ କଳହ ଯୋଗୁଁ ହତ୍ୟାକାଣ୍ଡ ଘଟିଥିବା ପୋଲିସ ସୂଚନା ଦେଇଛି ।
