Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୮ କରୋନା ସଂକ୍ରମିତଙ୍କ ମୃତ୍ୟୁ, ୧୨ଶହ ଅତିକ୍ରମ କଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ୧୭୯୩ କରୋନା ସଂକ୍ରମିତ, ୨୭୭୮୮୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • କେନ୍ଦ୍ରାପଡାରେ ଘରେ ପଶି ଲୁଟିଲେ, କଟୁରୀରେ ହାଣି ଖସିଗଲେ, ସ୍ବାମୀ-ସ୍ତ୍ରୀ ଗୁରୁତର
  • ||
  • ବାଲେଶ୍ବର ମୁଖ୍ୟ ଯୋଗାଣ ଅଧିକାରୀଙ୍କ ଅଫିସ୍‌ରୁ ଜବତ ହେଲା ୯ଟି ଟଙ୍କା ଭର୍ତ୍ତି ଲଫାପା, ବାନ୍ଧିନେଲା ଭିଜିଲାନ୍ସ
  • ||
  • ପାଟଣାରେ ଭାରସାମ୍ୟ ହରାଇ ପଥରରେ ପିଟି ହେଲା ବାଇକ୍, ଘଟଣାସ୍ଥଳରେ ଚାଳକଙ୍କ ମୃତ୍ୟୁ
  • ||
  • ବାଲିଅନ୍ତାରେ ଜୁଆ ଆଡ୍ଡା ଉପରେ ଚଢାଉ, ୩ ଗିରଫ
  • ||
  • ଚାନ୍ଦବାଲିରେ ଟ୍ରେନ୍ ଲାଇନ୍‌ରୁ ମିଳିଲା ନାବାଳକଙ୍କ ମୃତଦେହ
  • ||
  • ପୁରୀରେ ୪ ବ୍ରାଉନସୁଗାର ବେପାରୀ ଗିରଫ, ୫.୩୨ ଗ୍ରାମ୍ ବ୍ରାଉନସୁଗାର ଜବତ
  • ||
  • ଅନୁଗୋଳରେ କଣ୍ଟେନର-ଟ୍ରକ୍ ମୁହାଁମୁହିଁ ଧକ୍କା, ଟ୍ରକ୍ ଚାଳକ ମୃତ
  • ||
  • ଷ୍ଟାଫ୍‌ନର୍ସ ମୌସୁମୀ ମିଶ୍ରଙ୍କ ସନ୍ଦେହଜନକ ମୃତ୍ୟୁ, ସହକର୍ମୀ କହିଲେ, ‘ତାଙ୍କୁ ହତ୍ୟା କରାଯାଛି’
  • ||

ଭାଙ୍ଗିଲା ଧୋନୀଙ୍କ ବିଶ୍ୱ ରେକର୍ଡ, ଅଷ୍ଟ୍ରେଲିଆର ଏହି ମହିଳା କ୍ରିକେଟର ମାହିଙ୍କୁ ପକାଇଲେ ପଛରେ

27/09/2020 at 6:14 PM

ସିଡନୀ, ୨୭|୦୯:   ଅଷ୍ଟ୍ରେଲିଆର ମହିଳା କ୍ରିକେଟ୍ ଦଳ ଏବେ ନ୍ୟୁଜିଲାଣ୍ଡ ବିପକ୍ଷରେ ଟି୨୦ ସିରିଜ୍ ଖେଳୁଛି । ତିନି ମ୍ୟାଚ୍ ବିଶିଷ୍ଟ ସିରିଜର ଦ୍ୱିତୀୟ ମ୍ୟାଚରେ ଅଷ୍ଟ୍ରେଲିଆ ବିଜୟ ହାସଲ କରିବା ସହ ସିରିଜରେ ୨-୦ରେ ଆଗୁଆ ରହିଛି । ଏହାସହ ସିରିଜ ଉପରେ ମଧ୍ୟ କବଜା କରିଛି ।

ଏହି ମ୍ୟାଚରେ ଅଷ୍ଟ୍ରେଲିଆ ୧୬.୪ ଓଭରରେ ୧୨୯ ରନ୍ କରିବା ସହ ମ୍ୟାଚକୁ ୮ ଓ୍ୱିକେଟରେ ଜିତିନେଇଥିଲା । ରବିବାର ବ୍ରିସବେନର ଆଲନ ବର୍ଡର ଫିଲ୍ଡରେ ଖେଳାଯାଉଥିବା ଏହି ମ୍ୟାଚରେ ଅଷ୍ଟ୍ରେଲିଆ ଓ୍ୱିକେଟକିପର୍ ଆଲିସା ହିଲି ବିଶ୍ୱ ରେକର୍ଡ ହାସଲ କରିଛନ୍ତି । ଏହାସହ ସେ ମହେନ୍ଦ୍ର ସିଂ ଧୋନୀଙ୍କ ବିଶ୍ୱ ରେକର୍ଡ ମଧ୍ୟ ଭାଙ୍ଗିଛନ୍ତି ।

୩୦ ବର୍ଷୀୟା ଆଲିସା ଏହି ମ୍ୟଚରେ ଓ୍ୱିକେଟ ପଛରେ ରହି ଦୁଇଟି ଶିକାର କରିଛନ୍ତି । ଏହାସହ ଧୋନୀଙ୍କ ଅନ୍ତର୍ଜାତୀୟ  ଟି୨୦ ରେ ସବୁଠାରୁ ଅଧିକ ଶିକାର କରିଥିବା ରେକର୍ଡ ଭାଙ୍ଗିଛନ୍ତି । ଆଲିସା ମୋଟ୍ ୯୨ଟି ଶିକାର କରିଛନ୍ତି ।  ଧୋନୀ ଓ୍ୱିକେଟ୍ ପଛରେ ରହି ୫୭ଟି କ୍ୟାଚ୍ ଓ ୩୪ଟି ଷ୍ଟମ୍ପିଂ କରିଥିଲେ । ଫଳରେ ଧୋନୀଙ୍କ ରେକର୍ଡ ଭାଙ୍ଗିଯାଇଛି । କେବଳ ମହିଳା କ୍ରିକେଟ କଥା କହିଲେ ଇଂଲଣ୍ଡର ସାରା ଟେଲର ୭୪ଟି ଶିକାର କରି ଆଲିସାଙ୍କ ପରେ ଦ୍ୱିତୀୟ ସ୍ଥାନରେ ରହିଛନ୍ତି ।

କେବଳ ଏତିକି ନୁହେଁ ଆଲିସା ଓ୍ୱିକେଟ କିପର ଭାବେ ସର୍ବାଧିକ ଟି୨୦ ମ୍ୟାଚ୍ ଖେଳିବାରେ ଧୋନୀଙ୍କ ରେକର୍ଡ ମଧ୍ୟ ଭାଙ୍ଗିଛନ୍ତି । ଆଲିସାଙ୍କ ଏହା ୯୯ତମ ମ୍ୟାଚ୍ ଥିଲା । ତେବେ ଅନ୍ତର୍ଜାତୀୟ ମ୍ୟାଚରୁ ଅବସର ନେଇଥିବା ଧୋନୀ ୯୮ଟି ଟି୨୦ ମ୍ୟାଚ୍ ଖେଳିଛନ୍ତି ।

ସୂଚନାଯୋଗ୍ୟ, ଆଲିସା ହିଲି ଅଷ୍ଟ୍ରେଲିଆର ଷ୍ଟାର୍ କ୍ରିକେଟର ମିଚେଲ ଷ୍ଟାର୍କଙ୍କ ପତ୍ନୀ । ଉଭୟ ୨୦୧୬ରେ ବିବାହ କରିଥିଲେ ।

   Related Posts