ନୂଆଦିଲ୍ଲୀ ୨୦/୦୯: ଆଇପିଏଲ୍ ୨୦୨୧ ର ଦ୍ୱିତୀୟ ପର୍ଯ୍ୟାୟର ପ୍ରଥମ ମ୍ୟାଚରେ ଦେଖିବାକୁ ମିଳିଥିଲା ଜବରଦସ୍ତ ପ୍ରଦର୍ଶନ । ଗତକାଲି ମୁହାଁମୁହିଁ ହୋଇଥିଲେ ଚେନ୍ନାଇ ଓ ମୁମ୍ୱାଇ । ତେବେ ମ୍ୟାଚ ଚାଲିଥିବା ବେଳେ ଦର୍ଶକ ଦେଖିବାକୁ ପାଇଥିଲେ ଯାହା କ୍ରିକେଟ୍ ପଡ଼ିଆରେ କ୍ୱଚିତ୍ ଦେଖାଯାଏ । ମ୍ୟାଚ ଜିତିବାକୁ ସଂଘର୍ଷ କରୁଥିଲା ମୁମ୍ବାଇ ଇଣ୍ଡିଆନ୍ସ ଟିମ୍ ।
wp:html— Maqbool (@im_maqbool) September 20, 2021/wp:html
ଏହି ସମୟରେ ମୁମ୍ୱାଇର ଜଣେ ବ୍ୟାଟ୍ସମ୍ୟାନ୍ ଛକା ମାରିବାକୁ ଯାଇ ଭୁଲ ସର୍ଟ ଖେଳଥିଲେ । ଯାହାକି କ୍ୟାଚରେ ପରିଣତ ହୋଇଥିଲା । ଆଉ କ୍ୟାଚ ଧରିବାକୁ ଚେନ୍ନାଇ ସୁପର କିଙ୍ଗ୍ସର ଅଧିନାୟକ ମହେନ୍ଦ୍ର ସିଂ ଧୋନି, ବ୍ରାଭୋ ଆଗେଇ ଆସିଥିଲେ । ହେଲେ ଉଭୟଙ୍କ ଭୁଲ ଯୋଗୁଁ କ୍ୟାଚଟି ମିସ୍ ହୋଇଯାଇଥିଲା । ତେବେ ଏହି କ୍ୟାଚ୍ ମିସ ହେବା ପରେ ହଠାତ୍ ରାଗିଯାଇଥିଲେ କ୍ୟାପଟେନ୍ କୁଲ୍ । ବ୍ରାଭୋଙ୍କୁ ରାଗିଯାଇ କଣ କହିଥିଲେ । ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ଏହି ଘଟଣା ମୁମ୍ବାଇର ଇନିଂସର ୧୮ ଓଭରରେ ହୋଇଥିଲା । ଏହି ସମୟରେ ମୁମ୍ବାଇ ୬ ୱିକେଟ୍ ହରାଇବା ପାଇଁ ୧୧୫ ରନ୍ ସଂଗ୍ରହ କରିଥିଲା । ଚେନ୍ନାଇ ପାଇଁ ଦୀପକ ଚହର ଏଠାରେ ବୋଲିଂ କରୁଥିଲେ । ବଲଟି ଉଭୟ ଡୱେନ ବ୍ରାଭୋ ଏବଂ ଧୋନିଙ୍କ ନିକଟତର ଥିଲା । କିନ୍ତୁ ଧୋନି ଡାକି କ୍ୟାଚ୍ ନେବାକୁ ଦୌଡିଥିଲେ ।
ଏହି ସମୟରେ, ବ୍ରାଭୋ ବୋଧହୁଏ ଧୋନିଙ୍କ କଲ୍ ଶୁଣି ନଥିଲେ ଏବଂ ସେ ଧରିବାକୁ ମଧ୍ୟ ଦୌଡିଥିଲେ । ପରେ, ବ୍ରାଭୋ ହଠାତ୍ ଧୋନିଙ୍କ ସାମ୍ନାକୁ ଆସିଥିଲେ, ଯେଉଁଥିପାଇଁ କ୍ୟାଚ୍ ମିସ୍ ହୋଇଥିଲା । ତେବେ ଧୋନୀ ହଠାତ୍ ରାଗିଥିଲେ ।
