Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଜି ସନ୍ଧ୍ୟାରେ ଦିଲ୍ଲୀ ପହଞ୍ଚିବ ସିଡିଏସ୍ ବିପିନ ରାୱତଙ୍କ ମରଶରୀର, ମୋଦୀଙ୍କ ସହ ପ୍ରତିରକ୍ଷା ମନ୍ତ୍ରୀ ଦେବେ ଶ୍ରଦ୍ଧାଞ୍ଜଳୀ
  • ||
  • ଭଞ୍ଜନଗର : ମାଇକ୍ରୋ କଣ୍ଟେନମେଣ୍ଟ ଜୋନ୍ ହେଲା ଲାଲସିଙ୍ଗି ପଞ୍ଚାୟତର କିଛି ଅଞ୍ଚଳ, କୋଭିଡ୍ ପଜିଟିଭ୍ ଚିହ୍ନଟ ପରେ ପଦକ୍ଷେପ
  • ||
  • ଭୁବନେଶ୍ବର : ବିଧାନସଭା ପରେ ସମସ୍ତଙ୍କର ହେବ RTPCR ଟେଷ୍ଟ : ବାଚସ୍ପତି
  • ||
  • ଭୁବନେଶ୍ବର : ମହାନଦୀରେ କମିଛି ଜଳ ପ୍ରବାହ, ୫୧୬ ଚେକ୍ ଡ୍ୟାମ୍ କରିଛି ଛତିଶଗଡ : ଜଳସମ୍ପଦ ମନ୍ତ୍ରୀ
  • ||
  • ଭୁବନେଶ୍ବର : ମମିତାକୁ ନ୍ୟାୟ ଦେବାକୁ ବିଜେପିର ଦାବି : ବ୍ୟାରିକେଟ୍ ଭାଙ୍ଗି ବିଧାନସଭା ଘେରାଉ ଉଦ୍ୟମ ବେଳେ ଧସ୍ତାଧସ୍ତି, ପୋଲିସର ଲାଠିଚାର୍ଜ
  • ||
  • ଜୟପୁର : ଜୟପୁର ଏସଡିଜେଏମ୍ କୋର୍ଟରେ NIAର ୨ ଜଣିଆ ଟିମ୍, ମାଓ ନେତା ଦୁବାସୀ ଶଙ୍କରକୁ ପଚରାଉଚରା ପାଇଁ ଲୋଡିଲେ ଅନୁମତି
  • ||
  • ଭୁବନେଶ୍ବର : ବିଜେଡି ଓ ବିଜେପି ବିକ୍ଷୋଭ ପ୍ରସଙ୍ଗ : କଂଗ୍ରେସ ବିଧାୟକ ମହମ୍ମଦ ମୋକିମ କହିଲେ- ଗୋଟିଏ ମୁଦ୍ରାର ଦୁଇ ପାର୍ଶ୍ବ
  • ||
  • ଟାଙ୍ଗୀ : କେନ୍ଦୁଆ ଜଙ୍ଗଲରୁ ମିଳିଲା ଅଜଣା ଯୁବକଙ୍କ ମୃତଦେହ, ମୃତ୍ୟୁର କାରଣ ଅସ୍ପଷ୍ଟ
  • ||
  • ବଡବିଲ : ଶନି ମନ୍ଦିରରୁ ଲୁଟ୍, ଦାନ ବାକ୍ସ ଉଠାଇନେଲେ ଦୁର୍ବୃତ୍ତ
  • ||
  • ନିଶ୍ଚିନ୍ତକୋଇଲି : ଛେଳି ଚୋରକୁ ଛେଚିଲେ ଗାଁ ଲୋକେ, ପୋଲିସର ଜିମାଦେଲେ
  • ||

କ’ଣ ସରିଗଲା କି ମହେନ୍ଦ୍ର ସିଂ ଧୋନୀଙ୍କ ଅନ୍ତର୍ଜାତୀୟ କ୍ୟାରିଅର ? କ’ଣ ଥିଲା ଭୁଲ୍‌, କାହିଁକି ପଡ଼ିଲେ ବାଦ୍‌…

16/01/2020 at 8:56 PM

 ନୂଆଦିଲ୍ଲୀ୧୬/୧: ବିସିସିଆଇ ଚଳିତ କ୍ରିକେଟ ସିଜିନ୍ ପାଇଁ ଖେଳାଳି ଚୁକ୍ତି ତାଲିକା ଘୋଷଣା କରିଛି । ବିସିସିଆଇ ପକ୍ଷରୁ ଜାରି କରାଯାଇଥିବା ଖେଳାଳି ସୂଚୀରେ ଭାରତୀୟ କ୍ରିକେଟ ଟିମର ପୂର୍ବତନ ଅଧିନାୟକ ମହେନ୍ଦ୍ର ସିଂହ ଧୋନୀଙ୍କ ନାଁ ସାମିଲ ହୋଇନାହିଁ । ଏହା ବହୁ କ୍ରିକେଟ ପ୍ରେମୀଙ୍କୁ ଆଶ୍ଚର୍ଯ୍ୟ କରିଛି । ଗତ ବିଶ୍ବକପ ପର ଠାର ଭାରତୀୟ ଦଳରୁ ଦୂରେଇ ରହିଥିବା ଧୋନୀ କ’ଣ କ୍ରିକେଟରୁ ଅବସର ନେଇ ଗଲେ କି ? କ୍ରିକେଟ ପ୍ରେମୀଙ୍କ ମନରେ ଏବେ ଏହି ପ୍ରଶ୍ନ ।

କ’ଣ ସରିଗଲା କି ମହେନ୍ଦ୍ର ସିଂ ଧୋନୀଙ୍କ ଅନ୍ତର୍ଜାତୀୟ କ୍ୟାରିଅର ? ଧୋନୀ କଣ ଅନ୍ତର୍ଜାତୀୟ କ୍ରିକେଟରୁ ଅବସର ନେବାକୁ ଯାଉଛନ୍ତି ?  ଏମିତି କିଛି ଆକଳନ ଆରମ୍ଭ ହୋଇଗଲାଣି । କାରଣ ବିସିସିଆଇ ପକ୍ଷରୁ ଚଳିତ ସିଜିନ୍  ପାଇଁ ପ୍ରସ୍ତୁତ ଖେଳାଳି କଣ୍ଟ୍ରାକ୍ଟ ଓ ଗ୍ରେଡେସନ୍ ତାଲିକାରେ ଧୋନୀଙ୍କ ନାଁ ନାହିଁ । ଅକ୍ଟୋବର ୨୦୧୯ ରୁ ସେପ୍ଟେମ୍ବର ୨୦୨୦ ପର୍ଯ୍ୟନ୍ତ ଘୋଷିତ ବିସିସିଆଇ କଣ୍ଟ୍ରାକ୍ଟରେ ଧୋନୀଙ୍କୁ  କୌଣସି ଗ୍ରେଡ୍ରେ ସ୍ଥାନ ମିଳିନାହିଁ । ଧୋନୀ ଦୀର୍ଘଦିନ ହେଲା ଏ-ପ୍ଲସ୍ ଓ ଏ-ଗ୍ରେଡ୍ ରେ ରହି ଆସୁଥିଲେ । ଏଥର ଏ-ପ୍ଲସ୍  ଗ୍ରେଡେସନ୍ ଲିଷ୍ଟରେ  ବିରାଟ କୋହଲି, ରୋହିତ ଶର୍ମା, ଯଶପ୍ରିତ୍ ବୁମ୍ ରା ରହିଛନ୍ତି।

 ଏମାନଙ୍କ ଛଡା ରବୀଚନ୍ଦ୍ରନ୍ ଅଶ୍ବିନୀ , ରବୀନ୍ଦ୍ର ଜାଡେଜା, ଭୁବନେଶ୍ବର କୁମାର, ମହମ୍ମଦ ସାମୀ, ଚେତେଶ୍ବର ପୂଜାରା , ଲୋକେଶ ରାହୁଲ, ଆଜିଙ୍କ୍ୟ ରାହାଣେ, ଶିଖର ଧାୱନ୍ , ଇଶାନ୍ତ ଶର୍ମା, କୂଲଦୀପ ଯାଦବ ଏବଂ ରିଷଭ ପନ୍ଥଙ୍କୁ ଗ୍ରେଡ୍  ଏ ତାଲିକାରେ ସ୍ଥାନ ମିଳିଛି । ସେହିଭଳି ରିଦ୍ଧିମାନ ଶାହା, ଉମେଶ ଯାଦବ, ଯୁଝବେନ୍ଦ୍ର ଚହଲ, ହାର୍ଦ୍ଦିକ ପାଣ୍ଡ୍ୟା, ମୟଙ୍କ ଅଗ୍ରୱାଲ୍  ଗ୍ରେଡ୍ ବି ରେ ଏବଂ କେଦାର ଯାଦବ, ନବଦୀପ ସୈନୀ, ଦୀପକ ଚହର, ମନୀଷ ପାଣ୍ଡେ, ହନୁମା ବିହାରୀ, ଶାର୍ଦ୍ଦୁଲ ଠାକୁର, ଶ୍ରେୟସ ଆୟର ଓ ୱାସିଂଟନ୍ ସୁନ୍ଦର ଗ୍ରେଡ୍- ସିରେ ସ୍ଥାନ ପାଇଛନ୍ତି । ଗ୍ରେଡ୍  ଏ-ପ୍ଲସ୍ ତାଲିକାର ଖେଳାଳି ବାର୍ଷିକ ୭କୋଟି, ଗ୍ରେଡ୍-ଏ ଖେଳାଳି ୫ କୋଟି, ଗ୍ରେଡ୍  ବି ଖେଳାଳି ୩ କୋଟି ଓ ଗ୍ରେଡ୍ ସି ଖେଳାଳି ୧ କୋଟି ଟଙ୍କା ବର୍ଷକୁ ପାଇବେ ।

ତେବେ ସବୁଠାରୁ ବଡ ଆଶ୍ଚର୍ଯ୍ୟର କଥା ହେଉଛି କୌଣସି ତାଲିକାରେ ପୂର୍ବତନ ଅଧିନାୟକ ଧୋନୀଙ୍କର ନାଁ ନାହିଁ । ଧୋନୀ ଗତ ଜୁଲାଇ ମାସରେ ଇଂଲଣ୍ଡ ବିଶ୍ବକପ୍ ରେ ଶେଷ ଥର ପାଇଁ ଖେଳିଥିଲେ । ତା ପରଠାରୁ ସେ କୌଣସି ଅନ୍ତର୍ଜାତୀୟ ମ୍ୟାଚ୍  ଖେଳିନାହାନ୍ତି । ସେପଟେ ବିସିସିଆଇ ରିଦ୍ଦିମାନ୍ ସାହା ଓ ମୟଙ୍କ ଅଗ୍ରୱଲ୍  ଏବଂ ୱାସିଂଟନ୍  ସୁନ୍ଦରଙ୍କ ଭଳି ସ୍ପେସାଲିଷ୍ଟ ୱିକେଟ୍ କିପର ବ୍ୟାସମ୍ୟାନଙ୍କୁ ଅନ୍ତର୍ଜାତୀୟ ମ୍ୟାଚ୍  ଖେଳାଇ ଆସୁଛି ।

ତେଣୁ ଧୋନୀଙ୍କ ଅନ୍ତର୍ଜାତୀୟ କ୍ୟାରିଅର ଶେଷ ହୋଇଗଲା ବୋଲି ଆକଳନ କରାଯାଉଛି । ଅଧିନାୟକ ଭାବେ୨୦୦୭ ଟି-ଟ୍ବେଣ୍ଟିଂ ଓ୨୦୧୧ ବିଶ୍ବକପ୍ ରେ ଭାରତକୁ ବିଜୟ କରାଇଥିଲେ ମହେନ୍ଦ୍ର ସିଂ ଧୋନୀ । ଧୋନୀଙ୍କୁ ଭାରତର ସବୁଠାରୁ ସଫଳ ଅଧିନାୟକ କୁହାଯାଉଛି । ଧୋନୀ ପୂର୍ବରୁ ଟେଷ୍ଟ କ୍ରିକେଟ୍ ରୁ ଅବସର ଘୋଷଣା କରିସାରିଛନ୍ତି । ଧୋନୀ ୩୫୦ ଟି ୱାନ୍ ଡେରୁ ୧୦ ଶତକ ଓ ୭୩ ଟି ଅର୍ଦ୍ଧଶତକ ସହ ୫୦.୫୭ ହାରରେ ୧୦ ହଜାର ୭୭୩ ରନ୍ କରିଛନ୍ତି ।  ସେହିପରି ଷ୍ଟମ୍ପ ପଛରେ ୩୨୧ ଟି କ୍ୟାଚ୍  ଓ ୧୨୩ ଟି ଷ୍ଟମ୍ପିଂ କରିଛନ୍ତି । ସେହିପରି ଟି-ଟେଣ୍ଟିଂରେ ୯୮ ମ୍ୟାଚ୍ ଖେଳି ୨ ଟି ଅର୍ଦ୍ଧଶତକ ସହ ୧୬୧୭ ରନ୍ କରିଛନ୍ତି । ଷ୍ଟମ୍ପ ପଛରେ ୫୭ ଟି କ୍ୟାଚ୍  ୩୪ ଟି ଷ୍ଟମ୍ପିଂ କରିଛନ୍ତି ଧୋନୀ ।

   Related Posts