କେନ୍ଦ୍ରାପଡ଼ା ୨୯।୦୪: ରେଳ ଧାରଣାରୁ ଯୁବକଙ୍କ ମୃତଦେହ ଠାବ । କେନ୍ଦ୍ରାପଡ଼ା ସଦର ଥାନା ଗୁଆଳସଂ ଅଞ୍ଚଳରୁ ଠାବ ହୋଇଛି ମୃତଦେହ । ମୃତକ ଠାକୁରପାଟଣା ଗାଁର ବୋଲି ଜଣାପଡିଛି । ଘଟଣାସ୍ଥଳରେ ପୋଲିସର ଛାନ୍ଭିନ୍ ଆରମ୍ଭ ।
ଖବର ଅନୁଯାୟୀ, ଗୁରୁବାର ସକାଳ ପ୍ରାୟ ୭ଟା ସମୟରେ ଯୁବକ ଜଣଙ୍କ ରେଳ ଧାରଣା ଆଡେ ଯାଉଥିବାର ସ୍ଥାନୀୟଲୋକେ ଦେଖିଥିଲେ । ଏହାର ପ୍ରାୟ ଦେଢ ଘଣ୍ଟା ପରେ ରେଳ ଧାରଣାରୁ ଯୁବକଙ୍କ ମୃତଦେହ ପଡିଥିବାର ଦେଖିବାକୁ ମିଳିଛି । ତେବେ ଏହା ଦୁର୍ଘଟଣା ନା ଆତ୍ମହତ୍ୟା । ସେନେଇ କିଛି ସ୍ପଷ୍ଟ ସୂଚନା ମିଳିନାହିଁ । ମୃତକ ଠାକୁରପାଟଣା ଗାଁର ହୋଇଥିବା ବେଳେ ପରିବାର ଲୋକ ଓ ପୋଲିସ ପକ୍ଷରୁ କିଛି ପ୍ରତିକ୍ରିୟା ମିଳିପାରିନାହିଁ ।