ଯାଜପୁର ୩୦।୪: ଯାଜପୁର ଟାଉନ ଥାନା ମୋଟରଙ୍ଗାପାଳ ଅଞ୍ଚଳରୁ ଜଣେ ବ୍ୟକ୍ତିଙ୍କ ମୃତଦେହ ଠାବ ହୋଇଛି । ମୃତ ବ୍ୟକ୍ତି ଜଣଙ୍କ ସ୍ଥାନୀୟ ଅଂଚଳର ଜୁଳମଣୀ ପରିଡା । ଜୁଳମଣୀ ମାଛ ଧରି ପରିବାର ପ୍ରତିପୋଷଣ କରନ୍ତି ।
ସୂଚନାଯୋଗ୍ୟ ଯେ, ଜୁଳମଣୀ ଗୁରୁବାର ଦିନ କେଉଁଆଡ଼େ ଯାଇ ଘରକୁ ଫେରିନଥିଲେ । ମଦ ପିଇବାକୁ ଯାଇଥିବା ଘର ଲୋକେ ଭାବିଥିଲେ । କିନ୍ତୁ ତାଙ୍କ ମୃତଦେହ ଉଦ୍ଧାର ହୋଇଛି । ଘରଠାରୁ ୨୦୦ ମିଟର ଦୂରରେ ମଦ ରନ୍ଧା ଯାଉଥିବା ସ୍ଥାନର କିଛି ଦୂରରେ କେହି ଦୁର୍ବୃତ୍ତ ଜୁଳମଣୀଙ୍କୁ ଶ୍ବାସରୁଦ୍ଧ କରି ହତ୍ୟା କରିଥିବା ପରିବାର ଲୋକ ଅଭିଯୋଗ କରିଥିବା ବେଳେ ବ୍ୟବସାୟିକ ଶତ୍ରୃତାରୁ ହତ୍ୟା କରାଯାଇଥିବା କୁହାଯାଉଛି । ତେବେ ଟାଉନ ପୋଲିସ ଘଟଣାସ୍ଥଳରେ ପହଞ୍ଚି ପ୍ରାଥମିକ ତଦନ୍ତ ଆରମ୍ଭ କରିଛି । ସାଇଣ୍ଟିଫିକ୍ ଟିମ୍ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ କରିବା ସହ ହତ୍ୟା ପଛରେ ବ୍ୟବସାୟିକ ଶତ୍ରୃତା କି ଅନ୍ୟ କିଛି କାରଣ ରହିଛି ତାହା ପୋଲିସ ତଦନ୍ତ ପରେ ସ୍ପଷ୍ଟ ହେବ।
