ଭୁବନ, ୨୨/୦୧: ଖଜୁରୀ ବୁଦା ନିକଟରୁ ଅଜଣା ଯୁବକର ମୃତଦେହ ଠାବ । ଭୁବନ ଥାନା ଅନ୍ତର୍ଗତ ପଳାଶପିଠିଆ ଗ୍ରାମଠାରୁ ସୁରପ୍ରତାପପୁର ରାସ୍ତାର ଡିହଗଡା ଖଜୁରୀ ବୁଦାମୁଳେ ଜଣେ ଅଚିହ୍ନା ଯୁବକର ମୃତଦେହ ମିଳିଛି । ଆଜି ସନ୍ଧ୍ୟା ସମୟରେ କାଉ ପକ୍ଷୀମାନଙ୍କର ରାବ ଶୁଣି ପଥଚାରୀ ଘଟଣାସ୍ଥଳରେ ପହଞ୍ଚି ମୃତଦେହ ପଡିଥିବା ଦେଖି ସୁରପ୍ରତାପପୁର ଫାଣ୍ଡିକୁ ଖବର ଦେଇଥିଲେ ।
ଘଟଣାସ୍ଥଳରେ ଫାଣ୍ଡି ଅଧିକାରୀ ପହଞ୍ଚି ଉକ୍ତ ଅଞ୍ଚଳ ନିଜ ଥାନା ଅଧିନରେ ଆସୁନଥିବା ଦର୍ଶାଇ ଫାଣ୍ଡିକୁ ଫେରିଯାଇଥିବା ଜଣାପଡିଛି । ତେବେ ମୃତ ଶରୀରକୁ ଦେଖି କେହି ହତ୍ୟାକରି ଫୋପାଡି ଦେଇଥିବା ଅନୁମାନ କରାଯାଉଛି । ତେବେ ଘଟଣାସ୍ଥଳରେ ଭୁବନ ପୋଲିସ ପହଞ୍ଚି ତଦନ୍ତ ଚଳାଇଛି ।
