ଭୁବନେଶ୍ବର ୧୧|୮: ଗତକାଲି ରାଜଧାନୀର ଖାରବେଳ ନଗର ସ୍ଥିତ ଏଚ୍ଏଚ୍ଆଇ ତାରକା ହୋଟେଲ ପରିସରରେ ‘ମିସ୍ ଇଣ୍ଡିଆ ୟୁନିଭର୍ସ’ ସିଜିନ୍-୩ ପାଇଁ ଜୋନାଲ୍ ଅଡିସନ୍ ଟେଷ୍ଟ ହୋଇଯାଇଛି। ୨୦ରୁ ୩୫ ଏବଂ ୩୫ରୁ ୫୫ ବର୍ଷ ବୟସ ; ଏମିତି ଦୁଇଟି ବର୍ଗର ପ୍ରତିଯୋଗୀଙ୍କୁ ନେଇ ଏହି ପ୍ରତିଯୋଗିତା ଅନୁଷ୍ଠିତ ହୋଇଥିଲା।
{"id":143240}ବିବାହିତ ମହିଳାମାନଙ୍କ ପାଇଁ ଏହା ଥିଲା ଏକ ଉପାଦେୟ ଆୟୋଜନ। ଅନ୍ୟୂନ ୪୦ ଜଣ ପ୍ରତିଯୋଗୀ ଏହି ପ୍ରତିଯୋଗିତାରେ ଅଂଶଗ୍ରହଣ କରିଥିଲେ, ହେଲେ ସେମାନଙ୍କ ମଧ୍ୟରୁ ମାତ୍ର ୬ ଜଣ ସୁନ୍ଦରୀଙ୍କୁ ମନୋନୀତ କରାଯାଇଥିଲା। ତୁଷାର ଧଲିଓ୍ଵାଲ, ଅର୍ଚ୍ଚନା ତୋମେର, ବର୍ଷା ପ୍ରିୟଦର୍ଶନୀ, ରୋଜାଲିନ୍ ପାଟ୍ଟଶାଣୀ ମିଶ୍ର, ରୂପସୀ ଓ୍ଵାଧାଓନ୍, ସୁଖପ୍ରୀତ୍ କୌର୍ ପ୍ରମୁଖ ଅଭିନେତା, ଉପସ୍ଥାପକ ଓ ମଡେଲ ମାନେ ଏହି ପ୍ରିଯୋଗିତାର ବିଚାରକ ଭାବେ ଉପସ୍ଥିତ ଥିଲେ।
{"id":143241}ଫ୍ରାନ୍ଚାଇଜ୍ ଓନର ଅଫ ହେଡ୍ ଟର୍ଣ୍ଣର ସାଲୋନ୍ର ଷ୍ଟେଟ୍ ଡାଇରେକ୍ଟର ଅଫ ଓଡ଼ିଶା ଏସ୍. ଝୁଣ୍ଟି ହୋତା କହିଥିଲେ, ଏବେ ଜାତୀୟ ଓ ଅନ୍ତର୍ଜାତୀୟ ସ୍ତରରେ ପ୍ରାୟ ସବୁ କ୍ଷେତ୍ରରେ ଓଡ଼ିଆ ମହିଳାମାନେ ସଫଳତା ପାଉଛନ୍ତି। ‘ମିସ୍ ଇଣ୍ଡିଆ ୟୁନିଭର୍ସ’ କଣ୍ଟେଷ୍ଟରେ ସର୍ବଭାତୀୟ ସ୍ତରରେ ଦିଲ୍ଲୀରେ ପ୍ରଥମ, ଜୟପୁରରେ ଦ୍ବିତୀୟ ଏବଂ ମରିସସ୍ରେ ତୃତୀୟ ସ୍ଥାନ ଅଧିକାର କରି ସୁନ୍ଦରୀ ମାନେ ରାଜ୍ୟକୁ ଗୌରବାନ୍ଵିତ କରିଛନ୍ତି।
{"id":143242}ମହିଳାମାନେ ଗୃହିଣୀ ଭାବେ ଘରର ସମସ୍ତ କାର୍ଯ୍ୟ ସୂଚାରୁରୂପେ ସମ୍ପାଦନ କରିବା ସହ ଯଦି ଶାରୀରିକ ସୌନ୍ଦର୍ଯ୍ୟ ଓ ମାନସିକ ଦକ୍ଷତାରେ ଅଗ୍ରଣୀ ଅଛନ୍ତି ତେବେ ସେମାନଙ୍କୁ ପ୍ରୋତ୍ସାହିତ କରିବା ଉଚିତ। ମିସ୍ ହୋତାଙ୍କ ପ୍ରତ୍ୟକ୍ଷ ତତ୍ତ୍ବାବଧାନରେ ପରିଚାଳିତ ଏହି ସୁନ୍ଦରୀ ପ୍ରତିଯୋଗିତାର କ୍ରିଏଟିଭ୍ ହେଡ୍ ଭାବେ ଭୂମିକା ନିର୍ବାହ କରିଥିଲେ ପ୍ରଣୟ ଜେଠୀ।