Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିସିସିଆଇ ନୂତନ କୋଚ୍ ଏବଂ ସପୋର୍ଟିଂ ଷ୍ଟାଫ ପାଇଁ ମଗାଇଲା ଆବେଦନ, ଏମିତି ରହିଛି ସର୍ତ୍ତ
  • ||
  • ରାଜ୍ୟରେ ଆସନ୍ତା ୨୪ ଘଣ୍ଟା ମଧ୍ୟରେ ହେବ ବଜ୍ରପାତ, ୧୭ ଜିଲ୍ଲାକୁ ସତର୍କ ସୂଚନା
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୩ କୋଭିଡ୍ ପଜିଟିଭ୍
  • ||
  • ବୋହୂକୁ ପଥରରେ ଛେଚି ଦେଲା ଶାଶୂ, ପାରିବାରିକ କଳହରୁ ଜଘନ୍ୟ ହତ୍ୟାକାଣ୍ଡ…
  • ||
  • ପ୍ରବଳ ବର୍ଷା ପରେ ଭୂସ୍ଖଳନ: ୧୮ ମୃତ ଓ ଅନେକ ନିଖୋଜ, ମୁଖ୍ୟମନ୍ତ୍ରୀ ଲୋଡିଲେ ସେନା ସହାୟତା
  • ||
  • ଆଜିଠୁ ଓଜେଇଇ କାଉନସେଲିଂ, ପଞ୍ଜୀକରଣ ଓ ଚଏସ ଲକିଂ କରିପାରିବେ ଛାତ୍ରଛାତ୍ରୀ
  • ||
  • ଆଫଗାନିସ୍ତାନ ପ୍ରସଙ୍ଗରେ ନଭେମ୍ୱରରେ ବସିବ ବୈଠକ : ପାକିସ୍ତାନକୁ ନିମନ୍ତ୍ରଣ କଲା ଭାରତ
  • ||
  • ପଞ୍ଚାୟତ ନିର୍ବାଚନ ପାଇଁ ୩ ଦଳ ପ୍ରସ୍ତୁତ, ସଂରକ୍ଷଣ ତାଲିକା ପ୍ରକାଶ ପରେ ଗଦାଗଦା ଅଭିଯୋଗ
  • ||
  • ମନୀଷ ଅନୁରାଗ ମୃତ୍ୟୁ ମାମଲା : ରବିବାର ୩ ଅଭିଯୁକ୍ତଙ୍କ ରିମାଣ୍ଡ ଆବେଦନର ଶୁଣାଣି
  • ||

ସଂସଦରେ ଉଠିଲା କାଷ୍ଟିଙ୍ଗ୍ କାଉଚ୍ ମାମଲା: ରବି କିଷନ କହିଲେ, ‘ଦେଶର ମହିଳା ଦେବୀ ଦୁର୍ଗା କିନ୍ତୁ ବଲିଉଡ୍‌ରେ ସଉଦା ହେଉଛି’

21/09/2020 at 1:11 PM

ନୂଆଦିଲ୍ଲୀ ୨୧/୦୯ : ଫିଲ୍ମ ଇଣ୍ଡଷ୍ଟ୍ରିରେ ଡ୍ରଗ୍ସ ମାମଲା ମଧ୍ୟରେ ବର୍ତ୍ତମାନ ଅଭିନେତ୍ରୀ ପାୟଲ ଘୋଷ ଅନୁରାଗ କଶ୍ୟପଙ୍କ ବିରୋଧରେ କରିଥିବା ଯୌନ ଶୋଷଣ ମାମଲାକୁ ନେଇ ମାହୋଲ ଗରମ ରହିଛି । ଏହି ପ୍ରସଙ୍ଗ ବର୍ତ୍ତମାନ ସଂସଦ ଯାଏଁ ପହଞ୍ଚିଛି । ଗୋରଖପୁର ବିଜେପି ସାଂସଦ ରବି କିଷନ ସଂସଦରେ ଏହି ପ୍ରସଙ୍ଗ ଉଠାଇଛନ୍ତି ଏବଂ ଦୃଢ କାର୍ଯ୍ୟାନୁଷ୍ଠାନ ଦାବି କରିଛନ୍ତି । ଗତକାଲି ରାଜ୍ୟସଭା କାର୍ଯ୍ୟନିର୍ବାହୀ ପାଖାପାଖି ରାତି ଗୋଟାଏ ଯାଏଁ ଚାଲିଥିଲା । ଏହି ପ୍ରସଙ୍ଗ ଉପରେ ଯୁକ୍ତିତର୍କ ହୋଇଥିଲା । ସାଂସଦ ରବି କିଷନ ଏମିତି ଏକ ଆଇନ ଦାବି କରିଥିଲେ ଯାହାଦ୍ୱାରା ମହିଳା ଓ ଯୁବତୀଙ୍କ ଉପରେ ଅନୁଚିତ ଚାପ ପକାଉଥିବା ଲୋକଙ୍କ ମନରେ ଭୟ ସୃଷ୍ଟି ହୋଇପାରିବ । ଏହି ପ୍ରସଙ୍ଗରେ ନିଜ ପକ୍ଷ ରଖି ରବି କିଷାନ କହିଥିଲେ ଯେ, “ଆମ ଦେଶରେ ଝିଅମାନେ ଦେବୀ ଦୁର୍ଗା ଓ ଗୋମାତାଙ୍କ ଭଳି ପୂଜନୀୟ । କିନ୍ତୁ ବଲିଉଡ ସମେତ ଅନେକ କ୍ଷେତ୍ରରେ ଲୋକେ ମହିଳାଙ୍କ ଭାଗ୍ୟ ଚମକାଇଦେବା କହି ତାଙ୍କ ସହ ସଉଦା କରୁଛନ୍ତି ।”

ତେବେ ରବି କିଷନ କାହା ନାଁ ନେଇନଥିଲେ । କିନ୍ତୁ ପାୟଲ ଘୋଷ ଅନୁରାଗ କଶ୍ୟପଙ୍କ ଉପରେ ଲଗାଇଥିବା ଆରୋପ ପରେ ରବି କିଷାନ ଏହିଭଳି ବୟାନ ଦେଇଛନ୍ତି । ଏଥିରୁ ସ୍ପଷ୍ଟ ହୋଇଛି ଯେ ରବି କିଷନ ପରୋକ୍ଷରେ ଅନୁରାଗ କଶ୍ୟପଙ୍କୁ ଇସାରା କରିଛନ୍ତି । ଏହା ପୂର୍ବରୁ ଅନୁରାଗ ଓ ପାୟଲଙ୍କ ମାମଲାରେ ରବି କିଷନ କହିଥିଲେ, “ଅନୁରାଗଙ୍କ ବିରୋଧରେ ଗମ୍ଭୀର ଆରୋପ ହୋଇଛି ଏବଂ ପାୟଲ ନିଜେ ସାମ୍ନାକୁ ଆସି ଅଭିଯୋଗ କରିଛନ୍ତି । ଯଦି ଏହି ତଥ୍ୟ ସତ ତାହେଲେ ଏହା ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ଉଚିତ । ଆମେ ନାରୀ ସଶକ୍ତିକରଣ କଥା କହୁଚୁ । ଯଦି କୌଣସି ମହିଳା ଗୁହାରି କରୁଛନ୍ତି ତାହେଲେ ଏଥିପାଇଁ ତଦନ୍ତ ପାଇଁ ସମସ୍ତ ଯାଞ୍ଚ ଏଜେନ୍ସି କବାଟ ଖୋଲା ରହେ ।”

ରବି କିଷାନ ଓ ଅନୁରାଗ କଶ୍ୟପ ମଧ୍ୟରେ ବାଦବିବାଦ ସୁଶାନ୍ତ ଓ ରିୟା ମାମଲା ସହ ଜଡିତ ବୟାନବାଜିରୁ ଆରମ୍ଭ ହୋଇଥିଲା । ଅନୁରାଗ କଶ୍ୟପ ରବି କିଷନଙ୍କୁ ଟାର୍ଗେଟ କରି ଟ୍ୱିଟ କରିଥିଲେ, ରବି କିଷାନ ଗଂଜେଇ ଟାଣୁଥିବା ଅଭିଯୋଗ କରିଥିଲେ । ଏଥିରେ ରବି କିଷାନ ତାଙ୍କୁ ଜବାବ ଦେଇ କହିଥିଲେ ବୁଝି ବିଚାରି ବୟାନ ଦେବାକୁ ପରାମର୍ଶ ଦେଇଥିଲେ । କିନ୍ତୁ ପାୟଲ ଘୋଷଙ୍କ ଆରୋପ ପରେ ରବି କିଷନ ଅନୁରାଗ କଶ୍ୟପଙ୍କ ବିରୋଧରେ ଖୋଲାଖୋଲି ବୟାନ ଦେଇଛନ୍ତି ।

   Related Posts