Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭାରତରେ ପହଞ୍ଚିଲା ଓମିକ୍ରନ୍‌ ଭ୍ୟାରିଆଣ୍ଟ । କର୍ଣ୍ଣାଟକର ୨ ଜଣ ବ୍ୟକ୍ତି ଓମିକ୍ରନ୍‌ ଭ୍ୟାରିଆଣ୍ଟରେ ସଂକ୍ରମିତ
  • ||
  • ହଜିନି ମାନବିକତା, ପାଇଥିବା ସୁନା ଗହଣାକୁ ଫେରାଇଦେଲେ ଅଟୋ ଚାଳକ
  • ||
  • ଭୁବନେଶ୍ବର : STF ମୋଷ୍ଟ ୱାଣ୍ଟେଡ ଲିଷ୍ଟରେ ଅନୀଲ ପାଣ୍ଡି, ସୂଚନା ଦେଲେ ମିଳିବ ପୁରସ୍କାର
  • ||
  • ଭୁବନେଶ୍ବର : ୩ ନିର୍ବାହୀ ଅଧିକାରୀଙ୍କୁ ବାଧ୍ୟତାମୂଳକ ଅବସର ଓ ଜଣେ ଆରଆଇ ଚାକିରୀରୁ ବହିଷ୍କୃତ
  • ||
  • ନୂଆଦିଲ୍ଲୀ : ବାତ୍ୟା ଅପଡେଟ୍ : ୩ରୁ ଓଡିଶାରେ ବର୍ଷା, ୪ରେ ପବନର ବେଗ ଛୁଇଁବ ୯୦ କି.ମି.
  • ||
  • ନୂଆଦିଲ୍ଲୀ : ଶୁକ୍ରବାରଠୁ ରାଜଧାନୀରେ ସମସ୍ତ ସ୍କୁଲ ବନ୍ଦ, ଘୋଷଣା କଲେ କେଜ୍ରିଓ୍ୱାଲ୍‌ ସରକାର
  • ||
  • ବାଇକକୁ ପିଟିଲା ଜୁସ୍ ବୋଝେଇ ଟ୍ରକ୍, ୨ ଆରୋହୀ ମୃତ
  • ||
  • କଣ୍ଟାବାଞ୍ଜି : ମମିତା ମେହେର ହତ୍ୟାକାଣ୍ଡ ମାମଲା : ADG କୋର୍ଟରେ ଜାମିନ ଆବେଦନ କଲା ଗୋବିନ୍ଦ ସାହୁ
  • ||
  • ସାନଖେମୁଣ୍ଡି : ୩୦ ଏକର ଗଞ୍ଜେଇ ଚାଷ ନଷ୍ଟ କଲା ପ୍ରଶାସନ
  • ||
  • ଘାରିଛି ଓମିକ୍ରନ ବିପଦ : ବିଳମ୍ବିତ ହେବ ଟିମ୍ ଇଣ୍ଡିଆର ଦକ୍ଷିଣ ଆଫ୍ରିକା ଗସ୍ତ ! ସମୟ ମାଗିଲା ବିସିସିଆଇ
  • ||

ମଧ୍ୟପ୍ରଦେଶ କୂଅ ଭୁଶୁଡିବା ଘଟଣା : ଶିଶୁକୁ ବଞ୍ଚାଇବାକୁ ଯାଇ ୧୧ ମୃତ, ୧୯ ଜଣଙ୍କୁ କରାଗଲା ଉଦ୍ଧାର

17/07/2021 at 2:36 PM

ଭୋପାଳ,୧୭ ।୦୭: ମଧ୍ୟପ୍ରଦେଶର ବିଦିଶା ଜିଲ୍ଲାରେ କୂଅରେ ପଡିଯାଇଥିବା ଜଣେ ବାଳକକୁ ବଞ୍ଚାଇବାକୁ ଯାଇ ୩୦ ଜଣ ଗ୍ରାମବାସୀ ଖସିପଡିଛନ୍ତି । ଏଥିରେ ୧୧ ଜଣଙ୍କ ମୃତ୍ୟୁ ଘଟିଛି । ଅନ୍ୟ ୧୯ ଜଣଙ୍କୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି । ଉଦ୍ଧାର କାର୍ଯ୍ୟରେ ଏନ୍‌ଡିଆରଏଫ ଓ ଏସ୍‌ଡିଆରଏଫ୍‌ ଟିମ୍‌କୁ ନିୟୋଜିତ କରାଯାଇଥିଲା । ଜିଲ୍ଲାର ଗଞ୍ଜ ବସୋଦା ଥାନା ଅନ୍ତର୍ଗତ ଲାଲପଥର ଅଞ୍ଚଳରେ ଗୁରୁବାର ରାତି ୯ଟା ବେଳେ ଏହି ଅଘଟଣ ଘଟିଥିଲା ।

ସୂଚନା ଅନୁସାରେ ରବି ଅହିରୱାର ନାମକ ଜଣେ ୧୪ ବର୍ଷୀୟ ବାଳକ ସେହି କୂଅରୁ ପାଣି କାଢ଼ୁଥିବା ବେଳେ ଖସିପଡିଥିଲା । ତାକୁ ବଞ୍ଚାଇବାକୁ ଲୋକମାନେ କୂଅ ଟିକଟରେ ରୁଣ୍ଡ ହୋଇଯାଇଥିଲେ । କିଛି ଲୋକ ଉଦ୍ଧାର କାର୍ଯ୍ୟରେ ଲାଗିଥିଲା ବେଳେ ଆଉ କିଛି କୂଅ ନିକଟରେ ଠିଆ ହୋଇ ତାହା ଦେଖୁଥିଲେ । କିନ୍ତୁ ଭାର ସମ୍ଭାଳି ନପାରି ହଠାତ୍‌ କୂଅ ଦବି ଯାଇଥିଲା । ଫଳରେ ସେଠାରେ ଉଦ୍ଧାର କାର୍ଯ୍ୟ ଚଳାଇଥିବା ଓ ଦେଖୁଥିବା ସବୁ ଲୋକ କୂଅ ଭିତରକୁ ଖସିପଡିଥିଲେ । ଘଟଣା ସମ୍ପର୍କରେ ଖବର ପାଇ ପୁଲିସ ଓ ଅଗ୍ନିଶମ କର୍ମଚାରୀମାନେ ସେଠାରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ । କିନ୍ତୁ ଉଦ୍ଧାର କାର୍ଯ୍ୟ ଚାଲିଥିବା ବେଳେ ସେଠାରେ ନିୟୋଜିତ ଥିବା ଏକ ଟ୍ରାକ୍ଟର ଦବି ଯାଇଥିଲା ଏବଂ ସେଥିରେ ଥିବା ୪ ଜଣ ପୁଲିସ କର୍ମଚାରୀ ମଧ୍ୟ କୂଅ ଭିତରକୁ ଖସି ପଡିଥିଲେ । କୂଅର ଗଭୀର ପ୍ରାୟ ୫୦ ଫୁଟ ହେବ ଏବଂ ସେଥିରେ ୨୦ ଫୁଟ୍‌ ଉଚ୍ଚରେ ପାଣି ରହିଥିଲା । ଏ ସମ୍ପର୍କରେ ଖବର ପାଇ ଉଭୟ ଏନ୍‌ଡିଆରଏଫ ଓ ଏସ୍‌ଡିଆରଏଫ୍‌ ଟିମ୍‌ ସେଠାରେ ପହଞ୍ଚି କୂଆ ଭିତରେ ପଡିଯାଇଥିବା ଲୋକଙ୍କୁ ଉଦ୍ଧାର କରିବାରେ ଲାଗିପଡିଥିଲେ । ସେମାନେ ଜଣ ଜଣ କରି ୧୯ ଜଣଙ୍କୁ ଉଦ୍ଧାର କରିବା ପରେ ସେମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ଏହା ପରେ ଅବଶିଷ୍ଟ ନିଖୋଜ ଲୋକଙ୍କ ତଲାସୀ ଆରମ୍ଭ କରାଯାଇଥିଲା । ତେବେ ଉଦ୍ଧାରକାରୀ ଦଳ ଅକ୍ଳାନ୍ତ ପରିଶ୍ରମ କରିବା ପରେ ଜଣ ଜଣ କରି ୧୧ ଜଣଙ୍କ ମୃତଦେହ କୂଅ ମଧ୍ୟରୁ ବାହାର କରିଥିଲେ ।

ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହାନଙ୍କ ନିର୍ଦ୍ଦେଶରେ ମନ୍ତ୍ରୀ ବିଶ୍ୱାସ ସାରଙ୍ଗ ଗତକାଲି ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ତଦାରଖ କରିଥିଲେ । ମୁଖ୍ୟମନ୍ତ୍ରୀ ଏହି ଦୁର୍ଘଟଣାର ଉଚ୍ଚସ୍ତରୀୟ ତଦନ୍ତ ନିର୍ଦ୍ଦେଶ ଦେଇଛନ୍ତି । ଏଥିସହିତ ସେ ପ୍ରତ୍ୟେକ ମୃତବ୍ୟକ୍ତିଙ୍କ ପରିବାରକୁ ୫ ଲକ୍ଷ ଟଙ୍କାର କ୍ଷତିପୂରଣ ଘୋଷଣା କରିଥିଲେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଧ୍ୟ ଏଘଟଣାରେ ଶୋକବ୍ୟକ୍ତ କରିଛନ୍ତି ।

   Related Posts