Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଳାହାଣ୍ଡି : ମମିତା ମେହେର ହତ୍ୟା ଘଟଣା : ମହାଲିଙ୍ଗ୍ ଷ୍ଟାଡିୟମ୍‌ରେ ଅନୁଧ୍ୟାନ କଲେ ମହିଳା କମିଶନ ଅଧ୍ୟକ୍ଷା
  • ||
  • ଭୁବନେଶ୍ବର : ପୁରୀ ନୀଳାଚଳ ହୋଟେଲ ବିକ୍ରି ପାଇଁ ଚାଲିଥିଲା ଯୋଜନା, ୫୦ଲକ୍ଷ ଟଙ୍କା ହେରଫେର ଅଭିଯୋଗରେ ଜଣେ ଗିରଫ
  • ||
  • ଭୁବନେଶ୍ବର : ଶସ୍ତା ରାଜନୀତି କରୁଛି ବିଜେପି, ମମିତା ମେହେର ପ୍ରସଙ୍ଗକୁ ରାଜନୀତିର ରୂପ ଦିଆଯାଉଛି : ବିଜେଡି
  • ||
  • ଭଦ୍ରକ : ଏକତରଫା ପ୍ରେମ : ନାବାଳିକା ଯାଉଥିବା ବାଇକ୍‌କୁ ଗୋଇଠା ମାରି ଗଡାଇଦେଲେ ଯୁବକ, ଏସ୍‌ପିଙ୍କ ଦ୍ବାରସ୍ଥ ହେଲେ ମା’
  • ||
  • ବାରଙ୍ଗ : ନନ୍ଦନକାନନରେ ବିରଳ ହିମାଳୟ ଅଣ୍ଡିରା ଭାଲୁ ‘ମୋତି’ର ମୃତ୍ୟୁ, ୫କୁ ଖସିଲା ସଂଖ୍ୟା
  • ||
  • ଫୁଲବାଣୀ : କନ୍ଧମାଳକୁ ଛୁଇଁଲା ପହିଲି ଶୀତ, କୁହୁଡି ଚାଦରରେ ଢାଙ୍କି ହେଲାଣି ସହର
  • ||
  • କେନ୍ଦୁଝର : ଶିଶୁ କନ୍ୟାର ଉଲଗ୍ନ ମୃତଦେହ ଉଦ୍ଧାର, ବୁଧବାରଠୁ ଝୁମର ନାଚ ଦେଖିବାକୁ ଯାଇ ନିଖୋଜ ଥିଲେ
  • ||
  • ପାକିସ୍ତାନ ବିପକ୍ଷରେ ଭାରତ ଫେଭରେଟ୍, ବିଜୟ ସମ୍ଭାବନା ଅଧିକ : ଅନୁମାନ ଲଗାଇଲେ ମହମ୍ମଦ ଅମିର
  • ||
  • କଣ୍ଟାବାଞ୍ଜି : ଝରଣୀ ଗାଁରେ ମମିତା ମେହେରଙ୍କ ପରିବାରକୁ ଭେଟିଲେ ରାଜ୍ୟ ମହିଳା ଆୟୋଗ ଅଧ୍ୟକ୍ଷାଙ୍କ ସହ ୪ଜଣିଆ ଟିମ୍
  • ||
  • ପନିପରିବା ଖାଇଦେଉଛନ୍ତି ବାର୍‌ହା, ଚିନ୍ତାରେ ଚାଷୀ
  • ||

ସୋମବାର ଶକ୍ତି ପରୀକ୍ଷା, ରାତିଅଧରେ ରାଜଭବନରୁ କମଲନାଥଙ୍କୁ ଆସିଲା ନିର୍ଦ୍ଦେଶ

15/03/2020 at 7:37 AM

ନୂଆଦିଲ୍ଲୀ ୧୫।୩: ମଧ୍ୟପ୍ରଦେଶ ରାଜ୍ୟପାଳ ଲାଲଜୀ ଟଣ୍ଡନ ବିଧାନସଭାରେ ନିଜର ସଂଖ୍ୟା ଗରିଷ୍ଠତା ପ୍ରମାଣ କରିବାକୁ ମୁଖ୍ୟମନ୍ତ୍ରୀ କମଲ ନାଥଙ୍କୁ ନିର୍ଦ୍ଦେଶ ଦେଇଛନ୍ତି। ଏହାସହ ରାଜ୍ୟରେ ରାଜନୈତିକ ଉସ୍ମତା ପୁଣି ଥରେ ବୃଦ୍ଧି ପାଇଛି । ରାତି ଅଧରେ ରାଜଭବନରୁ ମୁଖ୍ୟମନ୍ତ୍ରୀ ତଥା କଂଗ୍ରେସ ନେତା କମଲନାଥଙ୍କୁ ଏକ ଚିଠି ପଠାଯାଇଛି ।

ରାଜଭବନରୁ ମୁଖ୍ୟମନ୍ତ୍ରୀଙ୍କୁ ଦିଆଯାଇଥିବା ଚିଠି ଅନୁଯାୟୀ ରାଜ୍ୟପାଳ ମୁଖ୍ୟମନ୍ତ୍ରୀଙ୍କୁ କହିଛନ୍ତି ଯେ, ମଧ୍ୟପ୍ରଦେଶରେ ଘଟିଥିବା ଘଟଣାରୁ ତାଙ୍କୁ ଲାଗୁଛି ଯେ ତାଙ୍କ ସରକାର ଗୃହର ଆତ୍ମବିଶ୍ବାସ ହରାଇଛନ୍ତି ଏବଂ ଏହି ସରକାର ବର୍ତ୍ତମାନ ସଂଖ୍ୟାଲଘୁ ସ୍ଥିତିରେ ରହିଛି । ରାଜ୍ୟପାଳ କହିଛନ୍ତି ଯେ, ଏଭଳି ସ୍ଥିତି ଅତ୍ୟନ୍ତ ଗମ୍ଭୀର ଏବଂ ମୁଖ୍ୟମନ୍ତ୍ରୀ କମଲନାଥ ୧୬ ମାର୍ଚ୍ଚରେ ଗୃହରେ ସଂଖ୍ୟାଗରିଷ୍ଠତା ପ୍ରମାଣ କରନ୍ତୁ । ଅନ୍ୟପଟେ ରାଜ୍ୟପାଳଙ୍କ ଏହି ନିଷ୍ପତ୍ତି ବିରୋଧରେ କଂଗ୍ରେସ ସୁପ୍ରିମକୋର୍ଟ ଯାଇପାରେ ବୋଲି ସୂଚନା ମିଳିଛି ।

ଏହି ଚିଠିରେ ରାଜ୍ୟପାଳ ଲାଲଜୀ ଟଣ୍ଡନ ସାଂସଦଙ୍କ ସମ୍ପ୍ରତି ରାଜନୈତିକ ଘଟଣାକ୍ରମ ସମ୍ପୂର୍ଣ୍ଣ ବିବରଣୀ ଦେଇଛନ୍ତି ଏବଂ ମୁଖ୍ୟମନ୍ତ୍ରୀ କମଲନାଥଙ୍କୁ ଗୃହରେ ବିଶ୍ବାସମତ ହାସଲ କରିବାକୁ କହିଛନ୍ତି। ରାଜ୍ୟପାଳ ତାଙ୍କ ଚିଠିରେ ଲେଖିଛନ୍ତି, ‘ମୁଁ ସୂଚନା ପାଇଛି ଯେ ୨୨ ଜଣ ବିଧାୟକ ମଧ୍ୟପ୍ରଦେଶ ବିଧାନସଭା ବାଚସ୍ପତିଙ୍କୁ ନିଜ ନିଜ ଇସ୍ତଫା ପତ୍ର ପ୍ରଦାନ କରିଛନ୍ତି। ସେମାନେ ବୈଦ୍ୟୁତିକ ଏବଂ ପ୍ରିଣ୍ଟ ମିଡିଆକୁ ମଧ୍ୟ ସୂଚନା ଦେଇଛନ୍ତି। ମୁଁ ଏନେଇ ମିଡିଆ କଭରେଜ୍ ମଧ୍ୟ ଦେଖିଛି।’

ରାଜ୍ୟପାଳ କହିଛନ୍ତି ଯେ ସମ୍ବିଧାନର ଧାରା ୧୭୪ ଏବଂ ୧୭୫ (୨) ରେ ଉଲ୍ଲେଖିତ ସାମ୍ବିଧାନିକ କ୍ଷମତା ପ୍ରୟୋଗ କରି ସେ ନିର୍ଦ୍ଦେଶ ଦେଇଛନ୍ତି ଯେ, ମଧ୍ୟପ୍ରଦେଶ ବିଧାନସଭା ଅଧିବେଶନ ୧୬ ମାର୍ଚ୍ଚରେ ତାଙ୍କ ଅଭିଭାଷଣ ସହିତ ଆରମ୍ଭ ହେବ। ରାଜ୍ୟପାଳ ସ୍ପଷ୍ଟ ଭାବେ କହିଛନ୍ତି ଯେ, ତାଙ୍କ ଅଭିଭାଷଣ ପରେ ଗୃହରେ ଏକମାତ୍ର କାର୍ଯ୍ୟ ଆସ୍ତା ଭୋଟ୍ କରାଯିବ।

ରାଜ୍ୟପାଳ ଲାଲଜୀ ଟଣ୍ଡନ ଏହା ମଧ୍ୟ ନିର୍ଦ୍ଦେଶ ଦେଇଛନ୍ତି ଯେ, ଭୋଟ୍ ବଣ୍ଟନ ଉପରେ ଆଧାର କରି ଆସ୍ତା ଭୋଟ୍ ହେବ ଏବଂ ଏ ସମସ୍ତ ପ୍ରକ୍ରିୟାର ରେକର୍ଡିଂ ବିଧାନସଭା ଦ୍ୱାରା ସ୍ବାଧୀନ ବ୍ୟକ୍ତିଙ୍କ ନିକଟରେ କରାଯିବ।

ରାଜ୍ୟପାଳ କହିଛନ୍ତି ଯେ, ଉପରୋକ୍ତ ପ୍ରକ୍ରିୟା କେବଳ ୧୬ ମାର୍ଚ୍ଚ ୨୦୨୦ରେ ଶେଷ ହେବ। ଏହି ଅବଧି ମଧ୍ୟରେ ନା ସ୍ଥଗିତ ହେବ ନା ବିଳମ୍ବ କିମ୍ବା ନା ଏହି ପ୍ରକ୍ରିୟା ରଦ୍ଦ କରାଯିବ ।

ଗତ ଏକ ସପ୍ତାହ ଧରି ରାଜ୍ୟରେ ରାଜନୈତିକ ଦେଖାଦେଇଛି। କଂଗ୍ରେସ ଛାଡି ବିଜେପିରେ ଯୋଗ ଦେଇଥିବା ଜ୍ୟୋତିରାଦିତ୍ୟ ସିନ୍ଧିଆଙ୍କୁ ସମର୍ଥନ କରୁଥିବା ୨୨ ଜଣ ବିଧାୟକ ବେଙ୍ଗାଲୁରୁରେ ଅଛନ୍ତି। ସେମାନଙ୍କ ମଧ୍ୟରେ ୬ ଜଣ ମନ୍ତ୍ରୀ ମଧ୍ୟ ଥିଲେ। ଏହି ସମସ୍ତ ୨୨ ଜଣ ବିଧାୟକ ସେମାନଙ୍କ ଇସ୍ତଫା   ବାଚସ୍ପତିଙ୍କୁ ଦେଇଛନ୍ତି। ଏଥି ମଧ୍ୟରୁ ରାଜ୍ୟରେ ମନ୍ତ୍ରୀ ଥିବା ୬ଜଣ ବିଧାୟକଙ୍କ ଇସ୍ତଫା ବାଚସ୍ପତି ଗ୍ରହଣ କରିଛନ୍ତି। ମଧ୍ୟପ୍ରଦେଶର କଂଗ୍ରେସ ବିଧାୟକ ଏବେ ଜୟପୁରରେ ଅଛନ୍ତି। ସମସ୍ତ ବିଧାୟକ ଆଜି ଜୟପୁରରୁ ଭୋପାଳ ଯିବେ।

   Related Posts