Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୮୯୯ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଆରମ୍ଭ ହେଲା କୋଭିଡ୍ ଟିକାକରଣ, ୧୬୧ କେନ୍ଦ୍ରରେ ଚାଲିଛି ଟିକାଦାନ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୭୮ କୋଭିଡ୍ ସଂକ୍ରମିତ, ୩୩୩୧୨୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ ଖସୁଛି କରୋନା ଗ୍ରାଫ୍, ଗତ ୨୪ଘଣ୍ଟାରେ ୧୫୧୫୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଘାଟିରେ ଦୁର୍ଘଟଣା : ଟ୍ରକକୁ ସାମ୍ନା ପଟୁ ପିଟିଲା ବାଇକ୍‌, ଚାଲିଗଲା ଶଳା-ଭିଣୋଇଙ୍କ ଜୀବନ
  • ||
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||

ମଧ୍ୟ ପ୍ରଦେଶ ବିଧାନସଭାର ୭ ବିଧାୟକ ଓ ୬୧ କର୍ମଚାରୀ କରୋନା ଆକ୍ରାନ୍ତ, ସ୍ଥଗିତ ରହିଲା ଶୀତକାଳୀନ ଅଧିବେଶନ

27/12/2020 at 9:58 PM

ଭୋପାଳ ୨୭/୧୨ : ମଧ୍ୟ ପ୍ରଦେଶରେ ସୋମବାର ବିଧାନସଭାର ଶୀତକାଳୀନ ଅଧିବେଶନ ହେବାର ଥିଲା । କିନ୍ତୁ ଏହାର ଠିକ୍ ପୂର୍ବରୁ ବିଧାନସଭା ଅଧିବେଶନକୁ ସ୍ଥଗିତ ରଖିବା ପାଇଁ ସର୍ବସମ୍ମତି କ୍ରମେ ନିଷ୍ପତ୍ତି ନିଆଯାଇଛି । ରବିବାର ଅନୁଷ୍ଠିତ ହୋଇଥିବା ଜରୁରୀକାଳୀନ ସର୍ବଦଳୀୟ ବୈଠକରେ ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହାନ, ବିରୋଧି ଦଳ ନେତା କମଳନାଥ ଏବଂ ସଂସଦୀୟ କାର୍ଯ୍ୟ ମନ୍ତ୍ରୀ ନରୋତ୍ତମ ମିଶ୍ରା ଉପସ୍ଥିତ ଥିଲେ ।

ସୂଚନା ଅନୁସାରେ କରୋନା ମାହାମାରୀ ସମୟରେ ସୋମବାର ଶୀତକାଳୀନ ଅଧିବେଶନ ଆରମ୍ଭ ହେବାର ଥିଲା । ଏହି ଅଧିବେସନରେ ଲଭ୍ ଜିହାଦକୁ ନେଇ ସ୍ବତନ୍ତ୍ର ବିଲ ‘ଧର୍ମ ସ୍ବାତନ୍ତ୍ର୍ୟ ବିଧେୟକ-୨୦୨୦’ ଆଗତ ହେବାର ଥିଲା । କିନ୍ତୁ ଏହାକୁ ସର୍ବସମ୍ମତି କ୍ରମେ ସ୍ଥଗିତ ରଖାଯାଇଛି । ସର୍ବଦଳୀୟ ବୈଠକ ପରେ ସଂସଦୀୟ ବ୍ୟାପାର ମନ୍ତ୍ରୀ ପରୋତ୍ତମ ମିଶ୍ରା କହିଛନ୍ତି ‘କରୋନା ସଂକ୍ରମଣର ତାଜା ମାମଲାକୁ ଆଖି ଆଗରେ ରଖି ଶୀତକାଳୀନ ଅଧିବେଶନକୁ ବର୍ତ୍ତମାନ ପାଇଁ ସ୍ଥଗିତ ରଖାଯାଇଛି । ତେବେ ଆଗାମୀ କାର୍ଯ୍ୟପନ୍ଥା ଖୁବ ଶୀଘ୍ର ସ୍ଥିର କରାଯିବ’ ।

ବିରୋଧୀ ଦଳ ନେତା କମଳନାଥ ସର୍ବଦଳୀୟ ବୈଠକ ପରେ ସୂଚନା ଦେଇଛନ୍ତି ଯେ, ‘ବିଧାନସଭା ଅଧିବେଶନ ନହୋଇପାରିଲେ ମଧ୍ୟ ଅଧ୍ୟକ୍ଷଙ୍କ କାର୍ଯ୍ୟାଳୟରେ କାର୍ଯ୍ୟକ୍ରମ କରାଯାଉ । ତା ସହିତ ବିଧେୟକଗୁଡିକର ଥିବା ପ୍ରଶ୍ନଗୁଡିକର ଜବାବ ମଧ୍ୟ ଦିଆଯାଉ । ଯାହା ଫଳରେ ବିରୋଧୀଙ୍କ ସ୍ବର ସମସ୍ତଙ୍କ ପାଖରେ ପହଞ୍ଚିବ ଏବଂ ସ୍ବରକୁ ଦବାଇବାକୁ ପ୍ରୟାସ କରାନଯାଉ’।

ସୂଚନା ଅନୁସାରେ ଏହି ଅଧିବେଶନ ୨୮ ଡିସେମ୍ବରରୁ ୩୦ ଡିସେମ୍ବର ଯାଏଁ ଜାରି ରହିଥାନ୍ତା । କିନ୍ତୁ ଅଧିବେଶନ ଆରମ୍ଭ ହେବା ପୂର୍ବରୁ ହିଁ ବିଧାନସଭାର ୭ଜଣ ବିଧାୟକ କରୋନାରେ ଆକ୍ରାନ୍ତ ହୋଇଥିବା ସୂଚନା ମିଳିଛି । ଏହା ସହ ବିଧାନସଭାର ୬୧ ଜଣ କର୍ମଜାରୀ ମଧ୍ୟ ଆକ୍ରାନ୍ତ ହୋଇଛନ୍ତି । ସେଥିପାଇଁ ସର୍ବସମ୍ମତିକ୍ରମେ ବିଧାନସଭା ଅଧିବେଶନକୁ ସ୍ଥଗିତ ରଖିବା ପାଇଁ ନିଷ୍ପତ୍ତି ନିଆଯାଇଛି ।   

   Related Posts