କଟକ୧୭|୬: କେନ୍ଦ୍ରାପଡା ସାଂସଦ ଅନୁଭବ ମହାନ୍ତି ଓ ତାଙ୍କ ଭାଇଙ୍କ ନାଁରେ ହୋଇଥିବା ଅଭିଯୋଗ ଘଟଣା ନୂଆ ମୋଡ ନେଇଛି । ପ୍ରଥମେ ମହିଳା ଏତଲା ଦେବା ପରେ ଏବେ ନିଜକୁ ବଞ୍ଚାଇବାକୁ ଯାଇ ଅନୁଭବ ମଧ୍ୟ ପାଲଟା ଏତଲା ଦେଇଛନ୍ତି । ପୁରୀଘାଟ ଥାନାରେ ଦୁଇଟି ମାମଲା ରୁଜୁ କରି ତଦନ୍ତ କରିବା ବଦଳରେ ହାତ ବାନ୍ଧି ବସିଛି ପୋଲିସ ।
କେନ୍ଦ୍ରାପଡା ସାଂସଦ ଓ ତାଙ୍କ ଭାଇଙ୍କ ବିରୋଧରେ ଆସିଥିବା ଦୁର୍ବ୍ୟବହାର ଅଭିଯୋଗ ଘଟଣା ନୂଆ ମୋଡ ନେଇଛି । ଦୁର୍ବ୍ୟବହାର ନେଇ ଝାଞ୍ଜିରମଙ୍ଗଳା ଅଞ୍ଚଳର ଜଣେ ମହିଳା ପୁରୀଘାଟ ଥାନାରେ ଅନୁଭବ ଓ ତାଙ୍କ ଭାଇଙ୍କ ନାଁରେ ଏତଲା ଦେଇଥିଲେ । ଏତଲା ଅନୁଯାୟୀ ଦୁର୍ବ୍ୟବହାର, ଅଶ୍ଳୀଳ ଭାଷାରେ ଗାଳି ଗୁଲଜ, ଧକ୍କା ମାରିବା ସହ ସମ୍ମାନ ହାନୀ ଭଳି ମାମଲା ରୁଜ ହୋଇଛି । ଅନୁଭବ ମଧ୍ୟ ପାଲଟା ଏତଲା ଦେଇଛନ୍ତି । ତେବେ ଅନୁଭବ ଓ ତାଙ୍କ ଭାଇ ନିଜକୁ ବଞ୍ଚାଇବା ପାଇଁ କାଉଣ୍ଟର ଏତଲା ଦେଇଥିବା ଚର୍ଚ୍ଚା ହେଉଛି ।
ସେପଟେ ପୋଲିସ ଉଭୟ ପକ୍ଷରୁ ମାମଲା ରୁଜୁ କରି ହାତବାନ୍ଧି ବସିଛି । ଉଭୟ ଘଟଣାରେ ପୋଲିସ ନା କରୁଛି ପଚରା ଉଚରା ନା ଆରମ୍ଭ କରିଛି ତଦନ୍ତ । ଯାହାକୁ ନେଇ ସନ୍ଦେହ ଘେରରେ ପୋଲିସର ଭୂମିକା । ପ୍ରଶ୍ନ ଉଠୁଛି ପୋଲିସ ଅନୁଭବଙ୍କୁ ବଞ୍ଚାଇବାକୁ ଚେଷ୍ଟା କରୁଛି ନା ମହିଳାଙ୍କ ଅଭିଯୋଗକୁ ଗୁରୁତର ସହ ନେଉନି ।