Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ ଗିରଫ
  • ||
  • ମିର୍ଜାପୁରରେ କଂଗ୍ରେସ ନେତା ଦିଗ୍‌ବିଜୟ ସିଂହଙ୍କ ବଡ଼ ବୟାନ, କହିଲେ- ପାକିସ୍ତାନ ଯିବାକୁ ଚାହୁଁଛି
  • ||
  • ରାଜନୀତିରେ ପ୍ରବେଶ କଲେ ସୁପରଷ୍ଟାର୍ ରଜନୀକାନ୍ତ
  • ||
  • ବଢିଲା LPG ସିଲିଣ୍ଡର ଦର ଏବେ ବିନା ସବସିଡି ଉପଭୋକ୍ତାଙ୍କୁ ଦେବାକୁ ପଡିବ ଅଧିକ ୫୦ଟଙ୍କା
  • ||
  • ସାଲେପୁର : ଆମ୍ବୁଲାନ୍ସକୁ ପିଟିଲା କାର୍, ଡ୍ରାଇଭର ଆହତ
  • ||
  • କଟକ : ସି-ସୋର ଘାଟରୁ ଅଜଣା ମୃତଦେହ ଉଦ୍ଧାର, ଭାସି ଆସିଥିବା ସନ୍ଦେହ
  • ||
  • ଚଣ୍ଡିଗଡ : ପଦ୍ମ ବିଭୂଷଣ ଫେରାଇଲେ ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ ପ୍ରକାଶ ସିଂହ ବାଦଲ
  • ||
  • ନୂଆଦିଲ୍ଲୀ : ଅନଲାଇନ୍‌ରେ ହେବନାହିଁ CBSE ବୋର୍ଡ ପରୀକ୍ଷା, ପୂର୍ବଭଳି ପରୀକ୍ଷା ଦେବେ ଛାତ୍ରଛାତ୍ରୀ
  • ||
  • ଝାରସୁଗୁଡା : ବାପା ନା’ ରାକ୍ଷସ, ନିଶାଶକ୍ତ ଅବସ୍ଥାରେ ୧୧ ବର୍ଷର ଝିଅ ସହ କଲା ଦୁଷ୍କର୍ମ !
  • ||
  • କନ୍ଧମାଳ : ହଜିଗଲା ମା’ର ମମତା, ୪ ବର୍ଷ ଝିଅର ଗାଲ କାଟିଦେଲା ସାବତ ମା’ !
  • ||

ମାତ୍ର ୩୦ସେକେଣ୍ଡରେ ପାଟି ଭିତରେ କରୋନା ଭାଇରସ୍‌କୁ ନାଶ କରିବ ମାଉଥ୍ ଓ୍ବାଶ୍ : ଗବେଷଣା

18/11/2020 at 12:05 PM

ଓ୍ବାଶିଂଟନ୍ ୧୮।୧୧: ସାଧାରଣ ମାଉଥ୍ ଓ୍ବାଶ୍ ମାତ୍ର ୩୦ ସେକେଣ୍ଡରେ କରୋନା ଭାଇରସ୍ କୁ ନାଶ କରିପାରିବ । କାର୍ଡିଫ ୟୁନିଭରସିଟିର ଅନୁସନ୍ଧାନକାରୀଙ୍କ ଗବେଷଣା ଅନୁସାରେ କିଛି ମାଉଥ୍ ଓ୍ବାଶ୍ ରେ ଏକ ସ୍ବତନ୍ତ୍ର ଉପାଦାନ ରହିଛି ଯାହା ଭାଇରସ୍ ସହ ଲଢିବାର କ୍ଷମତା ରଖୁଥିବା ନେଇ ପ୍ରମାଣିତ ହୋଇଛି । ୟୁନିଭରସିଟିର ପ୍ରଫେସର ଡେଭିଡ୍ ଥମାସଙ୍କ ନେତୃତ୍ବରେ ଏହି ଅନୁସନ୍ଧାନ ଚାଲିଥିବା ଜଣାପଡିଛି । ଅନୁସନ୍ଧାନର ତଥ୍ୟ ଅନୁସାରେ, ସେଟିପାଇରିଡିନିୟମ୍ କ୍ଲୋରାଇଡ୍ ଯେଉଁ ମାଉଥ୍ ଓ୍ବାଶ୍ ରେ ରହିଛି ତାହା କରୋନା ଭାଇରସ୍ ସହ ଲଢିପାରିବ ।

ପ୍ରାୟ ୧୨ ସପ୍ତାହ ଧରି ଚାଲିଥିବା ଟ୍ରାଏଲ ରିପୋର୍ଟର ଏବେ ପିୟର ରିଭ୍ୟୁ କରିବା ବାକି ରହିଛି । ମାତ୍ର ଏହାର ଏକ ସପ୍ତାହ ପୂର୍ବରୁ କରାଯାଇଥିବା ଏକ ଗବେଷଣାରୁ ଜଣାପଡିଥିଲା ଯେ, ସେଟିପାଇରିଡିନିୟମ୍ କ୍ଲୋରାଇଡ୍ ଆଧାରିତ ମାଉଥ୍ ଓ୍ବାଶ୍ ଦ୍ବାରା କରୋନା ଭାଇରସ୍ ସଂକ୍ରମଣ କମ୍ ହୋଇଥାଏ । ଏଭଳି ପ୍ରାରମ୍ଭିକ ଫଳାଫଳ ପରେ କ୍ଲିନିକାଲ ଟ୍ରାଏଲ କରାଯିବ । ଯେଉଁଥିରେ ଏହା ଦେଖାଯିବ ଯେ, ବଜାରରେ ମିଳୁଥିବା ସାଧାରଣ ମାଉଥ୍ ଓ୍ବାଶ୍ ରେ ମଧ୍ୟ ଲାଳ ଭିତରେ ଥିବା ଭାଇରସ୍ କୁ ନାଶ କରିବାର କ୍ଷମତା ଅଛି କିମ୍ବା ନାହିଁ ।

ଡ. ଥମାସ କହିଛନ୍ତି ଯେ, ଲ୍ୟାବ୍ ରେ ମାଉଥ୍ ଓ୍ବାଶ୍ ଭାଇରସ୍ କୁ ନାଶ କରିଦେଉଛି । ମାତ୍ର ଆମକୁ ଏହା ଦେଖିବାକୁ ପଡିବ ଯେ, ଏହା ରୋଗୀଙ୍କଠାରେ କାମ କରୁଛି କି ନାହିଁ । ସେ କହିଛନ୍ତି ଯେ, ଗବେଷଣାରେ ପ୍ରସାରଣ ସହ ଜଡିତ ପ୍ରଶ୍ନର ଉତ୍ତର ମିଳିବ ନାହିଁ ମାତ୍ର ଏହା ଦେଖାଯିବ କି ଏହାର ପ୍ରଭାବ କେତେ ସମୟ ପର୍ଯ୍ୟନ୍ତ ରହିବ ।

SARS-CoV-2 ର ବାହ୍ୟ ପୃଷ୍ଠ ଲିପିଡ୍ ମେମ୍ବ୍ରେନ୍ ହୋଇଥାଏ । ମାଉଥ୍ ଓ୍ବାଶ୍ ରେ ଥିବା ଏଥାନଲ ଅନ୍ୟ ଭାଇରସ୍ ରେ ଏହି ପୃଷ୍ଠକୁ ଭାଙ୍ଗି ଦେଇଥାଏ । ଏହା ପୂର୍ବରୁ SARS ଏବଂ MERS ବିରୋଧରେ ଆୟୋଡିନଯୁକ୍ତ ମାଉଥ୍ ଓ୍ବାଶ୍ ଲାଭପ୍ରଦ ହେଉଥିବା ଦେଖାଯାଇଛି । ଅନୁସନ୍ଧାନକାରୀ କହିଛନ୍ତି ଏହି ଦିଗରେ ଆହୁରି ଅନେକ କ୍ଲିନିକାଲ ଟ୍ରାଏଲର ଆବଶ୍ୟକତା ରହିଛି । ଏହାର ପରିଣାମ ଆଗାମୀ ବର୍ଷ ଆସିପାରେ ।

   Related Posts