ଟେଲିଭିଜନ୍ ଦୁନିଆରେ ରାଜୁତି କରିବା ପରେ ଅଭିନେତ୍ରୀ ମୌନି ରୟ ବଲିଉଡ୍ ପାଇଁ ପୁରା ତୟାର । ଅଗଷ୍ଟ ୧୫ରେ ରିଲିଜ୍ ହେବ ମୌନିଙ୍କ ପ୍ରଥମ ବଲିଉଡ୍ ଫିଲ୍ମ “ଗୋଲ୍ଡ” । ଫିଲ୍ମରେ ମୌନିଙ୍କ ବିପକ୍ଷରେ ଅଛନ୍ତି ବଲିଉଡ୍ ଖିଲାଡି ଷ୍ଟାର୍ ଅକ୍ଷୟ କୁମାର । ପ୍ରଥମ ଫିଲ୍ମ ରିଲିଜ୍ ନହେଉଣୁ ମୌନିଙ୍କ ହାତରେ ଅଛି ଆଉ ଦୁଇଟି ଫିଲ୍ମର ଅଫର । ଗୋଲ୍ଡ ପରେ, ହିନ୍ଦି ଫିଲ୍ମ ମେଡ୍ ଅନ୍ ଚାଇନା ଓ ବ୍ରହ୍ମାସ୍ତ୍ରରେ ମୌନି ବଡପରଦାରେ ନଜର ଆସିବେ । “ମେଡ୍ ଅନ୍ ଚାଇନା”ରେ ସେ ଯେଉଁଠି ରାଜକୁମାର ରାଓଙ୍କ ସହିତ ସ୍କ୍ରିନ୍ ସେୟାର୍ କରିବେ, ସେଇଠି ରଣବିର୍ କପୁର ଓ ଆଲିୟା ଭଟ୍ଟଙ୍କ ଫିଲ୍ମ “ବ୍ରହ୍ମାସ୍ତ୍ର”ରେ ମୌନି ଏକ ଗୁରୁତ୍ବପୂର୍ଣ୍ଣ ଭୂମିକାରେ ଦେଖାଦେବେ । ତେବେ ମୌନିଙ୍କ ଫିଲ୍ମ ଲିଷ୍ଟ ଦେଖି ଏହା କହିବା ଭୁଲ୍ ହେବନି ଯେ, ଛୋଟପରଦା ଭଳି ବଡପରଦାରେ ମଧ୍ୟ ସେ ନିଶ୍ଚୟ କମାଲ୍ ଦେଖାଇବେ ।