କଟକ୨୨/୫: ଲକ୍‌ଡାଉନ୍‌ରେ ହାତ ବାନ୍ଧି ବସିଛନ୍ତି ବସ ମାଲିକ। କେବଳ ବସ୍‌ ମାଲିକ କ୍ଷତି ସହି ନାହାନ୍ତି, ତା ସହ ଡ୍ରାଇଭର, କଣ୍ଡକ୍ଟର ଏବଂ ହେଲପର ସମସ୍ତେ ଜୀବିକା ହରାଇଛନ୍ତି। ମାର୍ଚ୍ଚ ୨୨ ରୁ ଲକ୍‌ଡାଉନ ଘୋଷଣା ହୋଇଥିଲା । ସେବେଠୁ ବସ କର୍ମଚାରୀ ମାନେ ରୋଜଗାର ହରାଇଛନ୍ତି।

କଟକ ମୋଟର କର୍ମଚାରୀ ସଙ୍ଘର କହିବା ଅନୁସାରେ ଲକଡାଉନ୍ ଯୋଗୁଁ ପ୍ରାୟ ୪୫ହଜାର ଡ୍ରାଇଭର, କଣ୍ଡକ୍ଟର ଓ ହେଲପର ବେରୋଜଗାର ହୋଇ ପଡିଛନ୍ତି। ଏପରି ସ୍ଥିତିରେ ଏମାନଙ୍କ ପାଇଁ ସ୍ବତନ୍ତ୍ର ପ୍ୟାକେଜ୍ ଦାବି କରି ଶନିବାର କଟକ ପାଲାମଣ୍ଡପ ନିକଟରେ କଟକ ମୋଟର କର୍ମଚାରୀ ସଙ୍ଘ ବିକ୍ଷୋଭ ପ୍ରଦର୍ଶନ କରିଛି।