Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ବହୁ ଚର୍ଚ୍ଚିତ ଅଞ୍ଜନା ମିଶ୍ର ଗଣଦୁଷ୍କର୍ମ ମାମଲା, ବୁଧବାର ମୁଖ୍ଯ ଅଭିଯୁକ୍ତ ବିବନର ହେବ ଟିଆଇ ପରେଡ
  • ||
  • ଭୁବନେଶ୍ବର : ବହୁ ଚର୍ଚ୍ଚିତ ଅଞ୍ଜନା ମିଶ୍ର ଗଣଦୁଷ୍କର୍ମ ମାମଲା, ମୁଖ୍ଯ ଅଭିଯୁକ୍ତ ବିବନକୁ ୨ ଦିନିଆ ରିମାଣ୍ଡରେ ନେବ ସିବିଆଇ
  • ||
  • ଆଠଗଡ : ଟାୟାର ଫାଟି ଓଲଟିଲା ଟ୍ରକ୍, ଡ୍ରାଇଭର ଆହତ
  • ||
  • ବାଲେଶ୍ବର : ସୋସିଆଲ୍ ମିଡିଆରେ ସ୍ତ୍ରୀର ଉଲଗ୍ନ ଫଟୋ : ସ୍ବାମୀକୁ ଗିରଫ କରି ଦଫା ଲଗାଇଛି ପୋଲିସ, ଅଭିଯୁକ୍ତ କହୁଛି- ମୁଁ ଅପଲୋଡ୍ କରିନି
  • ||
  • ନୂଆପଡା : ୫ ଡକାୟତ ଗିରଫ, ଲୁଟ୍ ହୋଇଥିବା ଟଙ୍କା ସହ ଅଳଙ୍କାର ଜବତ
  • ||
  • ଭୁବନେଶ୍ବର : ୧୦ ବରିଷ୍ଠ ଅଧିକାରୀଙ୍କୁ ୧୦ ଜିଲ୍ଲା ଦାୟିତ୍ବ
  • ||
  • ଭୁବନେଶ୍ବର : ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୧୭ ଛୁଇଁଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ଆଉ ୭୪ କୋଭିଡ୍ ପଜିଟିଭ୍, ୩୩୭୩୫୧ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭୁବନେଶ୍ବର : ଭିସୁଟ୍‌ ଛାତ୍ରଛାତ୍ରୀ କରୋନା ପଜିଟିଭ୍ ରିପୋର୍ଟ ଥିଲା ଭୁଲ୍, ଆଣ୍ଟିଜେନ୍ କିଟ୍ ଖରାପରୁ ୨୫ଜଣଙ୍କର ରିପୋର୍ଟ ଆସିଥିଲା ପଜିଟିଭ୍
  • ||
  • କୋରାପୁଟ : ଜବତ ହେଲା ୭ କୋଟି ୯୦ ଲକ୍ଷ ଟଙ୍କାର ଜାଲ ନୋଟ୍, ୩ ଅଟକ
  • ||

ହୃଦୟ ବିଦାରକ: ୫ ଲିଟରିଆ ଗ୍ୟାସ୍ ସିଲିଣ୍ଡର୍ ବିସ୍ଫୋରଣରେ ପ୍ରାଣ ହରାଇଛନ୍ତି ୪୦ ବର୍ଷୀୟ ଚମ୍ପା ମେହେର୍, ୫ ବର୍ଷର ପୁଅ ଅମିତ୍ ଏବଂ ୪ ବର୍ଷର ଝିଅ ସୁନୀତା, ଦାୟୀ କିଏ?

14/11/2018 at 9:05 PM

ଭବାନୀପାଟଣା ୧୪|୧୧: ଗ୍ୟାସ୍ ସିଲିଣ୍ଡର୍ ବ୍ଲାଷ୍ଟ୍ । ତାହା ପୁଣି ୫ ଲିଟରିଆ । କଳାହାଣ୍ଡି ଧର୍ମଗଡ଼ ଥାନା ଅନ୍ତର୍ଗତ ଥନଟ ଗାଁରେ ହୋଇଛି ଭୟଙ୍କର ବିସ୍ଫୋରଣ । ୫ ଲିଟରିଆ ଗ୍ୟାସ୍ ସିଲିଣ୍ଡର୍ ବିସ୍ଫୋରଣରେ ପୂରା ଘର ଜଳିପୋଡ଼ି ଛାରଖାର୍ ହୋଇ ଯାଇଥିବା ବେଳେ ଯାଇଛି ମାଆ ଓ ଦୁଇ ଛୁଆଙ୍କ ଜୀବନ ।ଘଟଣାସ୍ଥଳ ନିହାତି ହୃଦୟ ବିଦାରକ ହୋଇଥିବା ବେଳେ ୫ଲିଟରିଆ ଗ୍ୟାସ୍ ସିଲିଣ୍ଡରରେ ରୋଷେଇ କରିବା କେତେ ସୁରକ୍ଷିତ ତାକୁ ନେଇ ଉଠିଛି ପ୍ରଶ୍ନ ।

ଜଳିପୋଡ଼ି ଘର ପୂରା ଛାରଖାର୍ । ଖପର୍ ଉଡ଼ି ଯାଇଛି, ପୁଣି ସବୁ ପୋଡ଼ି ଅଙ୍ଗାର ହୋଇଯାଇଛି । ଆଉ ତା ଭିତରେ ଉପରକୁ ଦିଶୁଛି ଦୁଇଟି ଗୋଡ଼ । କଳାହାଣ୍ଡି ଧର୍ମଗଡ଼ ଥାନା ଅନ୍ତର୍ଗତ ଥନଟ ଗାଁ ମେହେର୍ ସାହିରେ ଘଟିଛି ଏଭଳି ଅଘଟଣ । ୫ ଲିଟରିଆ ଗ୍ୟାସ୍ ସିଲିଣ୍ଡର୍ ବିସ୍ଫୋରଣରେ ପ୍ରାଣ ହରାଇଛନ୍ତି ୪୦ ବର୍ଷୀୟ ଚମ୍ପା ମେହେର୍, ତାଙ୍କ ୫ ବର୍ଷର ପୁଅ ଅମିତ୍ ଏବଂ ୪ ବର୍ଷର ଝିଅ ସୁନୀତା । ଚମ୍ପାଙ୍କ ସ୍ବାମୀ, ଅଜିତ ବଜାରକୁ ବ୍ୟବସାୟ କରିବାକୁ ଯାଇଥିଲେ, ଆଉ ୧୨ ବର୍ଷୀୟ ବଡ଼ ଝିଅ କୁନୀତା ଗାଧୋଇ ଯାଇଥିବାରୁ ବଞ୍ଚି ଯାଇଛନ୍ତି ।

ସମୟ ପୂର୍ବାହ୍ନ ପ୍ରାୟ ୧୦ଟା ୪୫ । ଅଜିତ ମେହରଙ୍କ ଘରେ ହେଲା ହଠାତ୍ ଭୟଙ୍କର ବିସ୍ଫୋରଣ । ଆଉ ତା ପରେ ହୁତୁ ହୁତୁ ହୋଇ ଜଳିଲା ପୂରା ଘର । ସାହି ପଡ଼ିଶା ଧାଇଁ ଆସିଲା ବେଳକୁ ପରିସ୍ଥିତି ଅଣାୟତ ହୋଇ ଯାଇଥିଲା । ପାଇପରେ ପାଣି ଢାଳି ନିଆଁ ଲିଭାଇଲେ, ଆଉ ଘର ଭିତରେ ପଶିଲା ବେଳକୁ ମିଳିଲା ମା, ଛୁଆ ୩ ଜଣଙ୍କ ମୃତଦେହ । ଅଣସ୍ବୀକୃତିପ୍ରାପ୍ତ ୫ ଲିଟିରିଆ ସିଲିଣ୍ଡରରେ ଅସାବଧନତା କାରଣରୁ ଏଭଳି ଅଘଟଣ ଘଟିଥିବା ସନ୍ଦେହ କରାଯାଉଛି ।

ସଚେତନତାର ଅଭାବ ହିଁ ଏଭଳି ଅଘଟଣର ମୂଳ କାରଣ । ଆଉ ଏ ହେଉଛି ତାର ପ୍ରମାଣ । ଦେଖନ୍ତୁ … ଏଠି କେମିତି ଗଦା ହୋଇଛି ୫ ଲିଟିରିଆ ଗ୍ୟାସ୍ ସିଲିଣ୍ଡର୍ ।ଏସବୁ ସ୍ବୀକୃତିପ୍ରାପ୍ତ ନା ଅଣ ସ୍ବୀକୃତିପ୍ରାପ୍ତ ? ହଁ, ଗ୍ୟାସ୍ କଂପାନିଙ୍କ ଠାରୁ କିଣିଲେ ଆପଣ ସ୍ବୀକୃତିପ୍ରାପ୍ତ ଏବଂ ଗୁଣାତ୍ମକ ସିଲିଣ୍ଡର୍ ପାଇପାରିବେ । କିନ୍ତୁ ବାହାରେ ଅଧା ଦାମରେ ବି ମିଳୁଛି ଏମିତିଆ ସିଲିଣ୍ଡର୍ । ଯେଉଁଥି ପାଇଁ ଏଭଳି ଅଘଟଣମାନ ଘଟୁଛି । ଆଉ ପରୋକ୍ଷରେ ପ୍ରଶାସନ ଉପରକୁ ଉଠୁଛି ଅଙ୍ଗୁଳି ।

ଶସ୍ତାରୁ ହିନସ୍ତା ଏବଂ ଅସାବଧନତାରୁ ଅଘଟଣ । ଧର୍ମଗଡ଼ ଥନଟ ଗାଁରୁ ଏହି ଅଘଟଣକୁ ଦେଖିଲେ ଗ୍ୟାସକୁ ଡର ଲାଗୁଛି ସତ, ହେଲେ କାହିଁକି ଆମେ ସଚେତନ ହେଉନେ, ସେନେଇ ସୃଷ୍ଟି ହେଉଛି ପ୍ରଶ୍ନବାଚୀ ।

   Related Posts