Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୬୧୭ କରୋନା ସଂକ୍ରମିତ ଚିହ୍ନଟ
  • ||
  • ରାଉରକେଲା : ଡ୍ରାଇଭରଙ୍କ ନାଁରେ ୨୮ କୋଟି ଟଙ୍କାର GST ଠକେଇ ଅଭିଯୋଗ
  • ||
  • ଗଞ୍ଜାମ : ବୋମା ଭିଡୁଥିବା ବେଳେ ବିସ୍ଫୋରଣ, ଜଣେ ମୃତ, ଦୁଇ ଗୁରୁତର
  • ||
  • ବୋମା ଭିଡୁଥିବା ବେଳେ ବିସ୍ଫୋରଣ : ଜଣେ ମୃତ, ଦୁଇ ଗୁରୁତର
  • ||
  • ଦେଶର ପ୍ରତ୍ୟେକ ନାଗରିକଙ୍କୁ ମିଳିବ କରୋନା ଟିକା : ପ୍ରଧାନମନ୍ତ୍ରୀ
  • ||
  • ଡକାୟତି ଯୋଜନା ପଣ୍ଡ, ୪ ଡକାୟତଙ୍କୁ ବାନ୍ଧିଲା ପୋଲିସ
  • ||
  • ଅବସରପ୍ରାପ୍ତ ଡିଜିପି ମିଲନ ମହାନ୍ତିଙ୍କ ପରଲୋକ
  • ||
  • ରାଜ୍ୟରେ ବଢୁଛି ଶୀତର ପ୍ରକୋପ, କନ୍ଧମାଳରେ ୧୫ଡିଗ୍ରୀ ତଳକୁ ଖସିଲା ପାରଦ
  • ||
  • ଅନୁଗୋଳରେ ବିଷାକ୍ତ ମଦ ପିଇ ୪ ଜଣଙ୍କ ମୃତ୍ୟୁ ଘଟଣାରେ ୪ ଅଭିଯୁକ୍ତଙ୍କୁ ଗିରଫ କଲା ପୋଲିସ
  • ||

ମା’ କହୁଛି ଝିଅର ମୃତ୍ୟୁ କାହାଣୀ – କେମିତି ଦୁର୍ବୃତ୍ତ ମାନେ କରି ଝିଅକୁ ହତ୍ୟାକଲେ ! ନବରଙ୍ଗପୁର ନାବାଳିକା ଗଣଦୁଷ୍କର୍ମ ଓ ହତ୍ୟା ମାମଲାରେ ଅଭିଯୁକ୍ତକୁ ଗିରଫ ଦାବିରେ ତେଜିଛି ଆନ୍ଦୋଳନ

15/12/2019 at 5:46 PM

ନବରଙ୍ଗପୁର ୧୫।୧୨ – ନବରଙ୍ଗପୁର ଗଣଦୁଷ୍କର୍ମ ଓ ହତ୍ୟା ମାମଲାରେ ଅଭିଯୁକ୍ତକୁ ଗିରଫ ଦାବିରେ ତେଜିଛି ଆନ୍ଦୋଳନ । ଉତ୍ୟକ୍ତ ଲୋକେ କୋଟପାଡ଼-ଜଗଦଳପୁର ରାସ୍ତା ଅବରୋଧ କରିଛନ୍ତି । କୋଟପାଡ଼ ଥାନା ଘେରାଉ କରିଛନ୍ତି ସ୍ଥାନୀୟ ଲୋକେ । ପୀଡ଼ିତାଙ୍କ ଶେଷକୃତ୍ୟ ସଂପନ୍ନ ହୋଇଛି । ନବରଙ୍ଗପୁର ପୋଲିସ ୨ ଜଣଙ୍କୁ ଅଟକ ରଖି ପଚାରଉଚରା କରୁଛି । ତେବେ ସବୁଠୁ ଆଶ୍ଚର୍ଯ୍ୟଜନକ ଘଟଣାକ୍ରମରେ ପୀଡ଼ିତାଙ୍କ ମା’ଙ୍କ ଠାରେ କାଳିସୀ ସବାର୍‌ ହୋଇ ତାଙ୍କ ଝିଅକୁ କେଉଁ ପରିସ୍ଥିତିରେ ହତ୍ୟା କରାଯାଇଛି ସେ କହିବାକୁ ନେଇ ଚର୍ଚ୍ଚା ଜୋର ଧରିଛି ।…

ମା’ କହୁଛି ଝିଅର ମୃତ୍ୟୁ କାହାଣୀ ।କେମିତି ଦୁର୍ବୃତ୍ତ ମାନେ ତାଙ୍କ ଝିଅକୁ ହତ୍ୟାକଲେ । ଅସ୍ପଷ୍ଟ କଣ୍ଠରେ ସେ ଏସବୁ ବଖାଣୁଛନ୍ତି । ଗାଁ ଲୋକଙ୍କ କହିବା କଥା ମା’ଠାରେ ଝିଅର ପ୍ରେତାତ୍ମା ସବାର ହୋଇଛି । ଆଉ ଏହି ପ୍ରେତାତ୍ମା ହିଁ କହୁଛି କେଉଁଭଳି ଢଙ୍ଗରେ ତାଙ୍କୁ ହତ୍ୟା କରାଗଲା ।  ଦୁଷ୍କର୍ମ ଓ ହତ୍ୟା ଘଟଣାରେ ୩ ଜଣ ସଂପୃକ୍ତ । ଝିଅକୁ ଦୁଷ୍କର୍ମ ପରେ ବେକରେ ଗାମୁଛା ବାନ୍ଧି ଦେଲେ, ପାଟିରେ କପଡ଼ା ବାନ୍ଧି ଦେଲେ । ଛାତିକୁ ଜୋରରେ ମାରିବାରୁ ଝିଅଟିର ମୃତ୍ୟୁ ଘଟିଥିଲା । ଦୁଷ୍କର୍ମକାରୀ ମାନେ କୋରାପୁଟ ଜିଲ୍ଲାର କୁହୁଡ଼ି ଗାଁର । ଏସବୁ ସ୍ଥାନୀୟ ଅଞ୍ଚଳବାସୀଙ୍କୁ ଚକିତ କରିଛି। ପୋଲିସ ତଦନ୍ତ କରିବା ସହିତ ପୋଷ୍ଟମର୍ଟମ ରିପୋର୍ଟରୁ ହିଁ ସବୁ ସ୍ପଷ୍ଟ ହୋଇପାରିବ ।

ଉପଜିଲ୍ଲାପାଳଙ୍କ କାନ୍ଧରେ ଦୁଷ୍କର୍ମ ପୀଡ଼ିତାଙ୍କ ମୃତଦେହ। ସାଙ୍ଗରେ ଅଛନ୍ତି ତହସିଲଦାର  ଓ ସମାଜସେବୀ, ଗାଁଲୋକେ। ଗତକାଲି ପୀଡ଼ିତାଙ୍କ ମୃତ୍ୟୁ ହେବା ପରେ ପୋଷ୍ଟମର୍ଟମ ହୋଇଥିଲା। ଆଉ ଆଜି ପୀଡ଼ିତାଙ୍କ ମୃତଦେହ କୋଷମାଗୁଡ଼ା ଗାଁକୁ ଅଣାଯାଇଥିଲା। ଖ୍ରିଷ୍ଟିୟାନ ରୀତିନୀତିରେ ତାଙ୍କୁ ଗାଁ ମୁଣ୍ଡ ଶ୍ମଶାନରେ ଅନ୍ତିମ ବିଦାୟ ଦିଆଯାଇଥିଲା । ପୀଡ଼ିତାଙ୍କ ପରିବାରକୁ ସହାୟତା ଦେବା ଲାଗି ଉପଜିଲ୍ଲାପାଳ ପ୍ରତିଶ୍ରୁତି ଦେଇଛନ୍ତି।

ହେଉଛି କୋରାପୁଟ କୋଟପାଡ଼ର କୁହୁଡ଼ି ଗାଁ। ଏଠାରେ ପୋଲିସ ଟିମ୍‌ ସନ୍ଧାନୀ କୁକୁର ଧରି ତଦନ୍ତ କରୁଛି। ପୋଲିସ ଏହି ଗାଁରୁ ୨ ଜଣ ଯୁବକଙ୍କୁ  ଅଟକ ରଖିଛି। ଆଉ ଦୁଷ୍କର୍ମ ଅଭିଯୋଗର ତଦନ୍ତ ପାଇଁ କାହିଁକି ଗାଁକୁ ପୋଲିସ ବାରମ୍ବାର ଆସୁଛି ବୋଲି ପ୍ରତିବାଦ କରିଥିଲେ ଲୋକେ। ଏପରିକି ଉତ୍ୟକ୍ତ ଲୋକେ   କୋଟପାଡ଼-ଜଗଦଲପୁର ଏନଏଚ ୬୩ ଅବରୋଧ କରିଥିଲେ । ସେମାନଙ୍କର ଦାବି ହତ୍ୟାକାରୀକୁ ପୋଲିସ ଦଣ୍ଡ ଦେଉ କିନ୍ତୁ ତାଙ୍କ ଗାଁର ଦୁଇ ଯୁବକଙ୍କୁ ଖଲାସ କରାଯାଉ।

ଶୁକ୍ରବାର ସଂଧ୍ୟାରୁ ନାବାଳିକା ଜଣକ ନିଖୋଜ ହୋଇଯାଇଥିଲେ । ଘର ଲୋକ ସାରାରାତି ଖୋଜାଖୋଜି କରିଥିଲେ ମଧ୍ୟ ତାଙ୍କର କୌଣସି ସନ୍ଧାନ ମିଳିନଥିଲା । ଶନିବାର ବିଲରୁ ନାବାଳିକାଙ୍କ ମୃତଦେହ ଉଦ୍ଧାର ହୋଇଥିଲା । ସାରା ଦେଶରେ ଦୁଷ୍କର୍ମ ଓ ହତ୍ୟା ଭଳି ଜଘନ୍ୟ ଘଟଣାକୁ ନେଇ ତୀବ୍ର ପ୍ରତିକ୍ରିୟା ସୃଷ୍ଟି ହୋଇଥିବା ବେଳେ ନବରଙ୍ଗପୁର ଘଟଣା ଏଥିରେ ଆଉ ଏକ ଫର୍ଦ୍ଦ ଯୋଡ଼ିଛି ।…

   Related Posts