ଆଗ୍ରା ୬/୨-ଦୁନିଆରେ ମାଆର ବିକଳ୍ପ କିଛି ନାହିଁ ।ମାଆ ନିଜର ସନ୍ତାନ ପାଇଁ ସବୁ କିଛି କରିପାରେ । ନିଜ ଜୀବନକୁ ବାଜି ଲଗାଇ ନିଜ ସନ୍ତାନର ଉନ୍ନତି ଚାହେଁ । ଦୁନିଆ ପ୍ରଳୟ ହୋଇଗଲେ ବି ମାଆ ନିଜର ସନ୍ତାନ ପାଇଁ ପ୍ରାଣମୂର୍ଚ୍ଚି ନିଜ ଦେହର ଟିକିଏ ଜୀବନ ଥିବାଯାଏଁ ବଂଚେଇରଖିଥାଏ । ଧନୀ ହେଉକି ଗରୀବ, ମାଆ ତ ମାଆ... । ମାଆ ସହିତ କିଛି ତୂଳନା କରିବା ସମ୍ଭବ ନୁହେଁ ।
ସେହିଭଳି ଜଣେ ମାଆ କଥା ଆଜି କହୁଛୁ, ଯିଏ ନିଜର ଚାରି ବର୍ଷର ପୁଅକୁ ବଂଚେଇବାକୁ ନିଜକୁ ରେଡ଼୍ ଲାଇଟ୍ ଏରିଆରେ ରାକ୍ଷସଙ୍କ ପାଖରେ ବନ୍ଧା ପକେଇବାକୁ ବାଧ୍ୟ ହୋଇଛି ।
ପଶ୍ଚିମବଙ୍ଗର ଚବିଶ ପ୍ରଗଣା ଅଂଚଳର ଏହି ହୃଦୟ ବିଦାରକ ଘଟଣା । ମହିଳାଙ୍କର ସ୍ବାମୀ ସହ ଚାରିମାସ ତଳେ ହୋଇଥିଲା ଝଗଡ଼ା । ଏହି ଝଗଡ଼ା ପାଇଁ ସ୍ଵାମୀ-ସ୍ତ୍ରୀଙ୍କ ଭିତରେ ପଡ଼ୁ ନ ଥିଲା । ନିଜ ବଂଚି ନିଜ ଚାରି ବର୍ଷର ଛୁଆ ମୁହଁରେ ଦାନା ଗଣ୍ଡେ ଦେବାକୁ ଘର ଛାଡ଼ିବାକୁ ପଡ଼ିଥିଲା ମହିଳାଙ୍କୁ ।
ମହିଳା ନିଜର ଚାରି ବର୍ଷର ପୁଅକୁ ଧରି ପହଂଚିଥିଲା ରେଳ ଷ୍ଟେସନରେ । ଏହି ସମୟରେ ଜଣେ ଅପରିଚିତ ଲୋକ ସାହାର୍ଯ୍ୟର ହାତ ବଢ଼ାଇଥିଲା । ସେହି ଅପରିଚିତ ଲୋକଟି ମହିଳାଙ୍କୁ ଅନ୍ୟ ଜଣେ ମହିଳାଙ୍କ ସହ ଟ୍ରେନରେ ବସେଇ ଦେଇଥିଲା । ମହିଳାଙ୍କୁ ଆଶ୍ରୟଦେବା ନାଁରେ ଯେଉଁ ଜାଗାରେ ପଂହଚିଥିଲେ, ଜାଣିବା ପରେ ଆଶ୍ଚର୍ଯ୍ୟର ସୀମା ରହି ନଥିଲା ମହିଳାଙ୍କର । ସେହି ଜାଗାଥିଲା କୋଲକାତାର ରେଡ଼ ଲାଇଟ ଏରିଆ , ସାରାଦେଶରେ ଯେଉଁ ଜାଗା ଦେହ ବ୍ୟବସାୟ ପାଇଁ ପ୍ରସିଦ୍ଧ ।
କିଛି ବୁଝିବା ପୂର୍ବରୁ ତାଙ୍କ ଚାରି ବର୍ଷର ପୁଅକୁ ସେମାନେ ନେଇଯାଇଥିଲେ । ସେହି ଦଲାଲମାନେ ପୁଅକୁ ମୁଣ୍ଡ ଜାମିନ ରଖି ମହିଳାଙ୍କୁ ଦେହ ବ୍ୟବସାୟ କରିବାକୁ ବାଧ୍ୟ କରିଥିଲେ । ଏହିକଥାରେ ମହିଳା ରାଜି ନହେବାରୁ ସେମାନେ ଅକଥନୀୟ ଅତ୍ୟାଚାର ମଧ୍ୟ କରିଥିଲେ । ଦେହ ବ୍ୟବସାୟରେ ସାମିଲ ନ ହେଲେ ତାଙ୍କ ପୁଅକୁ ମାରିଦେବାକୁ ମଧ୍ୟ ଧମକାଇଥିଲେ ।
ନିଜର କିଛି ହୋଇଗଲେ ସହିଯିବେ କିନ୍ତୁ ତାଙ୍କ ପୁଅର କିଛି କ୍ଷତି ନ କରିବାକୁ ବହୁତ ନେହୁରା ହୋଇଥିଲେ ମହିଳା । ଏହି ଦୁର୍ବଳତାର ସୁଯୋଗ ନେଇ ମହିଳାଙ୍କୁ ବେଶ୍ୟାବୃତ୍ତି କରିବାକୁ ବାଧ୍ୟ କରିଥିଲେ ।
ମହିଳା ନିଜ ପୁଅକୁ ବଂଚେଇବାକୁ ଯାଇ ସେମାନଙ୍କ କଥାରେ ରାଜି ହୋଇଯାଇଥିଲେ । ଏପରିକି ସେମାନେ ମହିଳାଙ୍କ ପାଖକୁ ତାଙ୍କ ଚାରି ବର୍ଷର ପୁଅକୁ ଆସିବାକୁ ଦେଉ ନ ଥିଲେ । ମହିଳାଙ୍କୁ ଦେହ ବ୍ୟବସାୟ କରିବାକୁ ଅନ୍ୟ ମହିଳାଙ୍କ ସହ ବିଭିନ୍ନରାଜ୍ୟକୁ ଯିବାକୁ ପଡ଼ୁଥିଲା ।
ମହିଳା ଏଭଳି ଅତ୍ୟାଚାର ହେବାପରେ କୌଣସି ସୂତ୍ରରେ ପରିବାର ସହ ଯୋଗସୂତ୍ର କରି ପାରିଥିଲେ । ଫଳରେ ପୋଲିସ ମହିଳାଙ୍କୁ ଉଦ୍ଧାର କଲାପରେ ଏଭଳି ଲୋମହର୍ଷଣ କଥା ପଦାକୁ ଆସିଛି ।
ଜଣେ ମାଆ ନିଜ ଛୋଟ ପୁଅକୁ ବଂଚେଇବାକୁ ଯାଇ କରିବାକୁ ପଡ଼ିଥିଲା ଏଭଳି କୁତ୍ସିତକାମ । ଏ ଭଳି ମାଆକୁ ଶହେ ସଲାମ ।