Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କେନ୍ଦ୍ରକୁ ଓଡ଼ିଶା ମାଗିଲା ଅଗଷ୍ଟ ବର୍ଷା-ବନ୍ୟାର ସହାୟତା, ଦାବି କଲା ୧୫୬୯.୫୦ କୋଟି ଟଙ୍କା
  • ||
  • ରାଜ୍ୟରେ ଆଉ ୧୬ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୬୩୩ କରୋନା ସଂକ୍ରମିତ ଚିହ୍ନଟ
  • ||
  • ଟ୍ରକକୁ ପଛ ପଟୁ ପିଟିଲା ଟ୍ରଲର, ୨ ମୃତ
  • ||
  • ଡ଼କାୟତି ଯୋଜନା ପଣ୍ଡ, ବାଇପାସ କଡ଼ରୁ ୬ ଡକାୟତ ଗିରଫ
  • ||

ନୟାଗଡରେ ପାରିବାରିକ କଳହର କରୁଣ ପରିଣତି ; ପୁଅ ଓ ଝିଅଙ୍କୁ ବିଷ ଦେଇ ପୋଖରୀକୁ ଫିଙ୍ଗିବା ପରେ ବିଷ ପିଇ ପୋଖରୀକୁ ଡେଇଁଲା ମାଆ

22/10/2018 at 9:43 AM

ନୟାଗଡ ୨୨|୧୦: ପାରିବାରିକ କଳି ଉଜାଡିଦେଲା ସଂସାର । ପୁଅ ଓ ଝିଅଙ୍କୁ ବିଷ ଦେଇ ପୋଖରୀକୁ ଫିଙ୍ଗିଦେବା ପରେ ମାଆ ବିଷ ପିଇ ପୋଖରୀକୁ ଡେଇଁପଡିଛି । ନୟାଗଡ ଜିଲ୍ଲା ଲକ୍ଷ୍ମୀପ୍ରସାଦ ଗାଁର ଏହି ଘଟଣା ହତଚକିତ କରିଛି । ୨ ଜଣ ପିଲା ପ୍ରାଣ ହରାଇଥିବା ବେଳେ ମହିଳାଙ୍କ ଅବସ୍ଥା ଗୁରୁତର ଅଛି । ତାଙ୍କୁ ପ୍ରଥମେ ନୟାଗଡ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ପରେ ଭୁବନେଶ୍ବର ସ୍ଥାନାନ୍ତର କରାଯାଇଛି ।

ସୂଚନା ଅନୁସାରେ ଗାଁର ବାପି ଖୁଣ୍ଟିଆ ଏକ ଗ୍ରିଲ୍ ଦୋକାନ କରି ଗୁଜୁରାଣ ମେଣ୍ଟାଉଥିଲେ । ବହୁ ସମୟରେ ବାପି ଓ ଅହଲ୍ୟାଙ୍କ ମଧ୍ୟରେ ଝଗଡା ହେଉଥିଲା । ଗତକାଲି କୌଣସି ଘଟଣାକୁ ନେଇ ଉଭୟଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା । ଏଥିରେ ଅତିଷ୍ଠ ହୋଇ ଅହଲ୍ୟା ୧୦ବର୍ଷର ଝିଅ ଶିବାନୀ ଏବଂ ୫ବର୍ଷର ପୁଅ ସାଇକୁ ବିଷ ପିଆଇ ପୋଖରୀରେ ଫୋପାଡି ଦେଇଥିଲା । କେବଳ ସେତିକି ନୁହେଁ ନିଜେ ମଧ୍ୟ ବିଷ ପିଇ ପୋଖରୀକୁ ଡେଇଁ ପଡିଥିଲା ।  ଗାଁ ଲୋକମାନେ ଏହା ଦେଖି ପୋଖରୀ ଭିତରୁ ମାଆ ଓ ପୁଅକୁ ଉଦ୍ଧାର କରି ଡାକ୍ତରଖାନା ନେଇଥିଲେ । ହେଲେ ରାସ୍ତାରେ ପୁଅର ମୃତ୍ୟୁ ହୋଇଥିଲା । ବହୁ ଖୋଜାଖୋଜି କରିବା ପରେ ପୋଖରୀରୁ ଝିଅର ମୃତଦେହ ଉଦ୍ଧାର କରାଯାଇଥିଲା । ସେପଟେ କିନ୍ତୁ ମହିଳାଙ୍କୁ ତାଙ୍କ ଶ୍ବଶୁରଘର ଲୋକେ ମାରିଦେବାକୁ ଉଦ୍ୟମ କରିଥିବା ମହିଳାଙ୍କ ଭାଇ ଅଭିଯୋଗ କରିଛନ୍ତି ।

   Related Posts