ନୂଆଦିଲ୍ଲୀ୧୮/୧: ବାପାଙ୍କୁ ମୁଖାଗ୍ନୀ ଦେଲା ତିନି ବର୍ଷର ଝିଅ। ବାପାଙ୍କ ସ୍ନେହ ପାଇବା ଆଗରୁ ବାପା ଛାଡ଼ି ଚାଲିଗଲେ। ମାଆ, ଭଉଣୀ ଓ ବାପାଙ୍କ କରୁଣ ଚିତ୍କାରରେ ଗାଁ ଦାଣ୍ଡ ଫାଟି ପଡ଼ୁଥିଲା। ସହିଦଙ୍କ ପାର୍ଥିବ ଶରୀରକୁ କାନ୍ଧରେ ନେଲେ ମାଆ ଆଉ ଭଉଣୀ। ରାଜକୀୟ ଢ଼ଙ୍ଗରେ ସହିଦଙ୍କ ଅନ୍ତିମ ଶବ ସଂସ୍କାର ଶେଷ ହୋଇଛି। ଲାଲ ରଞ୍ଜିତ ସିଂହଙ୍କୁ ନିଜ ଗାଁରେ ଶେଷ ବିଦାୟ ଦିଆଯାଇଛି। ସହିଦଙ୍କ ଶେଷ ସମୟରେ ହଜାର ହଜାର ଲୋକ ଉପସ୍ଥିତ ଥିଲେ। ଜାନୁଆରୀ ୧୩ ତାରିଖରେ ଜାମ୍ମୁ -କାଶ୍ମୀର ମାଛିଲ୍ ସେକ୍ଟରରେ ସିଂହ ସହିଦ୍ ହୋଇଥିଲେ। ୧୨ ହଜାର ଫୁଟ୍ ଉଚ୍ଚ ଓ ୩୦ ଡିଗ୍ରୀ ତାପାମାତ୍ରାରେ ରଞ୍ଜିତ ଗସ୍ତ କରୁଥିଲେ। ଏହି ସମୟରେ ତାଙ୍କ ଉପରେ ହିମସ୍ଖଳନ ମାଡ଼ି ଯାଇଥିଲା। ସେ ଭାରତୀୟ ସେନାର ୪୫ ରାଷ୍ଟ୍ରୀୟ ରାଇଫଲ୍ସରେ କାର୍ଯ୍ୟ କରୁଥିଲେ।
{"id":212892,"sizeSlug":"large"}
ଚାରି ଦିନ ପରେ ରଞ୍ଜିତଙ୍କ ପାର୍ଥିବ ଶରୀରକୁ ସ୍ବତନ୍ତ୍ର ବିମାନ ଯୋଗେ ଅମୃତସରର ରାଜସାଂସୀ ଏୟାରପୋର୍ଟରେ ପହଞ୍ଚିଥିଲା। ଶୁକ୍ରବାର ସହିଦଙ୍କ ପାର୍ଥିବ ଶରୀରକୁ ତାଙ୍କ ନିଜ ଗାଁ ସିଦ୍ଦପୁର ନିଆଯାଇଥିଲା। ରାଇଫଲ୍ସର ଯବାନମାନେ ସହିଦଙ୍କୁ ସଲାମୀ ଦେଇଥିଲେ।
{"id":212893,"sizeSlug":"large"}
ରଞ୍ଜିତଙ୍କ ପାର୍ଥିବ ଶରୀର ଉପରେ ତ୍ରୀରଙ୍ଗା ପତାକା ଢ଼ାଙ୍କି ଗାଁରେ ଭ୍ରମଣ କରାଯାଇଥିଲା। ତାଙ୍କ ମା ରୀନା ଦେବୀ, ପିତା ହରବଂସ ସିଂହ, ପତ୍ନୀ ଦିୟା ଓ ଭଉଣୀ ଜୀବନ ଜ୍ୟୋତିଙ୍କ କରୁଣ ଚିତ୍କାରରେ ପୂରା ଗାଁ ଫାଟି ପଡ଼ୁଥିଲା। ସ୍ବାମୀଙ୍କ ଶବ ପାଖରେ ବସି ପତ୍ନୀ ବାହୁନି ବାହୁନି କାନ୍ଦିଥିଲେ। ତିନି ମାସର ପିଲା ବାପାଙ୍କୁ ଚିହ୍ନିବା ଆଗରୁ ସେ ଆରପାରିକୁ ଚାଲିଗଲେ।ମା ଓ ଉଭଣୀ ରଞ୍ଜିତଙ୍କ ଶବକୁ କାନ୍ଧରେ ମଶାଣି ନେଇଥିଲେ। ମାତ୍ର ତିନି ମାସର ଝିଅ ବାପାଙ୍କୁ ମୁଖାଗ୍ନୀ ଦେଇଥିଲା।
