Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୦୫ କରୋନା ସଂକ୍ରମିତ, ୧୦୫୦୩୫୪ରେ ପହଞ୍ଚିଲା ସଂଖ୍ୟା
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୩କୁ ବୃଦ୍ଧି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୧୧ ମୃତ
  • ||
  • ଗୁଜୁରାଟରେ ଓମିକ୍ରନ ଗଞ୍ଜାମକୁ ବିପଦ : ବଢିବ ସଂକ୍ରମଣ ! ସତର୍କ କଲା ପ୍ରଶାସନ
  • ||
  • ଡ୍ରାଇଭରଙ୍କୁ ମାଗିଲେ ଲାଞ୍ଚ, ନଦେବାରୁ ଆକ୍ରମଣ କରି କଲେ ଲହୁଲୁହାଣ
  • ||
  • ଆଉ ବର୍ଷା ନାହିଁ, ବଦଳିବ ପାଗ : ୧୧ରୁ କମିଯିବ ଶୀତ
  • ||
  • ଆସୁଛନ୍ତି ପୁଟିନ : ମୋଦୀଙ୍କୁ ଭେଟିବେ, ବହୁ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ହେବ ଆଲୋଚନା
  • ||

ପିଲାଙ୍କ ଭୋକ ପାଇଁ ଲଣ୍ଡା ହେଲେ ବିଧବା ମାଆ, ପଢ଼ନ୍ତୁ ପୂରା କାହାଣୀ..

12/01/2020 at 3:10 PM

ଚେନ୍ନାଇ୧୨/୧: ବର୍ତ୍ତମାନ ସମାଜରେ ପିଲାମାନେ ନିଜ ବାପା-ମାଆଙ୍କ କଥା ବୁଝିବା ସେମାନଙ୍କ ପକ୍ଷେ ବହୁତ କଷ୍ଟକର। ଏମିତି କି ପିଲାଙ୍କ ନିର୍ଯାତନା ସହି ନ ପାରି ବାପା-ମାଆ ବୃଦ୍ଧାଶ୍ରମକୁ ଚାଲି ଯାଉଛନ୍ତି। ଏହି ସମୟରେ ଏମିତି ଏକ ହୃଦୟ ବିଦାରକ ଦୃଶ୍ୟ ସାମ୍ନାକୁ ଆସିଛି ଯାହା ସଂପର୍କରେ ଜାଣିଲେ ଆପଣ ଆଶ୍ଚର୍ଯ୍ୟ ହୋଇଯିବେ। ଭୋକରେ ପିଲାଙ୍କ ଡହଳ ବିକଳ ସହି ନ ପାରି ଲଣ୍ଡା ହେଲେ ମାଆ। ମାତ୍ର ୧୫୦ ଟଙ୍କାରେ ନିଜର କେଶ ବା ଚୁଟି ବିକ୍ରି କରି ପିଲାଙ୍କୁ ଖାଇବାକୁ ଦେଲେ ମାଆ। ଆଜିର ସମାଜରେ ପିଲାଙ୍କୁ ଲାଳନ ପାଳନ କରିବା କେତେ ଯେ କଷ୍ଟ ତାହା କେବଳ ବାପା-ମାଆ ହିଁ ଜାଣିଥିବେ। ଏଭଳି ଦୁଃଖଦ ଘଟଣା ତାମିଲନାଡ଼ୁର ଚେନ୍ନାଇରେ ଘଟିଛି।

ସୂଚନାଯୋଗ୍ୟ ଯେ ସାତ ବର୍ଷ ତଳେ ତିନୋଟି ପିଲାର ମାଆ ପ୍ରେମାଙ୍କ ସ୍ବାମୀ ଆତ୍ମହତ୍ୟା କରି ଦେଇଥିଲେ। ଏକା ମଣିଷ ପୁଣି ସାଙ୍ଗରେ ତିନୋଟି ପିଲା। ଘର ଚଳାଇବା ଏବଂ ପିଲାଙ୍କୁ ଭଲରେ ରଖିବା ପାଇଁ ପ୍ରେମାଙ୍କ ପାଖରେ ଟଙ୍କା କି ସୁନା, ଗହଣା କିଛି ବି ନାହିଁ। କେବଳ ତାଙ୍କ ପାଖରେ ଥିଲା ମୁଣ୍ଡର କେଶ ବା ଚୁଟି। ପ୍ରେମା ଲଣ୍ଡା ହୋଇ ନିଜ ଚୁଟି ବିକ୍ରି କରି ୧୫୦ ଟଙ୍କାରେ ତିନୋଟି ପିଲାଙ୍କୁ ଖାଇବାକୁ ଦେଇଥିଲେ।

ପିଲାଙ୍କ ଭୋକ ପାଇଁ ପ୍ରେମା ଲଣ୍ଡା ହେବା ଘଟଣାକୁ ନେଇ ସୋସିଆଲ ମିଡିଆରେ ଚର୍ଚ୍ଚା ଚାଲିଛି। ତିନୋଟି ପିଲାଙ୍କର ବୟସ, ପାଞ୍ଚ, ତିନି ଓ ଦୁଇ ବର୍ଷ। ପ୍ରେମାଙ୍କ କହିବା ଅନୁସାରେ ପିଲାଙ୍କୁ ଖାଇବାକୁ ଦେବେ ବୋଲି ପଡ଼ିଶା ଘର ଲୋକଙ୍କୁ ସାହାଯ୍ୟ ମାଗି ଥିଲେ। ହେଲେ ପଡ଼ିଶା ଘର ଲୋକ ତାଙ୍କୁ ସାହାଯ୍ୟ କରି ନ ଥିଲେ।

ପ୍ରେମା ନିଜ ଦୁଃଖ କାହାଣୀ ମଧ୍ୟ କହିଥିଲେ। ସ୍ବାମୀଙ୍କ ମୃତ୍ୟୁ ପରେ ପ୍ରେମା ଆତ୍ମହତ୍ୟା କରିବା ପାଇଁ ବହୁତ ଥର ଚେଷ୍ଟା କରିଥିଲେ। ହେଲେ ତିନୋଟି ପିଲାଙ୍କ ମୁହଁକୁ ଅନାଇ ସେ ଆତ୍ମହତ୍ୟା କଥା ଭୁଲି ଯାଇଥିଲେ। ଜଣେ ବିଧବା ମହିଳା ଏକାକି ତିନୋଟି ପିଲାଙ୍କୁ ମଣିଷ କରିବା କାଠିକର ପାଠ। ତଥାପି ପ୍ରେମା ହାରି ନାହାନ୍ତି। ଜୀବନ ସହ ସଂଘର୍ଷ କରି ତିନୋଟି ପିଲାଙ୍କୁ ମଣିଷ କରିବା ପାଇଁ ସେ ଉଦ୍ୟମ ଜାରି ରଖିଛନ୍ତି।

   Related Posts