ବର୍ଲିନ୍ ୦୫।୧୧ : ଅର୍ବୈଧ ସମ୍ପର୍କ ପ୍ରାୟତଃ ଯନ୍ତ୍ରଣାଦାୟକ ରାସ୍ତାକୁ ନେଇ ଥାଏ ଯେ ସମ୍ଭାଳିବା କଷ୍ଟକର ହୋଇଥାଏ । ଜର୍ମାନୀର, ଜଣେ ମହିଳା ତାଙ୍କ ସ୍ବାମୀଙ୍କ ଆଫେୟାରକୁ ନେଇ ବଡ ଭୟଙ୍କର ପଦକ୍ଷେପ ନେଇଥିଲେ । ମହିଳା ଜଣକ ପ୍ରଥମେ ନିଜର ପାଞ୍ଚ ସନ୍ତାନଙ୍କୁ ହତ୍ୟା କରିଥିଲେ ତା’ପରେ ସ୍ୱାମୀଙ୍କୁ ମେସେଜ୍ କଲେ ଯେ ବର୍ତ୍ତମାନ ସେ ପିଲାମାନଙ୍କୁ କେବେ ଦେଖି ପାରିବେ ନାହିଁ । ବାସ୍ତବରେ ପତ୍ନୀ ଏକ ଫଟୋ ଉଠାଇଥିଲେ ଯେଉଁଥିରେ ତାଙ୍କ ସ୍ୱାମୀ ଅନ୍ୟ ଜଣେ ମହିଳାଙ୍କ ସହ ଥିଲେ। ସେ ଏ ବିଷୟରେ ଏତେ ରାଗିଗଲେ ଯେ ସେ ନିଜ ପିଲାମାନଙ୍କୁ ହତ୍ୟା କରିଥିଲେ ।
ରିପୋର୍ଟ ଅନୁଯାୟୀ କୋର୍ଟର ଏହି ମାମଲାରେ ୨୮ ବର୍ଷିୟ ଖ୍ରୀଷ୍ଟିଆନ କେଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରାଯାଇଛି । ସେପ୍ଟେମ୍ବର ୩, ୨୦୨୦ରେ, ଖ୍ରୀଷ୍ଟିଆନ ତାଙ୍କ ପାଞ୍ଚ ସନ୍ତାନଙ୍କୁ ଜର୍ମାନୀର ସୋଲିଙ୍ଗେନରେ ହତ୍ୟା କରିଥିଲେ । ସ୍ୱାମୀଙ୍କର ଅନ୍ୟ ଜଣେ ମହିଳାଙ୍କ ସହ ଦେଖିବା ପରେ। ତାଙ୍କ ମନରେ ସନ୍ଦେହ ବଢିଥିଲା ଯାହାଫଳରେ ତୁମୁଳ କାଣ୍ଡ ଘଟାଇଥିଲେ । ପୋଲିସ କୋର୍ଟଙ୍କୁ କହିଛି ଯେ ସମସ୍ତ ପିଲାଙ୍କ ବୟସ ୧୧ ବର୍ଷରୁ କମ୍। ବାଥଟବରେ ବୁଡ଼ିଯିବା କିମ୍ବା ଶ୍ୱାସରୁଦ୍ଧ ହୋଇ ପିଲାମାନେ ମୃତ୍ୟୁ ବରଣ କରିଥିଲେ। ଏହାପୂର୍ବରୁ ତାଙ୍କୁ ମଦ୍ୟପାନ କରାଯାଇଥିଲା।
ଏହା ପରେ ଖ୍ରୀଷ୍ଟିଆନ ପିଲାମାନଙ୍କ ଶବକୁ ଏକ ଟାୱେଲରେ ଗୁଡ଼ାଇ ଖଟରେ ରଖିଥିଲେ। ଯେତେବେଳେ ଏହି ଘଟଣା ଘଟିଲା ସେତେବେଳେ ଖ୍ରୀଷ୍ଟିଆନଙ୍କ ବଡ ପୁଅ ଘରେ ନଥିଲା, ତେଣୁ ତାଙ୍କ ଜୀବନ ରକ୍ଷା ପାଇଥିଲା । ଏକମାତ୍ର ବଞ୍ଚିଥିବା ପୁଅକୁ ତାଙ୍କ ଜେଜେମା’ଙ୍କ ତତ୍ତ୍ବାବଧାନରେ ପଠାଯାଇଛି।ପିଲାମାନଙ୍କୁ ହତ୍ୟା କରିବା ପରେ ଖ୍ରୀଷ୍ଟିଆନ ନିଜକୁ ମାରିବାକୁ ମଧ୍ୟ ଚେଷ୍ଟା କରିଥିଲେ। ସେ ଡ୍ୟୁସେଲଡର୍ଫ ସେଣ୍ଟ୍ରାଲ ଷ୍ଟେସନରେ ଟ୍ରେନ ଆଗରେ ଡେଇଁପଡିଥିଲେ, କିନ୍ତୁ କୌଣସି ପ୍ରକାରରେ ତାଙ୍କ ଜୀବନ ରକ୍ଷା ହୋଇଥିଲା କୋର୍ଟ ତାଙ୍କୁ ଦୋଷୀ ସାବ୍ୟସ୍ତ କରି ଆଜୀବନ କାରାଦଣ୍ଡରେ ଦଣ୍ଡିତ କରିଛନ୍ତି।