ବାଲେଶ୍ୱର, ୩୧।୧୨: ନବବର୍ଷ ପୂର୍ବରୁ ଅଘଟଣ । ଘରୋଇ କଳିରୁ ନିଜର ଦୁଇ ଶିଶୁକୁ ମାଆ ବିଷ ପିଆଇ ଦେଇଛି । ତିନିଜଣଙ୍କୁ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇଛି ।
ସୂଚନାନୁସାରେ, ବାଲେଶ୍ୱର ଜିଲ୍ଲା ସୋର ତଳନଗରରେ ଏହି ଅଘଟଣ ସାମ୍ନାକୁ ଆସିଛି । ଗୁରୁବାର ରାତିରେ ଘରୋଇ କଳିକୁ କେନ୍ଦ୍ର କରି ମାଆ ନିଜ ଯାଆଁଳା ଶିଶୁଙ୍କୁ ବିଷ ଦେଇ ନିଜେ ମଧ୍ୟ ବିଷ ପିଇ ଦେଇଛି । ଏଥିରେ ଦେଢ ବର୍ଷର ଦୁଇ ଯାଆଁଳା ଶିଶୁ ପୁତ୍ର ଗୁରୁତର ହୋଇ ପଡିଛନ୍ତି। ମାଆ ମଧ୍ୟ ବିଷ ପିଇ ଗୁରୁତର ହୋଇ ପଡିଛି । ତିନି ଜଣଙ୍କୁ ଗୁରୁତର ଅବସ୍ଥାରେ ବାଲେଶ୍ୱର ହସ୍ପିଟାଲରେ ଭର୍ତ୍ତି କରାଯାଇଛି ।
