Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଦିନକରେ ସୁସ୍ଥ ହେଲେ ୩୪୮୬ କରୋନା ଆକ୍ରାନ୍ତ , ଖୋର୍ଦ୍ଧାରୁ ସର୍ବାଧିକ ୫୪୧ ଡିସଚାର୍ଜ
  • ||
  • ମିଶନ କାଶ୍ମୀର ଉପରେ ୧୪ ନେତାଙ୍କ ସହ ପିଏମ ମୋଦୀଙ୍କ ମହାବୈଠକ ଶେଷ
  • ||
  • ବରି​‌ଷ୍ଠ ଆଇପିଏସ୍‌ ସ୍ତରରେ ଅଦଳବଦଳ
  • ||
  • ଦ୍ବାଦଶ ଶ୍ରେଣୀ ପରୀକ୍ଷା: ୩୧ ଜୁଲାଇ ସୁଦ୍ଧା ରେଜଲ୍ଟ ପ୍ରକାଶ କରିବାକୁ ରାଜ୍ୟକୁ ସୁପ୍ରିମକୋର୍ଟଙ୍କ ନିର୍ଦ୍ଦେଶ
  • ||
  • ରାଇରଙ୍ଗପୁର : ଅଣ୍ଡା ବଣ୍ଟନରେ ପାତର ଅନ୍ତର, ଅଭିଯୋଗ କଲେ ନାଁ କାଟିଦେବାକୁ ଅଙ୍ଗନବାଡି ଦିଦି ଦେଉଛନ୍ତି ଧମକ
  • ||
  • ସାଲେପୁର : ନଦୀ ପଠାରେ ପଡିଛି ଅଜଣା ଯୁବକଙ୍କ ମୃତଦେହ, କାରଣ ଅସ୍ପଷ୍ଟ
  • ||
  • ଚିନ୍ତା ବଢାଉଛି ମୃତ୍ୟୁସଂଖ୍ୟା : ରାଜ୍ୟରେ ଗତ ୨୪ଘଣ୍ଟାରେ କରୋନା ନେଲା ୪୪ ଜଣଙ୍କ ଜୀବନ
  • ||
  • ଆଜି ୧୦ ଜିଲ୍ଲାରେ ଅତିପ୍ରବଳ ବର୍ଷା ସମ୍ଭାବନା, ୨୭ ଯାଏଁ ଛେଚିବ
  • ||
  • ହ୍ରାସ ପରେ ପୁଣି ବଢୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୩୬୫୦ କୋଭିଡ୍ ପଜିଟିଭ୍ ଚିହ୍ନଟ
  • ||

ଶିଶୁକନ୍ୟାର ହାତରେ, ଗୋଡରେ ଥିଲା ୬ଟି ଲେଖାଏଁ ଆଙ୍ଗୁଠି: ବିବାହବେଳେ ଅସୁବିଧା ହେବ ବୋଲି ଆଙ୍ଗୁଠି କାଟିଦେଲା ମା, ଯନ୍ତ୍ରଣାରେ ଛଟପଟ ହୋଇ ଜୀବନ ଗଲା ଶିଶୁର

30/12/2018 at 12:47 PM

ଖାଣ୍ଡୱା ୩୦/୧୨ : ମଧ୍ୟପ୍ରଦେଶ ଖାଣ୍ଡୱା ଜିଲ୍ଲା ଅନ୍ତର୍ଗତ ଏକ ଗାଁରେ ଜଣେ ମହିଳା ନିଜ ନବଜାତ ଶିଶୁର ଆଙ୍ଗୁଠି କାଟିଦେଇଛନ୍ତି | ଆଙ୍ଗୁଠି କାଟିଦେବା ଫଳରେ ଶିଶୁର ମୃତ୍ୟୁ ହୋଇଯାଇଛି | ଶିଶୁଙ୍କ ହାତରେ ଓ ପାଦରେ ୫ଟି ବଦଳରେ ୬ଟି ଲେଖାଏଁ ଆଙ୍ଗୁଠି ଥିଲା | ବିବାହ ବେଳେ ଆସୁବିଧା ହେବ ବୋଲି ଭାବି ମା ଏଭଳି  କାଣ୍ଡ କରିଛି |

ସୂଚନାଯୋଗ୍ୟ ଯେ, ଗତ ଡିସେମ୍ବର ୨୨ ତାରିଖରେ ସୁନ୍ଦରଦେବ ଗାଁରେ ତାରବାଇ ନାମକ ଜଣେ ମହିଳାଙ୍କର ଶିଶୁକନ୍ୟା ଜନ୍ମ ହୋଇଥିଲା | ଶିଶୁକନ୍ୟାର ଉଭୟ ହାତ ଏବଂ ପାଦରେ ୬ଟି ଲେଖାଏଁ ଆଙ୍ଗୁଠି ଥିଲା | ଏହା ଦେଖି ମହିଳା ଚିନ୍ତିତ ହୋଇଯାଇଥିଲେ | ବଡହେଲେ ଝିଅର ବାହାଘର ବେଳେ ସମସ୍ୟା ଉପୁଜିବ ବୋଲି ସେ ଶିଶୁର ଅଧିକ ଥିବା ଅଂଗୁଡି ଗୁଡିକୁ କାଟି ପକେଇଥିଲେ | ଏହାପରେ କ୍ଷତ ସ୍ଥାନରେ ଗାଈ ଗୋବର ଦେଇ ଦେଇଥିଲେ | ଏହାର କିଛି ସମୟ ମଧ୍ୟରେ ଶିଶୁର ମୃତ୍ୟୁ ହୋଇଥିଲା | ଶିଶୁର ମୃତଦେହକୁ ଗାଁର ଏକ ସ୍ଥାନରେ ପୋତି ଦେଇଥିଲା ମା |

ପୋଲିସ ଘଟଣାର ଖବର ପାଇ ଶିଶୁର ମୃତଦେହକୁ ଉଦ୍ଧାର କରିଥିଲା | ପୋଲିସ ଅଧିକାରୀ ରୁଚି ବର୍ଦ୍ଧନ ମିଶ୍ର ଶିଶୁର ଶବ ଜବତ କରି ଶବ ବ୍ୟବଚ୍ଛେଦ ପାଇଁ ପଠାଇଛନ୍ତି | ଏବେ ଯାଏଁ କୌଣସି ରିପୋର୍ଟ ଆସିନଥିବା ସେ ସୂଚନା ଦେଇଛନ୍ତି | ମହିଳାଙ୍କୁ ଏବେ ଯାଏଁ ଗିରଫ କରାଯାଇନାହିଁ | ଯେଉଁମାନଙ୍କ ହାତରେ ଗୋଡରେ ଅଧିକ ଆଙ୍ଗୁଠି ଥାଏ ତାହାକୁ ସୁପରନ୍ୟୂମେରେଶି ଫିଙ୍ଗର୍ସ ଆଣ୍ଡ ଟୋଜେ ବୋଲି କୁହାଯାଇଥାଏ | ଏହା ବଂଶାନୁକ୍ରମିକ ମଧ୍ୟ ହୋଇଥାଏ | ଏଭଳି ସ୍ଥିତି ଉଭୟ ମଣିଷ ଏବଂ ବନ୍ୟଜନ୍ତୁଙ୍କ ଠାରେ ଦେଖିବାକୁ ମିଳିଥାଏ |

   Related Posts