Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଓଭରବ୍ରିଜ୍ ଉପରେ ବିରାଟ ଗାତ, ବିପଦସଙ୍କୁଳ ଅବସ୍ଥାରେ ଚଳାଚଳ କରୁଛି ଯାନବାହାନ
  • ||
  • ମାଟି ଘରେ ଶୋଇଥିଲେ ବୃଦ୍ଧା, ହଠାତ ମାଡି ବସିଲା କାନ୍ଥ
  • ||
  • ମାତିଛନ୍ତି ହାତୀପଲ : ଜଳକ୍ରୀଡା ପରେ ଭାଙ୍ଗୁଛନ୍ତି ଘର, ନଷ୍ଟ କରୁଛନ୍ତି ଫସଲ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୬୨୮ କୋଭିଡ୍ ପଜିଟିଭ୍
  • ||
  • ଦେବଶିଳ୍ପୀ ବିଶ୍ୱକର୍ମାଙ୍କ ପୂଜା, ଶିଳ୍ପନଗରୀରୁ ଗାଁ ଗହଳି ସବୁଠି ଉତ୍ସାହ
  • ||
  • ୭୧ ବର୍ଷରେ ପାଦ ଦେଲେ ପ୍ରଧାନମନ୍ତ୍ରୀ : ବିଜେପି କରୁଛି ୨୦ ଦିନିଆ ସେବା ସମର୍ପଣ ଅଭିଯାନ
  • ||
  • ଆଉ ଏକ ଲଘୁଚାପ : ୧୮ରୁ ବଢିବ ବର୍ଷା, ଉତ୍ତରରେ ଛେଚିବ
  • ||
  • ଭାଙ୍ଗିଗଲା ଓଭରବ୍ରିଜ୍‌ର ବିରାଟ ଖଣ୍ଡ, ୧୩ ଶ୍ରମିକ ଗୁରୁତର
  • ||
  • ଶୌଚ ପାଇଁ ଗଲା ବେଳେ ମାଡିଗଲା ଅଜଣା ଗାଡି, ୨ ମହିଳା ମୃତ
  • ||
  • ୧୨ ଘଣ୍ଟିଆ ସୁନ୍ଦରଗଡ ବନ୍ଦ, ଚକ-ଅଖ ସବୁ ଠପ୍
  • ||

ତେଜ ପ୍ରତାପଙ୍କ ବିବାହ ବିଚ୍ଛେଦରେ ପୁଣି ଏକ ଟ୍ଵିଷ୍ଟ : ରାବଡୀ ଦେବୀଙ୍କୁ ଦେଖା କରିବାକୁ ଆସିଥିଲେ ଐଶ୍ଵର୍ଯ୍ୟାଙ୍କ ମା, ହେଲେ କାନ୍ଦି କାନ୍ଦି ଘରୁ ଗଲେ

18/11/2018 at 1:05 PM

ପାଟଣା ୧୮/୧୧ : ଆରଜେଡି ସୁପ୍ରିମୋ ଲାଲୁ ପ୍ରସାଦ ଯାଦବଙ୍କ ବଡ ପୁଅ ତେଜ ପ୍ରତାପ ଯାଦବଙ୍କ ବିବାହ ବିଚ୍ଛେଦକୁ ନେଇ ପୁଣି ଏକ ଖବର ସାମ୍ନାକୁ ଆସିଛି | ତେଜ ପ୍ରତାପଙ୍କ ଶାଶୁ, ଐଶ୍ୱର୍ଯ୍ୟାଙ୍କ ମା’ ପୁର୍ଣିମା ରାୟ ଶନିବାର ସନ୍ଧ୍ୟାରେ ରାବଡୀ ଦେବୀଙ୍କ ସହ କଥାବାର୍ତ୍ତା କରିବା ପାଇଁ ରାବଡୀ ଦେବୀଙ୍କ ବାସଭାବନାକୁ ଆସିଥିଲେ | ପ୍ରାୟ ଦେଢ଼ ଘଣ୍ଟା ରାବଡୀ ଦେବୀଙ୍କ ସହ ଆଲୋଚନା ପରେ ସେ ତାଙ୍କ ବାସଭବନରୁ କାନ୍ଦି କାନ୍ଦି ବାହାରକୁ ବାହାରିଥିଲେ |

ସୂଚନାଯୋଗ୍ୟ ଯେ, ତେଜ ପ୍ରତାପ ସ୍ତ୍ରୀ ଐଶ୍ୱର୍ଯ୍ୟାଙ୍କ ଠାରୁ ସମ୍ପର୍କ ଛିନ୍ନ କରି ଛାଡପତ୍ର ଚାହୁଁଛନ୍ତି | ଏଥିପାଇଁ ସେ କୋର୍ଟରେ ଆବେଦନ କରିଥିଲେ | ତେବେ ତେଜ ପ୍ରତାପଙ୍କ ଏଭଳି ନିଷ୍ପତ୍ତିରେ ତାଙ୍କ ପରିବାର ତାଙ୍କ ସପକ୍ଷରେ ନାହିଁ | ପରିବାରଲୋକେ ତେଜ ପ୍ରତାପଙ୍କୁ ବୁଝେଇବାକୁ ବହୁତ ଚେଷ୍ଟା କରି ମଧ୍ୟ ବିଫଳ ହୋଇଛନ୍ତି | ତେବେ ତେଜ ପ୍ରତାପ ପରିବାରଲୋକଙ୍କ ସହାୟତା ନପାଇବାରୁ ବିଭିନ୍ନ ତୀର୍ଥ ସ୍ଥାନ ଯାଇ ସେଠାରେ ପୂଜା ପାଠ କରୁଥିବା ଦେଖିବାକୁ ମିଳିଥିଲା | ଗତ ଗୁରୁବାର ରାବଡୀ ଦେବୀ ପୁଅକୁ ଫୋନରେ ବୁଝେଇବା ପାଇଁ ବହୁତ ଚେଷ୍ଟା କରିଥିଲେ | ତେଜ ପ୍ରତାପଙ୍କୁ ଘରକୁ ଫେରି ଆସିବାକୁ ମଧ୍ୟ ନିବେଦନ କରିଥିଲେ | ଏହା ପରେ ତେଜ ପ୍ରତାପଙ୍କ ଶାଶୁ ରାବଡୀ ଦେବୀଙ୍କୁ ଦେଖା କରିବାକୁ ଆସିଥିଲେ |
ତେବେ ତେଜ ପ୍ରତାପଙ୍କ ଶାଶୁ ପୁର୍ଣିମା ରାୟ ଭାବିଥିଲେ ଯେ, ମା’ ଙ୍କ ସହ କଥାବାର୍ତ୍ତା ପରେ ତେଜ ପ୍ରତାପ ବୁଝିଯିବେ | କିନ୍ତୁ ସେମିତି କିଛି ହୋଇନଥିଲା | ସେ ରାବଡୀ ଦେବୀଙ୍କ ସହ କଥା ହୋଇ କାନ୍ଦି କାନ୍ଦି ତାଙ୍କୁ ଘରୁ ବାହାରକୁ ବାହାରିଥିଲେ | ଏଥିରୁ ଜାଣିବାକୁ ମିଳିଥିଲା ଯେ, ତେଜ ପ୍ରତାପ ନିଜ ନିଷ୍ପତ୍ତି ବଦଳାଇନାହାନ୍ତି |

ସୂଚନାଯୋଗ୍ୟ ଯେ, ମା ରାବଡୀ ଦେବୀଙ୍କ ସହ କଥାବାର୍ତ୍ତାବେଳେ ତେଜ ପ୍ରତାପ କହିଥିଲେ ଯେ ସେ କାର୍ତ୍ତିକ ପୁର୍ଣିମା ପରେ ଘରକୁ ଫେରିବେ | ତେବେ ଘରକୁ ଫେରିବା ନେଇ ତେଜ ପ୍ରତାପ କେତେଟା ସର୍ତ ରଖିଥିଲେ | ସେ କହିଥିଲେ ଯେ, ଓମ ପ୍ରକାଶ, ମଣିଭୂଷଣ ଏବଂ ମଣିଙ୍କୁ ଘର ବାହାର କରାଯାଉ | ଏଥିସହ ସେ ନେଇଥିବା ନିଷ୍ପତ୍ତିରେ ସେ ପରିବାରଲୋକଙ୍କ ସହମତି ଚାହୁଁଛନ୍ତି ବୋଲି ମଧ୍ୟ କହିଥିଲେ | ତେବେ ଏହି ସବୁ ସର୍ତରେ ରାଜି ହେଲେ ସେ ଘରକୁ ଫେରି ଆସିବେ ବୋଲି ମା ରାବଡୀ ଦେବୀଙ୍କୁ କହିଥିଲେ |

ସୂଚନାଯୋଗ୍ୟ ଯେ, ତେଜ ପ୍ରତାପ ଲଗାତାର ନିଜର ଠିକଣା ବଦଳାଉଛନ୍ତି | ଏବେ ସେ ବୃନ୍ଦାବନରେ ଥିବା ଜଣାପଡିଛି | ତେବେ ସେ ଚାହୁଁନାହାନ୍ତି ଯେ ତାଙ୍କୁ ଦେଖାକରି କେହି ତାଙ୍କ ନିଷ୍ପତ୍ତିରୁ ଓହରିବାକୁ ତାଙ୍କୁ ବାଧ୍ୟ କରୁ | ସେଥିପାଇଁ ସେ ତିଥ ସ୍ଥାନ ଭ୍ରମଣ କରୁଛନ୍ତି |

   Related Posts