Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଏମିତି ଆସେ ଦୁଃଖ, ଦରଜୀ ମାଷ୍ଟରଙ୍କ ଦୋକାନ ଆଗରେ ସ୍ତ୍ରୀ ଓ ପୁଅ ଉପରେ ଚଢିଗଲା ଟ୍ରକ୍

20/10/2020 at 1:22 PM

ସମ୍ବଲପୁର ୨୦।୧୦: ସମ୍ବଲପୁର ପଡିଆବାହଲରେ ଟ୍ରକ୍ ଚାପାରେ ମା’ ଓ ଶିଶୁପୁତ୍ରର ମୃତ୍ୟୁ ହୋଇଛି । ମୃତକ ଦୁଇ ଜଣ ହେଲେ ସମ୍ବଲପୁର ବଡତୋରାଙ୍ଗ ଗାଁର ଆହ୍ଲାଦିନି ମେହେର ଓ ତାଙ୍କର ୨ ବର୍ଷର ଶିଶୁପୁତ୍ର ପ୍ରିୟାଂଶୁ ମେହେର ।

ମଙ୍ଗଳବାର ପଡିବାହାଲ ସାପ୍ତାହିକ ହାଟକୁ ଆସିଥିଲେ ମା’ ଓ ଶିଶୁପୁତ୍ର । ତେବେ ପଡିଆବାହାଲ ଦୁର୍ଗାମଣ୍ଡପ ଓ ଷ୍ଟେଟ ବ୍ୟାଙ୍କ ମଝିରେ ରାସ୍ତା ପାର ହେଉଥିବା ସମୟରେ ଟ୍ରକ୍ ଚାପାରେ ଘଟଣାସ୍ଥଳରେ ଦୁଇ ଜଣଙ୍କର ମୃତ୍ୟୁ ଘଟିଛି । ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହ ଜବତ କରିବା ସହ ଦୁର୍ଘଟଣା ଘଟାଇଥିବା ଟ୍ରକକୁ ଜବତ କରିବା ସହ ଡ୍ରାଇଭରକୁ ଅଟକ ରଖିଛି ।

ସବୁଠୁ ଦୁଃଖ ଘଟଣା ହେଉଛି ମୃତ ମହିଳାଙ୍କ ସ୍ବାମୀ ଗୋବିନ୍ଦ ମେହେର ଜଣେ ଟେଲର ମାଷ୍ଟର । ତାଙ୍କ ନିଜ ଦୋକାନ ସାମ୍ନାରେ ଏଭଳି ମର୍ମନ୍ତୁଦ ଘଟଣା ଘଟିଛି । ଦୁର୍ଘଟଣା ଖବର ଶୁଣିବା ପରେ ଅନ୍ୟ କେହି ଭାବି ଘଟଣାସ୍ଥଳକୁ ଯିବା ପରେ ନିଜ ସ୍ତ୍ରୀ ଓ ପୁଅ ଦୁର୍ଘଟଣାର ଶିକାର ହୋଇଥିବା ଦେଖିଥିଲେ ଗୋବିନ୍ଦ । ଘଟଣାସ୍ଥଳରେ ଉଭୟଙ୍କ ମୃତଦେହ ଦେଖି ଯେମିତି ତାଙ୍କ ପାଦ ତଳୁ ମାଟି ଖସିଯାଇଥିଲା ।

   Related Posts