Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅନୁଗୋଳ : ଗଛ ତଳୁ ନବଜାତ ଶିଶୁ ପୁତ୍ର ଉଦ୍ଧାର
  • ||
  • ଭୁବନେଶ୍ବର : ବିଜେଡିରେ ମିଶିଲେ କରଞ୍ଜିଆ ଏନଏସିର ଶତାଧିକ ବିଜେପି ଓ କଂଗ୍ରେସ କର୍ମୀ
  • ||
  • ସମ୍ବଲପୁର : ସଞ୍ଜୀବ ମିତ୍ତଲ ସମ୍ବଲପୁର ବିଶ୍ୱବିଦ୍ୟାଳୟର ନୂତନ କୁଳପତି
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୫୭ କୋଭିଡ୍ ସଂକ୍ରମିତ, ୩୩୩୭୨୩ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭୁବନେଶ୍ୱର : ପରଲୋକରେ ବରିଷ୍ଠ ଅଭିନେତା ରବି ମିଶ୍ର
  • ||
  • ସାଲେପୁର : ସାଲେପୁରରେ ନାବାଳିକାଙ୍କୁ ଦୁଷ୍କର୍ମ ଅଭିଯୋଗ
  • ||
  • ଝାରସୁଗୁଡା : ପ୍ରେମୀଯୁଗଳଙ୍କ ଆତ୍ମହତ୍ୟା ଘଟଣା , ଚିକିତ୍ସାଧିନ ଅବସ୍ଥାରେ ପ୍ରେମିକାଙ୍କ ମୃତ୍ୟୁ, ପୂର୍ବରୁ ଜୀବନ ହାରିଥିଲେ ପ୍ରେମିକ
  • ||
  • ବ୍ରହ୍ମପୁର : ଗୁଳି ମାଡରେ ବେଗୁନିଆପଡା ବ୍ଲକ୍ ପୂର୍ବତନ ଅଧ୍ୟକ୍ଷ ଦେବେନ୍ଦ୍ର ସାହୁଙ୍କ ମୃତ୍ୟୁ
  • ||
  • କଳାହାଣ୍ଡି : ୧୦ଲକ୍ଷ ଟଙ୍କାର ବାଘ ଛାଲ ଜବତ, ୨ ଗିରଫ
  • ||
  • ୨ଦିନରେ ଦୁଇ ଜୀବନ : ଢେଙ୍କାନାଳରେ ହାତୀ ଆକ୍ରମଣରେ ପୁଣି ଜଣେ ମୃତ
  • ||

ମା’ ର ମମତା : ଦୁର୍ଘଟଣାଗ୍ରସ୍ତ ପୁଅ ପାଖକୁ ୨୫୦କିମି ଦୂରରୁ ଚାଲି ଚାଲି ଆସିଲା ମାଆ, ସାଙ୍ଗରେ ଥିଲା ଛୋଟ ଝିଅ

14/04/2020 at 2:20 PM

କଟକ ୧୪।୦୪: ପୁଅକୁ ଦେଖି୍ବା ପାଇଁ ଲକ୍‌ଡାଉନ୍‌ ସାଜିଲା ବାଧକ । ଦୁର୍ଘଟଣାରେ ଆହାତ ହୋଇ ପୁଅ କଟକ ବଡ଼ମେଡିକାଲରେ ଚିକିତ୍ସିତ ହେଉଛି । ପୁଅକୁ ଦେଖିବା ପାଇଁ ଯିବାକୁ ବାହାରିଲା ବେଳକୁ ଲକଡାଉନ ବାଧକ । ଯିବାର କୌଣସି ଉପାୟ ନଥିଲା । ଶେଷରେ ସାଙ୍ଗରେ ୭ବର୍ଷର ଝିଅକୁ ଧରି ଦୁଃସାହସିକ ପଦକ୍ଷେପ ନେଇଛନ୍ତି ମାଆ । ସୁନ୍ଦରଗଡ଼ ଜିଲ୍ଲା କୋଇଡ଼ାରୁ ଚାଲି ଚାଲି ୯ ଦିନ ପରେ କଟକ ପହଞ୍ଚିଛନ୍ତି । ତେବେ ବାରବାଟୀ ନିକଟରେ ଜଣେ ସ୍ୱେଚ୍ଛାସେବୀଙ୍କ ଦୃଷ୍ଟିରେ ପଡ଼ିବା ପରେ ସେ ଉଭୟଙ୍କୁ ନିଜ ଗାଡ଼ିରେ ଉଭୟଙ୍କୁ କଟକ ବଡ଼ମେଡିକାଲ ପଠାଇଥିବା ଜଣାପଡ଼ିଛି ।

ସୁନ୍ଦରଗଡ ଜିଲ୍ଲା ଟେନ୍‌ସା ଅଞ୍ଚଳର ଅମିତ କର ଓ ତାଙ୍କ ପତ୍ନୀ ବବିତା ଅଞ୍ଜଳି କର ମୀନା ବଜାର ସର୍କସ ପାର୍ଟିରେ କାମ କରୁଥିଲେ । ଗତ ୫ବର୍ଷ ତଳେ ସ୍ୱାମୀ ଅମିତଙ୍କର ମୃତ୍ୟୁ ଘଟିଥିଲା । ବବିତା କୋଇଡ଼ା ଅଞ୍ଚଳରେ ଏକ ଚାହା ଦୋକାନ କରି ପୁଅ ସୁନୀଲ ଓ କୁନି ଝିଅକୁ ଧରି ପରିବାର ପ୍ରତିପୋଷଣ କରିୁଥିଲେ । ତେବେ ସୁନୀଲ ୨ବର୍ଷ ହେଲା କେନ୍ଦୁଝରରେ ରହି ଏକ ମୀନାବଜାର ଦୋଳିରେ କାମ କରୁଥିଲେ । ୯ଦିନ ତଳେ ସୁନୀଲଙ୍କର ଦୁର୍ଘଟଣା ଘଟିଥିଲା । ଲକ୍‌ଡାଉନ୍‌ ଯୋଗୁ ଗାଡ଼ି ବନ୍ଦ ଥିବାରୁ ଝିଅକୁ ସାଙ୍ଗରେ ଧରି ବବିତା ଚାଲିଚାଲି କେନ୍ଦୁଝରରେ ପହଞ୍ଚି ଥିଲେ । ସେଠାରେ ଦୁଇ ଦିନ ରହି ବିଭିନ୍ନ ଡାକ୍ତରଖାନାରେ ପୁଅକୁ ଖୋଜିଥିଲେ । ହେଲେ ପୁଅର ସନ୍ଧାନ ମିଳିନଥିଲା ।

ଶେଷରେ ଜଣାପଡ଼ିଥିଲା ଯେ ସୁନୀଲଙ୍କୁ କଟକ ବଡ଼ମେଡିକାଲ ପଠାଇ ଦିଆଯାଇଛି । ପୁଅକୁ ଦେଖିବାକୁ କଟକ ଯିବା ପାଇଁ ଗାଡ଼ିର ବ୍ୟବସ୍ଥା କରିବାକୁ ବବିତା କେନ୍ଦୁଝର ଥାନାରେ ପହଞ୍ଚି ଗୁହାରୀ କରିଥିଲେ । ହେଲେ କେହି ତାଙ୍କ କଥା ଶୁଣିନଥିଲେ । ସେଠାରୁ ନିରାଶ ହେବା ପରେ ପୁଣି ଝିଅକୁ ଧରି ବବିତା କଟକ ଅଭିମୁଖେ ବାହାରିଥିଲେ । ଆଜି ସକାଳେ ବାରବାଟୀର ରାସ୍ତାକଡ଼ରେ ଏକ ତାଟିଘର ତଳେ ବବିତା ଓ ତାଙ୍କ ଝିଅ ବସିଥିବା ବେଳେ ସେହି ରାସ୍ତା ଦେଇ ଅଂଶୁମାନ ମେମୋରିଆଲ ଟ୍ରଷ୍ଟର ସମ୍ପାଦକ ହିମାଂଶୁ ଶେଖର ସାହୁଙ୍କ ଦୃଷ୍ଟିକୁ ଆସିଥିଲେ । ତାଙ୍କ ଠାରୁ ସମସ୍ତ ଘଟଣା ଶୁଣିବା ପରେ ମାଆ ଓ ଝିଅଙ୍କୁ କଟକ ଯିବା ପାଇଁ ବ୍ୟବସ୍ଥା କରିଥିଲେ । ତହସିଲଦାର ଓ ଧର୍ମଶାଳା ଥାନାଧିକାରୀଙ୍କୁ ଘଟଣା ସମ୍ପର୍କରେ ହିମାଂଶୁ ଜଣାଇବା ପରେ ତହସିଲ ପକ୍ଷରୁ କଟକ ଯିବା ପାଇଁ ଗାଡ଼ି ପାସ ମିଳିଥିଲା ।

   Related Posts