Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଅନ୍ଧବିଶ୍ବାସ : ଝିଅକୁ ତାନ୍ତ୍ରିକ ନିକଟକୁ ପଠାଉଥିଲେ ମା’ ଓ ମାଉସୀ, ବାରମ୍ବାର ଦୁଷ୍କର୍ମର ଶିକାର ହେଉଥିଲେ ନାବାଳିକା

30/08/2020 at 10:33 AM

ଯମୁନାନଗର ୩୦।୮: ହରିୟାଣା ଯମୁନାନଗରରେ ୧୭ ବର୍ଷର ନାବାଳିକାଙ୍କ ସହ ଦୁଷ୍କର୍ମ ହୋଇଥିବା ନେଇ ଅଭିଯୋଗ ହୋଇଛି । ଜଣେ ତାନ୍ତ୍ରିକ ନାବାଳିକାଙ୍କୁ ବହୁ ଥର ଦୁଷ୍କର୍ମ କରିଥିବା ନେଇ ଅଭିଯୋଗ କରାଯାଇଛି । ସବୁଠୁ ଆଶ୍ଚର୍ଯ୍ୟର କଥା ଯେ, ନାବାଳିକାଙ୍କ ମା’ ଏବଂ ମାଉସୀ ଅନ୍ଧବିଶ୍ବାସର ବଶବର୍ତ୍ତୀ ହୋଇ ତାନ୍ତ୍ରିକଙ୍କ ନିକଟକୁ ନିଜ ଝିଅକୁ ପଠାଉଥିଲେ । ତନ୍ତ୍ରମନ୍ତ୍ର ନାଁରେ ତାନ୍ତ୍ରିକ ଜଣଙ୍କ ନାବାଳିକାଙ୍କ ସହ ରାତିସାରା ଦୁଷ୍କର୍ମ କରୁଥିଲେ । ନିଜ ସହ ଘଟୁଥିବା ଘଟଣାର ସଂପର୍କରେ ମାଙ୍କୁ କହିଲେ ମଧ୍ୟ ଏହା ସେମାନଙ୍କୁ ଭୁଲ ଲାଗିନଥିଲା ।

ଘଟଣା ସେତେବେଳେ ପଦାକୁ ଆସିଥିଲା ଯେତେବେଳେ ନାବାଳିକାଙ୍କ ବାପାଙ୍କୁ ଏହା ଜଣାପଡିଥିଲା । ଏହା ପରେ ସେ ପୋଲିସ ନିକଟରେ ତାନ୍ତ୍ରିକଙ୍କ ବିରୋଧରେ ଅଭିଯୋଗ କରିଥିଲେ । ପୋଲିସ ପୋକ୍ସୋ ଆକ୍ଟ ଏବଂ ଆଇପିସି ଧାରା ୫୦୬ଆଧାରରେ ମାମଲା ରୁଜୁ କରିଛି । ତାନ୍ତ୍ରିତ ଏବଂ ପୀଡିତାଙ୍କ ମା’ଙ୍କୁ ଗିରଫ କରିଛି ପୋଲିସ ।

ନାବାଳିକାଙ୍କ ପେଟରେ ଯନ୍ତ୍ରଣା ହୋଇଥିଲା । ଆଲଟ୍ରାସାଉଣ୍ଡ କରାଯିବା ପରେ ପେଟରେ ଷ୍ଟୋନ୍ ହୋଇଥିବା ଜଣାପଡିଥିଲା । ଏ ସଂପର୍କରେ ଜାଣିବା ପରେ ନାବାଳିକାଙ୍କ ମାଉସୀ ତାଙ୍କ ମା’ଙ୍କୁ ସଂପୃକ୍ତ ତାନ୍ତ୍ରିକ ବିଷୟରେ ଜଣାଇଥିଲେ । ଫଳରେ ଉଭୟ ଝିଅକୁ ନେଇ ସେଠାରେ ଚିକିତ୍ସା କରାଇବା ପାଇଁ ଯାଉଥିଲେ । ସେଠାରେ ସଂପୃକ୍ତ ତାନ୍ତ୍ରିକ ପୀଡିତାଙ୍କ ସହ ବାରମ୍ବାର ଦୁଷ୍କର୍ମ କରୁଥିଲା ।

   Related Posts