କଟକ୨୭|୧୨: ମୋଷ୍ଟ ୱାଣ୍ଟେଡ୍ ଅପରାଧୀ ତପୁ ଓରଫ ପ୍ରଶାନ୍ତ ଦାସ ଗିରଫ । ଏକ ଅଜ୍ଞାତ ସ୍ଥାନରେ ରଖି ତପୁକୁ ପୋଲିସ ଜେରା କରିବା ସହ ବିଭିନ୍ନ ସ୍ଥାନରେ ଘନ ଘନ ଚଢାଉ କରୁଛି । ତାଠୁ ଲକ୍ଷାଧିକ ଟଙ୍କା ସହ ବନ୍ଧୁକ, ଗୁଳି ଜବତ କରିଛି ପୋଲିସ । ତପୁ ନାଁରେ ଜଗତସିଂପୁର ଓ କଟକରେ ପ୍ରାୟ ୪୦ରୁ ଅଧିକ ସଂଗୀନ ମାମଲା ରହିଛି ।
{"id":67851}
ପୋଲିସ ପଞ୍ଝାରେ ମୋଷ୍ଟ ୱାଣ୍ଟେଡ୍ ତପୁ ଓରଫ ପ୍ରଶାନ୍ତ ଦାସ । ଦୀର୍ଘ ଦିନ ହେଲାଣି କଟକ ପୋଲିସ ପାଇଁ ମୋଷ୍ଟ ୱାଣ୍ଟେଡ୍ ଥିଲା ତପୁ । କଥା କଥାକେ ଗୁଳି ଫୁଟାଇ ଚଳାଇଥିଲା ଆତଙ୍କରାଜ । ସତେ ଯେମିତି ଗୁଳି ଫୁଟାଇବା ତା ପାଇଁ ପାଲଟି ଯାଇଥିଲା ସଉକ । ନିକଟରେ ଏକ ଜନ୍ମଦିନ ଭୋଜିରେ ବି ଖୁସିରେ ଗୁଳି ଚଳାଇଥିଲା ସେ । ପୂର୍ବରୁ ଜଗତସିଂହପୁର ଜିଲ୍ଲାରେ ସାମ୍ରାଜ୍ୟ ବିସ୍ତାର କରିଥିବା ତପୁ ଧଳସାମନ୍ତ ବ୍ରଦର୍ସଙ୍କ ଗିରଫ ପରେ କଟକ ଚାଲି ଆସିଥିଲା । ଗତ ମାର୍ଚ୍ଚ ୨ରେ ହୋଲି ଖେଳ ସମୟରେ ପ୍ରତାପନଗରୀ ଧାକୁଲେଇ ପୀଠରେ ଗୁଳି ମାଡ କରିଥିଲେ ତପୁ ଆଣ୍ଡ କୋ । ଗୁଳିକାଣ୍ଡରେ ତିନି ଜଣ ଗୁରତର ଆହତ ହୋଇଥିଲେ । ସେହିଦିନଠାରୁ କଟକ ଛାଡି ଫେରାର ହୋଇଯାଇଥିଲା ତପୁ । ଆଉ କଟକ ପୋଲିସ ପାଇଁ ପାଲଟି ଯାଇଥିଲା ମୋଷ୍ଟ ଓ୍ବାଣ୍ଟେଡ ।
{"id":67852}
ତପୁକୁ ଧରିବା ପାଇଁ ପୋଲିସ ଭାଇଜାଗ ଓ ବେଙ୍ଗଳୁରୁରେ ରେଡ କରିଥିଲା । କିନ୍ତୁ ସାତିର ଦିମାକ ତପୁ ପୋଲିସ ଆଖିରେ ଧୁଳି ଦେଇ ଖସିଯାଇଥିଲା । ତେବେ ସୋମବାର ରାତିରେ ତପୁକୁ ଭୁବନେଶ୍ବରରୁ ଗିରଫ କରିଛି ପୋଲିସ । ଗଣମାଧ୍ୟମଠୁ ଦୂରରେ ରଖି ଏକ ଅଜ୍ଞାତ ସ୍ଥାନରେ ରଖି ତପୁକୁ ମାରାଥନ୍ ଜେରା କରୁଛି କଟକ ସଦର ଥାନା ପୋଲିସ । ସେହି ତଥ୍ୟ ଆଧାରରେ ପୋଲିସ ବିଭିନ୍ନ ସ୍ଥାନରେ ରେଡ୍ କରୁଛି । ତା ନିକଟରୁ ଲକ୍ଷାଧିକ ଟଙ୍କା ସହ ବନ୍ଧୁକ, ଗୁଳି, ମୋବାଇଲ୍ ଓ ସିମ୍ କାର୍ଡ ଜବତ କରିଛି । ପୋଲିସ ରେକର୍ଡ ଅନୁସାରେ କଟକ ଓ ଭୁବନେଶ୍ବରରେ ୪୦ ରୁ ଅଧିକ ସଙ୍ଗାନ ମାମଲା ରହିଛି ।
